Apocalipsis 2:10 - Bible in Tzeltal de Oxchuc y Tenejapa

¹⁰ Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Nuevo Testamento Tzeltal de Amatenango

¹⁰ “Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Bible in Tzeltal Bachajón

¹⁰ Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 2:10 ပူးပေါင်းရင်းမြစ်များ

Santiago 1:12

Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

San Marcos 13:13

Ya me awich'ic ilayel yu'un spisil ants-winiquetic ta jwenta. Te mach'a ya xcujch' yu'un c'alal ta slajibal, lec me ayix abi.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

San Mateo 24:13

Yan te mach'a ya xcujch' yu'un c'alal ta slajibale, ya me xcol.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

1 Corintios 9:25

Spisil te mach'a ya yac' puersa ta tsalawe, ya me scom sba ta spasel spisil te bila ya xlajinbot yip yu'une. Jich ya spasic, swenta yu'un jich me ya yich' scoronaic te ma xjalaj te yutsile. Yan te jo'otique, ja' ya quich'tic te corona te ma sna' xlaj yutsil stuquele.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Daniel 1:14

Lec la yaiy te mayordomo te bila la yalbeye, ja' yu'un la spas prueba ta stojolic lajuneb c'aal.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Juan 12:25

Ja' te mach'a ya xc'uxtay sbae, ya me xch'ay soc xcuxlejal. Yan te mach'a ma xc'uxtay sba te bit'il cuxul ta balumilale, sbajt'el q'uinal ya xcuxin stuquel.

San Lucas 21:12

“Soc neel me ya stsaquex soc ya me snutsex. Ya me yaq'uex ta chajbanel ta sinagogaetic, soc ya me yaq'uex ta chucjibal, soc ya me yiq'uex bael ta stojol muc' ajwaliletic soc ta stojol gobernadoretic ta swenta jbiil.

San Marcos 8:35

Melel spisil mach'a ya xc'uxtay sba soc te xcuxlejale, ya me xlaj soc te xcuxlejale. Yan te mach'a ya yac' sba ta lajel soc xcuxlejal ta jwenta soc ta swenta te lec yach'il c'ope, ja' me ya xcuxin stuquel.

Habacuc 2:3

Manchuc me ma to xc'ot sc'aalelal te ya xc'ot ta pasele, ma me yu'unuc ma xc'ot ta pasel. Ya me amaliy, manchuc me ya xjalaj yilel te jich ya xc'ot ta pasele.

Daniel 1:12

—Ya calbat wocol ta atojol, te yacuc apas awil prueba ta jtojoltic te abatotic awu'une: Ja' te yacuc apas mandal te ja' nax puro boc-itaj ya yac'botic jwe'tic soc te puro ja' ya cuch'tic lajunebuc c'aale.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

Salmos 31:23

C'ux me x'awaiy ta awo'tanic te Cajwaltic ta apisilic te jun awo'tanic ta stojole. Te Cajwaltic ya scanantay te mach'atic junajem yo'tanic ta stojole; yan te mach'atic toybaetique yac ta toyel te castigo ya x'ac'botic stuquelique.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Lamentaciones 3:57

Te bi c'aalil ya quic'ate, ya xtalat ta jtojol, soc ya awalbon: “Ma xiwat”, xaat me.