Apocalipsis 18:2 - Bible in Tzeltal de Oxchuc y Tenejapa

² Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Nuevo Testamento Tzeltal de Amatenango

² Sok tulan skꞌop xꞌawet: —¡Jimix, jimix te mukꞌul jtejklum Babiloniae! Sujtemix ta sna pukujetik. Jaꞌ xchꞌenikix spisil ta jkaj te pukujetik te ma lekuke. Xluchtajibix spisil ta jkaj te mutetik te ma lekuke y te pꞌajbile.

Bible in Tzeltal Bachajón

² Hich tulan la yal ta aw: ¡Jihnemix, jihnemix te muc'ul Babilonia! Ha sna pucujetic c'ohem, ha yawil spisil ta chahp bohl pucujetic, soc sluhtstajibix spisil ta chahp bohl mutetic te ilobtic sbahe.

Apocalipsis 18:2 ပူးပေါင်းရင်းမြစ်များ

Isaías 14:23

Ya jc'atp'un ta bic'awal ajch'al te lumq'uinale, ta bay nojel yu'un te xcuj-mutetique. Ya jin bael ta mesel —xi'. Ja' sc'op te Cajwaltic te Spisil ya xju' yu'une.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Jeremías 51:37

Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Sofonías 2:14

Te ste'el snaic ya me yich'ic bots'el loq'uel; tey me ya smejts'an sbaic a te chijetic soc spisil ja'mal chambalametic. Te pelicano soc erizo mutetic tey me ya xlujch'ajic ta wayel ta sba te oyetique; te jojetic tey me ya xc'opojic a ta bay ventanaeticsoc ta bay ti'nailetic.

Apocalipsis 1:15

Te yacane pajal soc bronce te xlememet nax te lecubtesbilix ta c'ajq'ue. C'ax tulan te sc'ope, jich bit'il ya xc'opoj bayal te snojel ja'etique.

Apocalipsis 10:3

Tulan awun ta c'op jich bit'il ya x'awun te león-choje. Te c'alal awune, ay juqueb chawuc te awunic ta sjac'bel te sc'ope.

Apocalipsis 11:8

Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Apocalipsis 14:15

Soc ay yan ch'ul abat te loc' tel ta templo. Tulan la yawtay te mach'a nacal ta sba te tocale: “Ochan ta at'el soc te os awich'oje. Tsobeya sit te c'ajoj ay ta balumilale, melel la staix yorail. Taquinix te site”, la yut.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Apocalipsis 16:13

La quil chicnaj oxeb pucujetic te jich yilelic te bit'il xch'uch' te loc' tel ta ye te muc'ul chan te xi'bantic sba ta ilele soc ta ye te muc'ul chambalam te xi'bantic sbae, soc ta ye te lotil j'alwaneje.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 17:18

Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.

Apocalipsis 17:5

Ay sbiil te muquen ay sc'oplal te ts'ibubil ta stibae: “Muc'ul lum Babilonia, sme' spisil jmulawil antsetic soc spisil te bila ya yilay ta balumilal te Diose”, xi' te sbiile.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

Apocalipsis 5:2

Soc la quil jtul ch'ul abat te bayal yipe. Tulan yac ta yalel ta aw ta sjojc'oyel yaiy: “¿Mach'a me ya xju' yu'un sjamel te balbil june? ¿Mach'a ya xju' yu'un sjamel te selloetic macbil ae?”, xi' ta aw.