Apocalipsis 17:3 - Bible in Tzeltal de Oxchuc y Tenejapa

³ Te Espíritu la swentainon ta yu'el. Jich ic'bilon bael la caiy c'alal ta jochol taquin q'uinal yu'un te ch'ul abate. Tey la quil jtul ants a te cajal ta spat tsajal chambalam te xi'bantic sbae, scojt'ol ts'ibubil biililetic swenta stoybac'optayel te Diose. Ay jucp'ij sjol soc lajunch'ix xulub.

Nuevo Testamento Tzeltal de Amatenango

³ Te nax a, ay tut la yaꞌbon kil te Espiritue. Te ángele la yikꞌon bael ta jojchol tꞌantꞌan luwar. Teꞌ kil jtul ants a te kajal ta jkojt tsajal chanbalam te lom yane. Te skojtol stsꞌibabil biililetik te puru toyba-kꞌopetik ta stojol te Diose. Y ay jukeb sjol y lajuneb xulbal.

Bible in Tzeltal Bachajón

³ La yic'on bahel ta jochol taquin q'uinal ta scuenta te Espíritu, la jquil jtuhl ants cajal ta tsajal chambahlam te xiweltic sba te scohtol ts'ihbabil bihililetic scuenta sbohlc'optayel Dios, soc ay huqueb sjol soc lajuneb xulub.

Apocalipsis 17:3 ပူးပေါင်းရင်းမြစ်များ

1 Reyes 18:12

Te bi ya xc'ot ta pasele: ja' teme la quijq'uitayat jilel, te espíritu yu'un te Cajwaltic ya me yic'at bael te banti ma jna'e. Te c'alal ya xba calbey yaiy te Acab, teme ma ba ya staate, jich me ya smilon awu'un. Te jo'on awabaton, c'alal to ta jqueremil spisil ora quich'oj ta muc' te Cajwaltique.

2 Reyes 2:16

jich la yalbeyic: —Ilawil, li' ayic ta coliltic te abatetic awu'un, ay lajuneb yoxwinic (50) te mero ay yip yo'tanique. Ac'a bael te ya xba slebat te maestro awu'une, teme repente ja' te espíritu yu'un Dios la slic jajch'el, la xch'oj bael ta ba wits, o ta stenlej xatal q'uinal —xiic. Pero albotic yu'un te Eliseo: —Ma'uc, ma'yuc mach'a x'aticunic —xi'.

Cantares 8:5

¿Mach'a a te yac ta talel ya quil ta jochol taquin q'uinal, te pacal ta snejq'uel te mach'a bayal smulaneje? Ta ye'tal ste'el manzana la jtijbat awayel; tey ta banti jajch' xc'uxul swocol ta alajel te ame'e; tey ta banti la yayintesate.

Ezequiel 11:24

Ta ora, la slicon jajch'el la caiy te yip yu'el te Diose, la yic'on xan bael ta Babilonia, tey ta banti ayic te yantic mach'atic ic'otic bael ta mosoile. Ja' in to, ja' c'ot ta pasel a te c'alal la yac'bon quil la caiy te espíritu yu'un te Diose. Ta patil, ch'ay ta jsit te bila yacon ta yilel la caiye.

Ezequiel 3:12

Te yip yu'el te Diose la sjachon jajch'el. Ta jpat la caiy ay chicnaj buen tulan c'op te jich la yal: —¡Albeya yutsilal te Cajwaltic te ay ta ch'ulchane! —xi'.

Ezequiel 8:3

Te winique la stoy bael te sc'ab yilele, la stsacbon te stsotsil jol. Te yip yu'el Dios la slicon jajch'el ta ic' yaiyel. Te Dios la syantesbon q'uinal caiy, la yic'on bael ta Jerusalén la caiy. C'o yac'on ta yochibal ta yutil templo, ta stojol bael norte, te banti ay te loc'omba te ya xjachbot yilimba yu'un te Cajwaltique.

Daniel 11:36

“Te muc' ajwalil ta norte ja' me ya spas te bila ya smulane. Mero bayal me te stoybaile, asta ja' toyol ya scuy sba yu'un spisil diosetic, soc ya me yalbey mero ilaybil sba ixta c'opetic ta stojol te mero cuxul Diose. Spisil me lec ya xc'ot yilel te bitic ya spase, ja' to teme ticunbot castigo ta stojol yu'un te Diose. Melel te bila quechel ya spas te Diose, ya nix me spas stuquel a.

Daniel 7:20

Soc ja' nix jich co'tanuc xcaiybey sc'oplal te lajunch'ix xulube, soc nix te yan xch'in xulub te ay bayal site, te ay ye banti ya yalbey sc'oplal te bitic puro swenta toybaile, te c'axem jich smuc'ul a te bit'il te yantic xulubiletique, soc te oxeb xulubiletic te la yich' bulel loq'uel swenta sjojch'obtesel yawile.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 7:8

“Te c'alal yacon ta yilel a te jayeb xulube, la quil ta yolil, ay loc' xan jch'ix ch'in xulubil. Jich la yich' bulel oxch'ix te xulube, swenta yu'un jich ay yawil te ch'in xulub te patilix loq'ue. Te xulub ay bayal sit, jich sit te bit'il sit ants-winiquetic, ay ye banti ya yal bitic muq'uic sc'oplal.

San Mateo 27:28

La st'ananic soc la yac'beyic slap tsajal c'u'ul.

Hechos 8:39

Te c'alal loq'uic tel ta ja'e, ora nax ic'ot bael te Felipe yu'un te Espíritu yu'un te Cajwaltique. Jich te winique, ma la yilbey xan sit, ja'uc me to, bayal sbujts' yo'tan te cha'jajch' xan ta beele.

2 Tesalonicenses 2:4

Ya me scontroin spisil te bila yu'un te Diose, soc te bila ch'uunbile. Ya me snajc'an sba ta bay yutil templo yu'un te Diose soc ya me xcaj yal sba te ja' cuxul Dios ta sc'op stuquele.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Apocalipsis 12:14

Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

Apocalipsis 12:3

Soc chicnaj yan seña ta yolil ch'ulchan, ja' te muc'ul tsajal chan te xi'bantic sbae. Ay juqueb te sjole soc lajunch'ix xulub, soc ay scorona juju-jp'ij te sjole.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Apocalipsis 17:18

Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Apocalipsis 18:12

Ja' sp'olmalic te oro, plata, t'ujbil lequil tonetic, perlaetic, lequil lino-pac', seda-pac', tsaj'aman pac', te tsajal pac', soc spisil ta jchajp te'etic te ay sbujts' yiq'ue, soc te bila pasbil ta sbaquel ye te elefantee, t'ujbil te'etic, bronce, hierro, marmol-ton,

Apocalipsis 18:16

soc jich me ya yalic yu'un: “Mero obol sba te muc'ul lume, te slapoj lequil lino-pac' ta neelal, soc tsaj'aman pac' soc tsajal pac' soc xch'aloj sba ta oro soc ta t'ujbil lequil tonetic soc perlaetic.

Apocalipsis 21:10

Te Espíritu la yic'on bael ta bay te muc'ul toyol witse. Tey la yac'bon quil a te muc'ul ch'ul lum Jerusalén te yac ta coel tel ta ch'ulchan te loc' tel ta stojol te Diose.

Apocalipsis 4:2

Ta ora nax la swentainon ta yu'el te Espiritue. Jich la quil te ay jun muc'ul nactijibal te ay ta yolil te ch'ulchane, soc la quil te ay mach'a nacal tey a.