Apocalipsis 3:4 - Bible in Tzeltal de Oxchuc y Tenejapa

⁴ Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

Nuevo Testamento Tzeltal de Amatenango

⁴ “Pero te ba Sardise ay to awuꞌun jtul chebuk te maꞌyuk yijkꞌutesej te skꞌuꞌ-spakꞌe. Te stukelike ya me sjoinikon ta beel sok sak te skꞌuꞌ-spakꞌike. Porke aꞌbil ta jkuenta stukelik.

Bible in Tzeltal Bachajón

⁴ Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Apocalipsis 3:4 ပူးပေါင်းရင်းမြစ်များ

1 Reyes 19:18

Ja'uc me to, ya calbat in to: ay to jucmil (7,000) ta jtul ta Israel te ma ba squejanej sbaic ta stojol Baal soc te ma'yuc sbujts'iyejique. Ja'ic ya me yich'ic canantayel cu'un —xi'.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Salmos 68:14

Te Mach'a Spisil ya xju' yu'une, te c'alal la yac' anuc te muc' ajwaliletic, sacub ta nieve te sba wits Salmón.

Eclesiastés 9:8

Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Isaías 59:6

Te sna ametic ma xju' ta pasel c'u'iletic a; ma'yuc mach'a ya sc'u'inbey te bila ya sjalic. Spisil te yat'elique ma lecuc ta jyalel, te yat'el sc'abique, swenta uts'inwanej.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Levítico 13:48

teme ya xchicnaj ta jalbil pac' pasbil ta lino, ta lana, teme ya xchicnaj ta nujc'ul, o ta yantic biluquetic te pasbil ta nujc'ule,

San Mateo 10:11

“Teme ya xc'oex ta bay muc'ul lum o ta ch'in lum, leaic tey a te mach'a lec sc'oplal. Ainanic ta sna ja' to teme ya awijq'uitayic jilel te lume.

San Marcos 16:5

Ochic bael ta yutil te muquenale. Tey la yilic a jtul jch'iel querem nacal ta swa'el muquenal. Buen sac te snajt'il sc'u'e. Xiwic yu'un.

San Lucas 20:35

Yan te mach'a jayeb lec ya x'ilotic yu'un Dios te jich ya xju' ya x'ainic tey a ta bay te utsil-q'uinal te ya xchicnaj ta patile soc te ya xcha'cuxic tel ta bay te animaetique, ma'yuquix nujbinel tey a.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

2 Tesalonicenses 1:5

Ja' in to ja' ya yac' ta ilel te bit'il stojil te chajbanel yu'un te Diose, melel ya yac' x'ainex tey a ta banti ay ta muc' ajwalil te Diose. Ja' swentail te ay awocolic ta ora to.

Judas 1:23

Coltayaic me te yantique, loq'uesaic tel ta bay te c'ajq'ue. Soc c'uxbajuc me ta awo'tanic te yantique. Ja'uc me to, ilaybeyaic te smulique soc te sc'u'-spac' te boloben yu'un te mulil spasojique. Xiwanic me yu'un.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 19:14

Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Apocalipsis 3:18

Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 6:11

Jich ac'bot slapic saquil c'u'il juju-jtul, soc albotic te junuc yo'tan ac'a smaliyic xan jtebuc, ja' to teme ts'acaj yajtalul te yermanotac te ayic ta abatinel yu'un te Cristoe, puersa ya yich'ic milel uuc, jich te bit'il la yich'ic milel stuquelique.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.