Apocalipsis 15:3 - Bible in Tzeltal de Oxchuc y Tenejapa

³ Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Nuevo Testamento Tzeltal de Amatenango

³ Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Bible in Tzeltal Bachajón

³ soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

Apocalipsis 15:3 ပူးပေါင်းရင်းမြစ်များ

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

1 Crónicas 6:49

Te Aarón soc te sts'umbale, ja'ic te la xchiq'uic te smajt'an Dios ta scajtijib, soc la xchiq'uic pom ta scajtijib. Jich nix la spasic spisil te abatinel ta Mero Ch'ul Awilal, soc te bit'il ya staic perdón yu'un smulic te israeletique, jich nix te bit'il yaloj mandal Moisés, te yabat Diose.

2 Crónicas 24:6

Jich yu'un te muc' ajwalil la yic' tel te muc' sacerdote Joiada, jich la yalbey: —¿Bi yu'un ma'yuc sc'oplal ta awo'tan te yacuc yich'ic tel levitaetic ta Judá soc ta Jerusalén te spatanic, jich te bit'il la yal mandal Moisés te yabat Cajwaltic ta stojol spisil te israeletic te ya yac' spatanic yu'un te Nailpac' yu'un te trato? —xi' te muc' ajwalile.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Job 36:24

Ta spamal balumilal ya yalbeyic yutsil sc'oplal te bitic spasoje; soc ya me sc'an te ya ana' te ya awalbey yutsilal.

Job 5:9

ja' ya spas bayal bitic muq'uic te jchajp ta ilel stuquel, ma'yuc mach'a mero ya xc'ot ta yo'tan te bitic ya spase.

Salmos 100:5

Melel te Cajwaltic mero lec yo'tan stuquel. Te xc'uxul yo'tane sbajt'el q'uinal ay; soc te bit'il jun yo'tan ta jtojoltic, ma'yuc slajibal yu'un.

Salmos 105:5

Ma me xach'aybey ta awo'tanic te jchajp at'eliletic muq'uic spasoje, soc te bila chapal yalojbey sc'oplale,

Salmos 111:2

Muq'uic ta jyalel te at'eliletic spasoj te Cajwaltic; te mach'atic bin nax yo'tanic yu'un, ya snopilayic bit'il c'oemic.

Salmos 111:7

Te bila ya spase, toj stuquel soc smelelil; ja' smuc'ul co'tantic te mandaliletic yu'une.

Salmos 139:14

Ya calbat yutsil ac'oplal melel jchajp nax ya caiy yu'un te bitic apasoje. Tey mero la jna'ix ta lec a.

Salmos 145:17

Te Cajwaltic stalel toj yo'tan stuquel, yat'elinej c'uxtaywanej.

Salmos 145:6

Ya me yich' alel te ay yip awu'el ta at'el te xiweltic sba; te jo'on ya me calbat te amuc'ule.

Salmos 18:30

Jelawen yutsil te be yu'un te Diose; ya smuc'ulin co'tantic te bila ya yal te Cajwaltique. Dios ya scanantay te mach'atic ja' smuc'ulinej yo'tanique.

Salmos 78:12

Dios la spas jchajp at'eliletic ta stojol sme'-static ta sq'uinal Zoán te ay ta Egipto:

Salmos 92:5

Cajwal, mero muq'uic ta jyalel te awat'ele; mero muc' te bitic ay ta awo'tane.

Salmos 99:4

Ja'at muc' ajwalilat te bayal awu'el, te lec awo'tan yu'un te bila toj ta pasele; ja'at la achajban te pajal ay ta c'uxtayel te ants-winiquetique. Lec yacat ta xchajbanel soc ta stojtesel te snich'nab Jacob.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Isaías 45:21

Ac'a c'opojicuc soc ac'a stejc'an sbaic ta yaq'uel pruebaetic, ac'a sjojc'obey sbaic, teme jich yo'tanique: “¿Mach'a la sneeltesbey sc'oplal ta alel ta xjajch'ibal in bitic to? ¿Mach'a la yalbey sc'oplal c'alal ta namey tel?” xiuquic me. ¿Ma bal jo'ucon te Ajwalilone? Ma'yuc yan Dios jich bit'ilon. Ta jtojol ma'yuc yan Dios te ya yaiy tsalaw soc te ya xcoltaywane.

Daniel 6:20

Te c'alal noptsaj bael te muc' ajwalile, bayal ay ta mel-o'tan a te la sc'opon te Daniel, jich la yalbey: —Daniel, abat yu'un te cuxul Diose, ¿la bal scoltayat ta ye león-chojetic te Dios awu'une, ja' te mero jun awo'tan awac'oj aba ta abatinel yu'une? —xi'.

Daniel 9:11

Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

Sofonías 3:5

Ja'uc me to, te Cajwaltic ay ta alumalic; ja' ya spas stuquel te bila leque, ma ja'uc te bila amene. Ta jujun sab ma xch'ay ta yo'tan ya yac' chicnajuc te stojil yat'ele. Yan te mach'a amene, ma sna'bey sba te q'uexlale.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

Deuteronomio 31:30

Ja' yu'un te Moisés la sc'ajintay ta c'ayoj in to, ta xjajch'ibal soc ta slajibal. La sc'ajintaybey ta stojol ta spisil te israeletic stsoboj sbaique, jich la yal:

Deuteronomio 32:3

Ya me calbey sbiil te Cajwaltique: ¡Na'beyaic xan me te smuc'ul yu'el te Dios cu'untique!

Deuteronomio 34:5

Jich laj ta sq'uinal Moab te Moisés te abat yu'un Dios, jich nix te bit'il albot yu'un te Cajwaltique.

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

Hebreos 3:5

Jich te Moisese, te abat nax yu'un te Diose, jun nax yo'tan la yac' sba ta abatinel ta bay sna te Diose. Ja' yat'el ac'bot spas tey a te ya yalbey sc'oplal te bila ya yal ta patil te Diose.

Josué 22:5

Jun nax te bi ya calbeyex, c'otesaic ta pasel te mandaliletic la yac'beyex Moisés te yabat Cajwaltic te Dios cu'untique. C'ux me x'awaiy ta awo'tanic, soc t'unbeya spisil ora te sbe, ch'uunbeyaic te mandaliletic yu'une. Na'aic me, soc ac'a abaic ta abatinel ta stojol soc spisil awo'tanic soc spisil ach'ulelic —xi' te Josué.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Apocalipsis 11:17

Jich la yalic: “Ya me caltic wocol ta atojol, Cajwal, Diosat te Spisil ya xju' awu'une. Atalel ayat ta namey, ta ora to soc te nopol ya xtalatixe. Melel la awaq'uix ta ilel te smuc'ul awu'ele. Jich ayatix ta ajwalinel atuquel.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.