Apocalipsis 3:8 - Bible in Tzeltal de Oxchuc y Tenejapa

⁸ Jo'on quilojbat spisil te awat'ele. Soc ta ora to jamojbatix ti'nail ta atojol te ma'yuc mach'a ya xju' yu'un te ya smaque. Manchuc teme jteb nax te awipe, ja'uc me to, awat'elinej spasel te bila la cale, soc ma ba amucoj ta awo'tan te jbiile.

Nuevo Testamento Tzeltal de Amatenango

⁸ “Kiloj spisil te tut ya apase. Ila awil, kakꞌoj ta atojol jun puerta te jeꞌele, te maꞌyuk machꞌa ya xjuꞌ ya stsꞌuse. Y aunke maꞌyuk lek apuersa, awakꞌoj ta jkuenta te jkꞌope y maꞌ mukojukon ta awoꞌtan.

Bible in Tzeltal Bachajón

⁸ Ya jna' bin yilel awa'tel. La jcac' jamal puerta ta atojol te mayuc mach'a ya xhu' ya smac. Aunque mayuc lec awip, la acanataybon te jc'op soc ma ba la amuc ta awo'tan te jbihile.

Apocalipsis 3:8 ပူးပေါင်းရင်းမြစ်များ

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Daniel 11:34

Te c'alal ya xc'ot yorail te uts'inele, ay banti ya xtal jtebuc coltayel ta stojolic, manchuc me ay bayal ya yac' sbaic soc, swenta nax ayuc bi ya staic a.

San Lucas 12:9

Yan te mach'a ya smucon ta yo'tan ta stojol te ants-winiquetique, ja' nix jich mucbil ya xc'ot ta stojol te ch'ul abatetic yu'un te Diose.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

Hechos 14:27

Te c'alal c'otic ta Antioquía, la yiq'uic tel spisil te jch'uunjeletique. La yalbey yaiyic spisil te bila spasoj Dios ta swentaique soc te bit'il jamal be yu'un te ya yac' xch'uunjel yo'tanic uuc te jyanlumetique.

1 Corintios 16:9

Yu'un jamal q'uinal ya caiy li'to te ya x'at'ejon xane, soc te ya xmuc'ub te at'ele, manchuc teme ay tsobol ya scontroinonic yu'une.

2 Corintios 2:12

C'alal c'oon ta bay lum Troas ta xcholel te lec yach'il c'op yu'un te Cristoe, te Cajwaltic la sjambon te jbe swenta ya xju' ya x'at'ejon tey a.

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

1 Timoteo 5:8

Te mach'a ma xyac'bey te bila ya xtuun yu'un te mach'a ay yu'une, soc c'axem to xan te mach'a ay ta snae, tojol ya yal te ay xch'uunjel yo'tane. C'ax jich smul c'oem a te bit'il te mach'a ma xch'uunejuc te Diose.

2 Timoteo 4:7

Te jo'one la caiyix tsalaw, ju'ix cu'un te animal beele, ma ba ch'ay te xch'uunjel co'tane.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 3:15

Jo'on quilojbat te awat'ele. La caiyix te ma sicucate soc te ma q'uixinucate. Co'tanuc te q'uixinate o te mero sicate.

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.