Apocalipsis 22:3 - Bible in Tzeltal de Oxchuc y Tenejapa

³ Xujt' ma'yuquix tey a te bila ya x'ac'ot bael ta ch'ayele. Te smuc'ul nactijib te Diose soc te Alalchije ay ta yolil te lume, soc te abatetic yu'une ya me slajin sbaic ta stojol Dios tey a.

Nuevo Testamento Tzeltal de Amatenango

³ Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.

Bible in Tzeltal Bachajón

³ Mayuquix tey a te bin chopol sc'oblale. Tey ay a te smuc'ul-huctajib te Dios soc te Jcolel Tuminchij, soc te a'batetic ayic ta a'batinel yu'un,

Apocalipsis 22:3 ပူးပေါင်းရင်းမြစ်များ

Salmos 16:11

Ya awac'bon quil sbelal te cuxlejale. Ay mero muc' yutsil q'uinal ya caiy, ay yutsil sbajt'el q'uinal ta atojol.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Isaías 51:11

Ja' nix jich ya sujt'ic tel te mach'atic la yich' loq'uesel tel yu'un te Cajwaltique, soc ya x'ochic bael ta lum Sión. Ya me x'awunic ochel yu'un yutsil yo'tanic; ya me staic yutsil yo'tanic soc bin nax yo'tanic tey a. Te bitic c'ux la yaiyic, soc mel-o'tan, ya me xch'ayic bael.

Ezequiel 37:27

Ya me xnainon ta yolilic, jo'on me Dioson yu'unic, ja' me lum cu'un.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Zacarías 14:11

Mero melel ya me xnoj ta yajwal te Jerusalén, ma me ayuquix bi ora ya yich' xan jinel. Ta spisil te yajwal, jun nax me yo'tan ya xnainiquix.

San Mateo 25:21

“Te yajwale la yalbey: “Lec at'ejat, lequil abatat soc jun awo'tan ta jtojol. Te bit'il jun awo'tan la awentainbon te bila la cac'bat awentainbon jtebuque, ya me cac'bat awentainbon bayal. La' me, ochan, bujts'najuc awo'tan soc te awajwale”, xi'.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 13:32

Teme ja' ta swenta te ya x'ac'ot ta ilel yutsilal te Diose, ja' nanix jich Dios ya yac' ta ilel yutsilal te Nich'anile. Ya me xc'ot ta pasel ta ora.

San Juan 14:3

Teme boone soc teme chajbaj awawilic cu'une, ya xcha'talon xan. Ya xtal quiq'uex bael tey a te banti ya xc'oone, tey me ya xc'oex a te ja'exe.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Deuteronomio 27:26

“Boloben me sc'oplal ta jyalel te mach'a ma ba ya xch'uun soc te ma ba sc'an ya spas bael te mandaliletic in to”. “Jichuc”, xiic me ta spisil te lume.

Apocalipsis 7:10

Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.