Apocalipsis 4:5 - Bible in Tzeltal de Oxchuc y Tenejapa

⁵ Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Nuevo Testamento Tzeltal de Amatenango

⁵ Te ba mukꞌul naktajibale ya xlokꞌ tal sansewal sok xixixet sok ya xtꞌom. Y ta yelaw te mukꞌul naktajibale yipal ta tilel jukchꞌix kꞌajkꞌ te jaꞌ te jukeb Espirituetik yuꞌun te Diose.

Bible in Tzeltal Bachajón

⁵ Yac ta loq'uel ta muc'ul-huctajibal tsantsehwal, chahwuc, soc bayel c'op. Ay huqueb c'ahc' yac ta tihlel ta stojol te muc'ul-huctajibal, ha te huqueb espírituhetic yu'un Dios.

Apocalipsis 4:5 ပူးပေါင်းရင်းမြစ်များ

Génesis 15:7

Soc jich la yalbey xan yaiy: —Jo'on Awajwalon te la quic'at loq'uel tel ta Ur te ay ta sq'uinal caldeoetique, swenta yu'un ya cac'bat aq'uinalin in q'uinal to —xi' sc'oplal yu'un.

2 Crónicas 4:20

te scajtijib c'ajq'uetic te pasbil ta oro, soc te yawil c'ajq'uetic yu'un, te ayic ta yelaw te Mero Ch'ul Awilale, yu'un ya yich' tsumel jich bit'il albil te mandale;

Salmos 68:35

Jchajp a te yutsilal Dios ta ch'ul templo yu'une; te Dios yu'un Israel ya yac'bey yu'el soc yip te lum yu'une. ¡Wocol yalbotic te Diose!

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Éxodo 25:37

Soc ya me apasbey juqueb ch'in c'ajq'uetic. Ya me acajan tey a swenta yu'un ya xojobaj tel ta elawal.

Éxodo 37:23

La spasbey juqueb ch'in c'ajq'uetic soc te stup'jibal te smechail c'ajq'ue, soc te xch'in splatoile.

Ezequiel 1:13

Te bi yilelic te bila cuxajtique, jichic te bit'il tilem ac'ale, o jich te bit'il tsumbil c'ajc' te xtal xbajt' ta yolilique. Te c'ajq'ue mero chican q'uinal yu'un, tey yac ta loq'uel tsantsewaletic a.

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Zacarías 4:2

—¿Bila yacat ta yilel? —la yuton. La jac'bey: —Yacon ta yilel scajtijib c'ajc' te pasbil ta oro, te ay yawil aceite ta sbae. Ta stoyolil te scajtijib c'ajc' ay juqueb yawil c'ajc', te ay juqueb tuboetic yac ta c'oel aceitee tey a.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

Hechos 2:3

Soc chicnaj la yilic tsobol ch'in c'ajq'uetic te jich yilel te bit'il cac'tique, la spuc sbaic ta stojolic ta juju-jtul.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Apocalipsis 10:3

Tulan awun ta c'op jich bit'il ya x'awun te león-choje. Te c'alal awune, ay juqueb chawuc te awunic ta sjac'bel te sc'ope.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.