Apocalipsis 22:2 - Bible in Tzeltal de Oxchuc y Tenejapa

² soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Nuevo Testamento Tzeltal de Amatenango

² sok ya xbeen bael ta yolil te smukꞌul kayaul yuꞌun te mukꞌul jtejklume. Y ta juju-jejch te ukꞌume yipal ta chꞌiel te teꞌ yuꞌun kuxlejale, te ya yakꞌ sit ta jujun ue, jaꞌ xyal, te lajchaymel ya yakꞌ ta jaꞌbile. Y te yaꞌnimal teꞌe ya xtuun yuꞌun ya slekutes a te nasionetike.

Bible in Tzeltal Bachajón

² yac ta behel ta yohlil te calle ta muc'ul pueblo. Ta jujujehch sti'il te muc'ul-ha' ay te te' scuenta cuxlejal, te lahchayeb buelta ya sitin ta jun ha'bil, jujun buelta ta jujun u. Te ya'binal te te' ya xtuhun yu'un slecubtesel te nacionetique.

Apocalipsis 22:2 ပူးပေါင်းရင်းမြစ်များ

Génesis 2:9

Te Cajwaltic Dios la yac' ch'iuc ta lumq'uinal spisil ta jchajp te'etic te t'ujbilic sba soc lec ta lo'el site. Soc la yac' xan jpejt' te' ta yolil awalts'unubil te ya yac' cuxinel, soc ay yan jpejt' te' ya yac' ta na'el te bila lec soc te bila ma lecuque.

Salmos 147:3

Ja' ya slamantesbey xc'uxul te smel-o'tanique; ja' ya spotsbey yejch'en stuquel.

Proverbios 3:18

Te p'ijil-o'tanil ja' cuxlejal ta stojol te mach'a ya yich'e; bin nax me yutsilic te mach'atic ya sna' sq'uejel ta yo'tanique.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Jeremías 17:14

Lamantesbonix jwocol, Cajwal, jich me ya xlamaj; coltayawon ja'at, jich me ya xcolon. Melel ja'at nax atuquel te ya calbat lec ac'oplal.

Ezequiel 47:1

Patil te winic la yic'on sujt'el ta yochibal templo. Tey la quil yac ta loq'uel ja' ta ye'tal yochibal yu'un te mero templo, yac ta oquinel bael ta stojol sloq'uib c'aal te banti jilil bael te templo. Te ja'e yac ta oquinel bael ta swa'el yu'un te yochibal templo, ta stojol sur yu'un te scajtijib ta chiq'uel majt'anile.

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Apocalipsis 21:21

Ta slajchayjujt'ul te sti' sts'ajq'ue, lajchayeb perlaetic pasbil a. Te jujun sti' jun perla pasbil a. Te smuc'ul calleil te lume pasbil ta oro te xujt' ma'yuc scape te pajal soc espejo te ya xc'ax jsitic ta yilel q'uinal a.

Apocalipsis 21:24

Spisil ta jchajp nacionetic ya me x'ainic ta saquil q'uinal yu'un uuc. Soc spisil te muc' ajwaliletic te ayic ta balumilale ya me yich'ic tel yutsil sc'ulejalic te ya yich'ic bael tey a.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Apocalipsis 22:19

Soc teme ay mach'a ya yac' ch'ayuc jtebuc te bila ts'ibubil li' ta bay in jun to, Dios me ya xtup'bot sbiil yu'un ta bay lista yu'un te cuxinele, soc ma x'ac'ot ainuc tey a ta bay te ch'ul muc'ul lume te ts'ibubilix sc'oplal ta bay in jun to.