Apocalipsis 3:2 - Bible in Tzeltal de Oxchuc y Tenejapa

² Wic'a me asit. Ac'beya xan yip te bila cuxul to awu'une, te melel jlajelix ta jc'axel. Yu'un quiloj te ma lecuc te awat'el ta stojol te Diose.

Nuevo Testamento Tzeltal de Amatenango

² Kuxa awoꞌtan y aꞌbe xan spuersa te tutik kuxul to awuꞌune te jmel ya xlajixe. Yuꞌun kiloj te tut ya apase ma tojuk ta sit te Dios kuꞌune.

Bible in Tzeltal Bachajón

² Cuxa awo'tan, a'beya yich' yip te bintic hilemic to, te lajelix, como la jta te ma ba ts'acal awa'tel ta stojol Dios.

Apocalipsis 3:2 ပူးပေါင်းရင်းမြစ်များ

1 Reyes 11:4

Te c'alal mamalix a, te antsetic yu'un la syantesbeyic yo'tan te Salomón ta stojol te diosetic yu'unique, melel ma spisiluc yo'tan la yac' sba ta stojol te Cajwaltic te Dios yu'une. Ma jichuc la spas te bit'il la spas te state, ja' te David.

1 Reyes 15:3

Te Abiam ja' nix la spas te bila muliletic la spas te stat ta neelal to, ma junuc yo'tan la yac' sba ta stojol te Cajwaltic te Dios yu'une. Melel ma jichuc la spas te bit'il la spas te David, te ja' sts'umbale.

2 Crónicas 25:2

Te yat'el Amasías lec ta sit Cajwaltic, pero ma mero jc'axeluc lec la yac' sba.

Job 16:5

Ya xju' xaal te ay yutsilal te jc'ope, soc swenta muc'tesej-q'uinal, yu'un jich ya yich' xan yip awo'tanic a soc jich ya xcujch' awu'unic a.

Isaías 35:3

Tulantesaic te mach'atic ma'yuc yipique; ac'beya yich' stulanilic te mach'atic lubenique.

Isaías 56:10

Melel te jcananetic yu'un te lum cu'une ma'situbenic, mero ma sna'ic stojol ta jyalel. Spisilic ja'ic uma' ts'i'etic, te ma xju' yu'unic wojwonel; puro metslej ay ta yo'tanic soc swayelic, ja' bin nax yo'tanic yu'un te wayele.

Isaías 57:12

Ja'uc me to, ya jpucbat te ac'oplale, te acuyoj aba te mero tojate.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

Daniel 5:27

TEKEL te xie, ja'at te muc' ajwalilate, la awich'ix jp'isel awalal ta balanza, pero mero ma'yuc bayal awalal loc'at, xi' c'oem.

Zacarías 11:16

Melel ya me cac' ochel jtul jcanan ta stojol te lumq'uinal te ma'yuc sc'oplal ta yo'tan te chijetic ya xjowejic baele, soc ma ba ya sle te jayeb ch'ayemique, ni yacuc xpoxtay te jayeb ejch'enajemique, soc ma ba la yac'bey swe'elic te jayeb lajem yipique. Ja' nax ya me sti'bey sbaq'uetal te banti ay mero jujp'enic, ni slots'uc ya yijq'uitaybey.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

San Mateo 25:13

Jich yu'un te ja'exe, wiq'uiluc me asitic, yu'un ma na'biluc awu'unic bi c'aalil soc bi ora ya xtal te Nich'anile.

San Mateo 25:7

“Jajch'ic ta spisilic te tec'tojom ach'ixetique. Caj xchajbanic te yawil sc'ajq'uique.

Hechos 18:23

Ay c'aal jalaj tey a. Jich loc' bael yan buelta. Xmelmon c'ax yil chajbalchajp te jch'uunjeletic te ayic ta sq'uinal Galacia soc ta Frigia. La yac'bey yip yo'tanic spisil te jnopojeletique.

Deuteronomio 3:28

Pasa ta mandal te Josué, ac'beya yip yo'tan soc ac'beya smuc'ul yo'tan, melel ja' me te ya yic' ta beel te israeletique, soc te ya yac'bey yu'unin te lumq'uinal ya awil yo'tic”, xi' te Cajwaltique.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Apocalipsis 2:4

Ja'uc me to, ay nax junuc te bila amulinej ta jtojole: Ja' te bit'il ma jichuquix xc'uxul awo'tan te bit'il ayat ta neelale.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.