Apocalipsis 2:12 - Bible in Tzeltal de Oxchuc y Tenejapa

¹² Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Pérgamo: Te mach'a yich'oj puñal te xcha'jejch' ay yee, jich la yal:

Nuevo Testamento Tzeltal de Amatenango

¹² Sok la yalbon: —Tsꞌibabeya ta sjun te ángel te ba ay tijkꞌ hermanoetik te aylan ta Pergamoe: “Jaꞌ to jaꞌ a yal te machꞌa yichꞌoj te puñal te chaꞌmejch yee.

Bible in Tzeltal Bachajón

¹² Ts'ihbabeya te ch'ul a'bat yu'un te iglesia ta Pérgamo: Hich ya yal te mach'a yich'oj te espada te scha'bunjehchel ay ye:

Apocalipsis 2:12 ပူးပေါင်းရင်းမြစ်များ

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Isaías 49:2

Te que, jich la sc'atp'un te bit'il puñal te juxbile, la snac'on ta yaxinal te sc'abe; jich la sc'atp'unon te bit'il sjayal sni' yat'ejibal t'im, tey la sq'uejon ta yawil te scuchoj ta spate.

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Apocalipsis 19:15

Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Apocalipsis 19:21

Te yantique lajic ta milel spisilic yu'un spuñal te yac ta loq'uel ta ye te mach'a cajal ta caballoe. Te mutetique, spisilic noj xch'ujt'ic yu'un sti'el sbaq'uetalic te mach'atic lajemique.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Apocalipsis 2:16

Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Jueces 3:16

Te Aod la spas bael spuñal, cha'jejch la yac'bey ye, ay oliluc metro te snajt'ile. La xchuc bael ta xch'ujt' ta yutil snajt'il c'u' ta swa'el.