Apocalipsis 4:2 - Bible in Tzeltal de Oxchuc y Tenejapa

² Ta ora nax la swentainon ta yu'el te Espiritue. Jich la quil te ay jun muc'ul nactijibal te ay ta yolil te ch'ulchane, soc la quil te ay mach'a nacal tey a.

Nuevo Testamento Tzeltal de Amatenango

² Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.

Bible in Tzeltal Bachajón

² Ora la scuentahinon te Espíritu, la jquil ay muc'ul-huctajibal ta ch'ulchan soc ay Mach'a hucul tey a.

Apocalipsis 4:2 ပူးပေါင်းရင်းမြစ်များ

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

Salmos 11:4

Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

Isaías 6:1

Ta ya'wilal te bit'il laj te muc' ajwalil Uzías, chicnaj ta jsit te Cajwaltic, nacal ta smuc'ul snactijib te mero najt' stoylejale. Te sti'il snajt'il sc'u'e nojel yu'un te temploe.

Jeremías 17:12

Te templo cu'untique ja' smuc'ul nactijib ajwalil, te toyol ac'bil c'alal ta xjajch'ibal.

Ezequiel 1:26

Ta sba te bila joyole, ay bila la quil tey a, jich yilel te bit'il jun muc'ul nactijibal pasbil ta t'ujbil yaxal ton. Ta sba te bila pajal soc muc'ul nactijibal yilele, ay mach'a ay tey a, pajal soc winic yilel.

Ezequiel 1:28

pajal soc arco iris te ya xchicnaj ta yolil tocaletic te c'alal ay ja'ale. Jich jul ta jtojol te xojobil te yutsilal te Cajwaltique. Te c'alal la quile, la jtinan jba coel c'alal ta lum.

Ezequiel 10:1

La quil xan te ay bila joyol tey a, te ay ta yajc'olal sjolic te querubínetic. Jich la quil te pajal soc muc'ul nactijibal yilel pasbil ta zafiro-ton.

Daniel 7:9

“Tey yacon ta yilel a, la quil chicnaj muc'ul nactijibaletic, ay jtul Mamal yilel najc'aj tey a. Te sc'u' mero sac jichuc toib; te stsotsil sjol pajal soc buen saquil stsotsil chij te buen saque. Te smuc'ul nactijib soc te ruedaetic yu'une, puro c'ajc' yilel,

San Mateo 22:43

Te Jesús la yalbey yaiyic: —¿Bit'il ay a jiche te “Cajwal”, xi' te Davide? Melel jich ac'bot yal yu'un te Ch'ul Espiritue:

Hebreos 8:1

Te bila muc' sc'oplal te la caltiquix tele, ja' te bit'il jich ay te Muc' Sacerdote cu'untic te nacalix ta swa'el smuc'ul nactijib te muc' Dios te ay ta ch'ulchane.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Apocalipsis 12:5

Ayin squerem-al te antse, te ja' tulan ya xmandalaj soc sbastón-taq'uin ta stojol spisil ta jchajp te nacionetique. Ic'ot moel yu'un Dios ta ch'ulchan ta ora nax te yale, ta bay te smuc'ul nactijib te Diose.

Apocalipsis 17:3

Te Espíritu la swentainon ta yu'el. Jich ic'bilon bael la caiy c'alal ta jochol taquin q'uinal yu'un te ch'ul abate. Tey la quil jtul ants a te cajal ta spat tsajal chambalam te xi'bantic sbae, scojt'ol ts'ibubil biililetic swenta stoybac'optayel te Diose. Ay jucp'ij sjol soc lajunch'ix xulub.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 21:10

Te Espíritu la yic'on bael ta bay te muc'ul toyol witse. Tey la yac'bon quil a te muc'ul ch'ul lum Jerusalén te yac ta coel tel ta ch'ulchan te loc' tel ta stojol te Diose.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 4:5

Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Apocalipsis 4:9

Te bitic cuxajtique, spisil ora ya yalbeyic yutsilal, ya yich'ic ta muc', soc ya yalbeyic wocol te mach'a nacal ta muc'ul nactijibale, ja' te mach'a stalel cuxul sbajt'el q'uinale.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Apocalipsis 5:13

Spisil te bitic chicnantesbil yu'une te ay ta ch'ulchan soc ta balumilal soc ta ye'tal balumilal soc ta mar soc spisil te bitic ay tey a, jich yacalic ta yalel: “Te mach'a nacal ta muc'ul nactijibal soc te Alalchije, ac'a yich' albeyel wocol. Ay ta ich'el ta muc', ay yutsilal soc ay yu'el ta sbajt'el q'uinal”, xiic ta spisilic.

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.