Apocalipsis 2:5 - Bible in Tzeltal de Oxchuc y Tenejapa

⁵ Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

Nuevo Testamento Tzeltal de Amatenango

⁵ Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.

Bible in Tzeltal Bachajón

⁵ Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

Apocalipsis 2:5 ပူးပေါင်းရင်းမြစ်များ

Isaías 1:26

Ya me cac' te ayuc xan jchajbanwanejetic awu'unic jich bit'il ta neelale, soc jtojteswanejetic awu'unic jich bit'il ta xjajch'ibale. C'alal ya xlaj co'tan ta spasel, ya me jcha'albeyex ac'oplalic: “Lum te toj yat'ele, lum te jun yo'tane”, xi' me ac'oplalic.

Isaías 14:12

“¡Bit'il ch'ayat coel ta ch'ulchan, ja'at te muc'ul ec' ta sacubel q'uinale! La awich' ch'ojel coel ta lumq'uinal, ja'at te la atsal spisil te nacionetique.

Ezequiel 20:43

Tey me ya xc'o ana'ic ta spisil a te bitic amen la apasic, te ja' la aboltes abaic a, ja'ex ni me ya xjajch' awilayic ta patil te bitic mero amenic la apasique.

Ezequiel 36:31

Te c'alal ya ana'ic te amen atalelic, soc te bi yilel te amen awat'elic, ja'ex ni me ya xq'uexawex yu'un, ja' yu'un te amulic soc te amen awat'elique.

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Malaquías 3:4

Te Cajwaltic ya me xbujts'naj yo'tan yu'un te majt'anil yu'un Judá soc Jerusalén, jich nix te bit'il bujts'naj yo'tan yu'un te yantic ta nameye.

Malaquías 4:6

Ya me yac' xlecub yo'tan te tatil soc te snich'nabe. Teme ma xlecub yo'tanique, ya xtalon, ya cac'bey castigo te slumal, ya jlajin ta jc'axel ta spisil —xi' te Cajwaltique.

San Mateo 5:14

“Te ja'exe, luz c'oemex yu'un te balumilale, jich bit'il teme ay muc'ul lum ta sba te witse, ma xju' ta naq'uel.

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.

San Marcos 12:9

“¿Bila ya spas te yajwal ts'usubiltique? Ya calbeyex te ya me xtal smil jilel te j'at'eletique soc ay me yan j'at'eletic ya yac'bey swentainic.

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

San Lucas 20:16

Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

Gálatas 5:4

Ma'yuquex ta stojol Cristo, teme ya awalic te ja' toj ya xc'oex ta swenta xch'uunel te mandalile. Jich ch'ayix sc'oplal awu'unic te bit'il ay yutsil yo'tan awu'unic te Diose.

Filipenses 2:15

Jich ma x'ata amulic a, soc ma me ayuc bila quechel ta awentaic. Jich me lequil alnich'anex yu'un Dios ta yolil te ants-winiquetique te amen yo'tanique soc te ixta yo'tanique. Jich me xojobajemex ta yolilic te bit'il eq'uetic te ya xojobaj ta ijc' q'uinale.

Hebreos 10:32

Ja'uc me to, na'aic me te bit'il ayex ta neelal to te c'alal sacub q'uinal ta atojolic. Na'aic me te bit'il ju' awu'unic xcuchel awocolic te c'alal jajch' bayal controinel.

2 Pedro 3:17

Jich yu'un, quermanotac te bayal c'uxex ta co'tane, tsajtaya me abaic ta lec te bit'il ana'ojiquix stojole. Ma me xawac' slo'layex te jlo'laywanejetique. Ma me xawijq'uitayic te bila jun nax awo'tanic ta xch'uunele.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 16:9

Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

Apocalipsis 2:16

Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Apocalipsis 2:19

Jo'on quilojbat te awat'ele, te ay xc'uxul awo'tane, te ay xch'uunjel awo'tane, te awac'oj aba ta abatinele, soc te ts'ijq'uem awu'un te awocole, soc te c'ax jich yacatix ta at'el ta ora to te bit'il at'ejat ta neelal toe.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.