Apocalipsis 2:2 - Bible in Tzeltal de Oxchuc y Tenejapa

² Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Nuevo Testamento Tzeltal de Amatenango

² “Joꞌon jnaꞌoj spisil te tut ya apase. Kiloj te tulan ya xꞌaꞌtejate, y te ya stsꞌijk awuꞌune, y jnaꞌoj te ma xkujch awuꞌun te machꞌatik ma lekikuke. Y jnaꞌoj te awilojix tutꞌ ay yoꞌtanik te machꞌatik te ya skuy sbaik ta apostole y ma jaꞌukik, y ataojbeyix slotik.

Bible in Tzeltal Bachajón

² Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

Apocalipsis 2:2 ပူးပေါင်းရင်းမြစ်များ

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

San Mateo 7:23

Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

San Juan 6:6

Te bit'il jich la yal te Jesuse, swenta yu'un ya yaiybey yo'tan te Felipee, melel sna'oj stuquel te bila ya spase.

Gálatas 1:7

Ma yu'unuc ay yan te lec yach'il c'ope. Ja' nax te ay mach'atic te ya xchebantesbeyex awo'tanique. Jich yo'tanic te ya syantesic te bit'il ay sc'oplal te lec yach'il c'op yu'un te Cristoe.

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Apocalipsis 2:5

Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

Apocalipsis 2:6

Ja'uc me to, ay nix bila lec te apasoje, ja' bi, ja' te ya awilaybey yat'elic te nicolaitaetique. Te jo'one ya quilay uuc.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 3:15

Jo'on quilojbat te awat'ele. La caiyix te ma sicucate soc te ma q'uixinucate. Co'tanuc te q'uixinate o te mero sicate.

Apocalipsis 3:8

Jo'on quilojbat spisil te awat'ele. Soc ta ora to jamojbatix ti'nail ta atojol te ma'yuc mach'a ya xju' yu'un te ya smaque. Manchuc teme jteb nax te awipe, ja'uc me to, awat'elinej spasel te bila la cale, soc ma ba amucoj ta awo'tan te jbiile.