Apocalipsis 3:7 - Bible in Tzeltal de Oxchuc y Tenejapa

⁷ Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.

Nuevo Testamento Tzeltal de Amatenango

⁷ Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.

Bible in Tzeltal Bachajón

⁷ Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

Apocalipsis 3:7 ပူးပေါင်းရင်းမြစ်များ

Job 11:10

Teme tal te Diose, teme ic'awan ta chajbanwaneje, soc teme ya yac' castigo, ¿mach'a ya xju' yu'un scomel?

Job 12:14

Te bila ya sjin te Diose, ma'yuc mach'a ya xju' yu'un ya xcha'pas xan stuquel. Te mach'a Dios ya xmacot yu'une, ma'yuc mach'a ya xju' ya yac' ta libre yan buelta.

Salmos 145:17

Te Cajwaltic stalel toj yo'tan stuquel, yat'elinej c'uxtaywanej.

Salmos 16:10

melel ma ba ya awijq'uitayon jilel ta muquenal, ma ba ya apijt'es jilel ta ch'en te mach'a jun yo'tan ta atojole.

Salmos 89:18

Te Cajwaltique, ja' jmajq'uiltic stuquel; te muc' ajwalil cu'untic ja' te Ch'ul Dios yu'un te Israel.

Isaías 22:22

Ya me jcajanbey ta snejq'uel syaweal sna te David; ma'yuc mach'a ya xju' yu'un smaquel te ya sjam stuquele, ma'yuc mach'a ya xju' sjamel te ya smac stuquele.

Isaías 30:11

Ijq'uitaya jilel te be at'unoje, q'ueja abaic loq'uel ta bay te toj be. Ma xawac'otic ta stojol te Ch'ul Dios yu'un Israel —ya yutic.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Isaías 41:16

Ya me ach'oj moel, ya me yich' bael te iq'ue; te sutu-iq'ue ya me spuc bael. Jich yu'un te ja'ate bin nax me awo'tan ta stojol te Cajwaltique, toyol nax me q'uinal ya awaiy yu'un te Ch'ul Dios yu'un Israel.

Isaías 41:20

Ta spisil ants-winiquetic ya me yilic soc ya me sna'ic te jo'on Ajwalilon, te jpasoj soc te cu'ele. Ya me yaiyic stojol soc ya me xc'ot ta yo'tanic te jo'on, Ch'ul Dioson yu'un Israel, te jo'on la jchicnantese —xi' te Diose.

Isaías 47:4

Te J'ac'wanej ta libre cu'untique, ja' te Ch'ul Dios yu'un Israel, te sbiile: “Ajwalil te Spisil ya xju' yu'une”, jich ya yal:

Isaías 48:17

Jich ya yal te Cajwaltic te J'ac'wanej ta libre awu'une, te Ch'ul Dios yu'un te Israele: —Jo'on te Ajwalilon te Dioson awu'une; jo'on ya jp'ijubtesat ta swenta te alequilale, jo'on ya quic'at ta be ta bay ya sc'an ya at'un baele.

Isaías 49:7

Te Cajwaltic te J'ac'wanej ta libre, ja' te Ch'ul Dios yu'un Israel, ya yalbey te lum te jc'axel yich'ojix ilayele, ja' te yilayejic te jyanlumetique, ja' te yich'oj mosoinel yu'un te j'uts'inwanejetique: —C'alal ya yilex te muc' ajwaliletic soc te biq'uit ajwaliletic, ya me xjajch'ic, soc ya me xtal squejan sbaic ta atojol. Melel jo'on Ajwalilon, te Ch'ul Dioson yu'un Israel, la jtsaat, soc ya me jc'otes ta pasel te jc'ope —xi'.

Isaías 54:5

melel te Jpaswanej awu'un, ya me yic' yinaminat. Te sbiile, ja' Ajwalil te Spisil ya xju' yu'une; te J'ac'wanej ta libre awu'un, ja' te Ch'ul Dios yu'un Israel, te Dios te swentainej spamal te balumilale.

Isaías 55:5

Te ja'ate ya me awic' tel te lumetic te ma na'biluc sbaique; te lumetic te ma sna'bat aba, animal nax ya xbajt'ic ta atojol. Melel ya me cac'at ta ich'el ta muc', jo'on Awajwalon, te Ch'ul Dioson yu'un Israel —xi'.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

San Mateo 16:19

Jo'on ya cac'bat syaveal ta sjamel soc smaquel ta banti ay ta ajwalinel te Dios te ay ta ch'ulchane. Te bila ya achuc li'to ta balumilale, jich chucul ya xc'ot ta ch'ulchan. Soc te bila ya achap ta balumilale, jich chapal ya xc'ot ta ch'ulchan —xi' te Jesuse.

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

San Marcos 1:24

Jich la yal: —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Lucas 1:32

Muc' me ya xc'ot, soc “Snich'an te Ch'ul Dios te mero toyol aye” xi' me sbiil ya xc'ot. Te Cajwaltic Diose ya me yac'bey sjelolin ta ajwalil ta smuc'ul nac'tijib te Davide, ja' nix te namey q'uinal state.

San Lucas 4:34

—Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Hechos 3:14

Ma la awaq'uic ta coltayel stuquel te mach'a lec ta winiquil te toj yo'tane. Ja' la awaq'uic ta coltayel bael te mach'a jmilawale.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 16:7

Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.