Apocalipsis 4:7 - Bible in Tzeltal de Oxchuc y Tenejapa

⁷ Te sbabial te bila cuxule jich yilel te bit'il león-choje. Te xcha'cojt'ole jich yilel te bit'il alal toro wacax. Te yoxebal jich sit yelaw te bit'il winique. Te xchancojt'ole jich yilel te bit'il águila te yac ta wilele.

Nuevo Testamento Tzeltal de Amatenango

⁷ Te primero te tut kuxule pajal sok jkojt choj, te xchebale pajal sok jtojt toro, te yoxebale pajal sok yelaw gente, y te xchanebale pajal sok jkojt xik te yipal ta wilele.

Bible in Tzeltal Bachajón

⁷ Te jun hich yilel te bin ut'il choj; te schebal hich yilel te bin ut'il jcolel-wacax; te yoxebal hich yilel sit yelaw te bin ut'il winic; te schanebal hich yilel te bin ut'il muc'ul jxic yac ta wihlel.

Apocalipsis 4:7 ပူးပေါင်းရင်းမြစ်များ

Génesis 49:9

Judá, te jnich'anate, jichat te bit'il alal león-choje. Ya xju' awu'un slumtayel, teme laj awo'tan ta sti'ele, jun awo'tan ya apajc'an aba, jichuc mamal león-choj, ma'yucat ta tijel.

2 Samuel 1:23

“Saúl soc Jonatán, te c'uxic ta o'tanil soc te mulanbil, ma ba la spit sbaic te c'alal cuxul, ni ja'uc la spit sbaic te c'alal lajiquix a. C'ax jich beenic a te bit'il swilel águilaetic, c'ax jich yipic te bit'il león-chojetique.

Proverbios 28:2

C'alal yac ta bolobel te lume, ya x'esmajic tsobol te ajwaliletic yu'un; yan te lequil ajwalile, ya yac' lamal q'uinal ta stojol slumal.

Isaías 40:31

Yan te mach'atic ya smuc'ulin yo'tanic te Cajwaltique, spisil me ora ya x'ach'ub yipic stuquelic. Jich me ya xju' xwilic c'oem te bit'il águila; ya xju' x'animajic, mero ma xlubic, soc ma xcom yo'tanic te ya xbeenique.

Ezequiel 1:10

Te chaneb bila cuxajtic jich yelawic te bit'il winique, ta swa'el pajal soc yelaw león-choj, ta xq'uexen pajal soc yelaw toro, ta spat pajal soc yelaw muc'ul águila.

Ezequiel 1:8

Te bit'il ay chaneb yelawic soc chaneb xiq'uic te bila cuxajtique, ay xan chaneb sc'abic, pajal soc sc'ab winic ta jujun xujq'uic ta ye'tal xiq'uic. Te xiq'ue ya sta sba. Teme jajch'ic ta beele, ma ba ya sujt' ta spatic, ta neel ya xbeenic.

Ezequiel 10:14

Ta jujun te querubínetique ay chaneb yelawic: Te june yelaw toro yilel, te xchebale yelaw winic, te yoxebale yelaw león-choj, te xchanebale sni' águila yilel.

Ezequiel 10:21

Ta jujun ay chaneb yelawic soc chaneb xiq'uic, ta ye'tal te xiq'uic chican ta ilel te bila pajal soc sc'ab winic yilele.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Abdías 1:4

Manchuc me ya xwilat moel jichuc águila, soc teme ya apas apechech ta bay eq'uetic, tey me ya jch'ojat coel tel a —xi'. Te Cajwaltic tulan ya yal:

Números 23:24

Ja' in lum to ya xwilic jajch'el, jich ya xiwteswanic te bit'il león-choj; ma ba ya xcux yo'tanic ja' to teme ju' yu'un slajinel te bila stsacoje, ja' to teme ju' yu'un yuch'el xch'ich'el te bila lajem yu'une —xi' ta yalel te Balaam.

Números 24:9

C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Apocalipsis 4:6

Soc ay bila pamal tey a ta bay stojol te muc'ul nactijibale, pajal yilel soc mar te xlemet nax jich bit'il te espejoe. Ta yolilal ta bay xchantselel xchiquin te muc'ul nactijibale, ay chancojt' te bitic cuxajtic la quil tey a te ay sitic ta scojt'ol ta yelawic soc ta spatic.

Apocalipsis 6:3

Te c'alal la sjam te xchebal sello te Alalchije, la caiy stojol c'opoj te xcha'cojt'ol te bitic cuxajtique: “La' me, ila awil”, xi'.

Apocalipsis 6:5

Te c'alal la sjam te yoxebal sello te Alalchije, la caiy stojol c'opoj te yoxcojt'ol te bitic cuxajtique, jich la yal: “La' me, ila awil”, xi'. Jich la quil jcojt' ijc'al caballo. Te mach'a cajal ta spate slicoj libra ta sc'ab.

Apocalipsis 6:7

Te c'alal la sjam te xchanebal sello te Alalchije, la caiy stojol c'opoj te xchancojt'ol te bitic cuxajtique, jich la yal: “La' me, ila awil”, xi'.