Apocalipsis 4:6 - Bible in Tzeltal de Oxchuc y Tenejapa

⁶ Soc ay bila pamal tey a ta bay stojol te muc'ul nactijibale, pajal yilel soc mar te xlemet nax jich bit'il te espejoe. Ta yolilal ta bay xchantselel xchiquin te muc'ul nactijibale, ay chancojt' te bitic cuxajtic la quil tey a te ay sitic ta scojt'ol ta yelawic soc ta spatic.

Nuevo Testamento Tzeltal de Amatenango

⁶ Ta yelaw te mukꞌul naktajibale ay tut ay teꞌa te pajal sok te jun mare te xlemet nax jich tutꞌil te espejoe. Ta yolil te ba ay te mukꞌul naktajibale y ta sjoylejal ay chaneb tut kuxajtik a skojtol ay sit ta yelaw y ta spat.

Bible in Tzeltal Bachajón

⁶ Soc ta stojol te muc'ul-huctajibal ay sjel ta muc'ul mar yilel, sacliplip hich te bin ut'il cristal. Soc tec'ajtic ta sjoyobal te muc'ul-huctajibal ay chaneb bintic cuxajtic te scohtol ay sitic ta stahnic soc ta spatic.

Apocalipsis 4:6 ပူးပေါင်းရင်းမြစ်များ

1 Reyes 7:23

Te Hiram la spas jun muc'ul estanque ta bronce yu'un yawil ja'. Sepel la spas, ay chaneb metro soc lajuneb yoxwinic (50) centímetro te sjamalul te sti'ile. Te stoyolile cheb metro soc jo'eb xcha'winic centímetro (25), te sjoylejal te sti'ile ay oxlajuneb metro soc lajuneb yoxwinic (50) centímetro.

Job 28:17

C'axem jich stojol a te bit'il oro, soc c'axem jich a te bit'il espejo-ton, ma xju' ta jelel a te bila pasbil ta lequil oro.

Éxodo 38:8

Te Bezaleel la spas ta bronce te yawil ja' soc te scajtijibe. Ja' tuun yu'un te espejo-taq'uinetic yu'un te antsetic te yac'oj sbaic ta abatinel ta yochibal te Nailpac' te bay ya yich' c'oponel te Cajwaltique.

Ezequiel 10:12

Ay sitiletic ta scojt'ol, ta spatic, ta sc'abic, soc ta xiq'uic, mero xlemlajanic ta spisilic ta bayuc. Ja' nix jich ta xchanebal te ruedaetique.

Ezequiel 10:14

Ta jujun te querubínetique ay chaneb yelawic: Te june yelaw toro yilel, te xchebale yelaw winic, te yoxebale yelaw león-choj, te xchanebale sni' águila yilel.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 21:11

Te muc'ul lum, xlemet nax yutsil xojobil tey a te Diose. Te xojobile pajal yilel soc te bit'il xlemet nax t'ujbil saquil ton te jaspe sbiile, te ya xc'ax jsitic ta yilel q'uinal a jich bit'il te cristale.

Apocalipsis 21:18

Te sts'ajc'ul te lume pasbil ta jaspe-ton. Yan te lume, pasbil ta oro te xujt' ma'yuc scape, te pajal soc te espejo te xujt' ma'yuc bolobene.

Apocalipsis 21:21

Ta slajchayjujt'ul te sti' sts'ajq'ue, lajchayeb perlaetic pasbil a. Te jujun sti' jun perla pasbil a. Te smuc'ul calleil te lume pasbil ta oro te xujt' ma'yuc scape te pajal soc espejo te ya xc'ax jsitic ta yilel q'uinal a.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 5:11

La quil soc la caiybey stojol sc'op tsobol ta jtul te ch'ul abatetic te sjoytayejic te muc'ul nactijibale soc uuc te bitic cuxajtique soc uuc te mamaletique. Te yajtalul te ch'ul abatetique bayal ta millón ta millón te ma ju' ta ajtayele.

Apocalipsis 5:14

Te chancojt' bitic cuxajtique jich la yalic uuc: “Jichuc”, xiic. Te chaneb xcha'winic (24) mamaletique la squejan sbaic ta stojol te mach'a stalel cuxul sbajt'el q'uinale.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 5:8

Te c'alal la stsac te balbil june, te chancojt' bitic cuxajtique soc uuc te chaneb xcha'winic (24) ta jtul mamaletique la squejan sbaic ta stojol te Alalchije. Spisilic yich'oj yarpaic soc copaetic te pasbilic ta oro te nojel ta pom, te ja' sc'opic ta sc'oponel Dios te mach'atic ch'ul lum yu'un te Diose.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Apocalipsis 6:6

La caiy stojol te ay mach'a c'opoj ta yolilal te chancojt' te bitic cuxajtique, te jich la yale: “Cheb libra trigo ta jun denario stojol, soc waqueb libra cebada ta jun denario. Yan te aceite soc te vino ma me xawac' ch'ayuc stuquel”, xi'.

Apocalipsis 7:11

Spisil te ch'ul abatetique, tec'ajtic ta bay sjoylejal te muc'ul nactijibale soc te chaneb xcha'winic (24) ta jtul mamaletique soc te chancojt' te bitic cuxajtique, la spajc'an sbaic ta lum ta stojol te muc'ul nactijibale. Jich la yich'ic ta muc' te Diose.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.