Apocalipsis 13:7 - Bible in Tzeltal de Oxchuc y Tenejapa

⁷ Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Nuevo Testamento Tzeltal de Amatenango

⁷ Jicha aꞌbot xan permiso te ya yaꞌbe sba sok guerra ta skontrainel te machꞌatik yuꞌunik te Diose asta ya stsaltalan. Y aꞌbot yaꞌtel ta stojol spisil ta skajalkaj stsꞌumbal te gentee ta jujun jtejklum, ta skajalkaj skꞌopik, sok ta yanetik nasionetik.

Bible in Tzeltal Bachajón

⁷ A'bot permiso te ya ya'be guerra te mach'atic ch'uhltesbilic, soc te ya stsalticlan. Soc a'bot ya'tel ta stojol spisil ta chahp ts'umbaliletic, pueblohetic, c'opiletic soc nacionetic.

Apocalipsis 13:7 ပူးပေါင်းရင်းမြစ်များ

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Isaías 10:15

Ja'uc me to, ¿ya bal stoy sba te echej ta stojol te mach'a ya xtuuntesot yu'une? ¿Cajal bal ya yac' sba te sierra ta stojol te mach'a ya xtuuntesot yu'une? Te nabate'ele, tojol te' nax, ma ja'uc ya spas ta mandal te mach'a ya x'ich'ot bael yu'une.

Isaías 37:26

¿Ja'uc me to, ma ba ana'oj stojol te jo'on Ajwalilon la cac' c'otuc ta pasel spisil? C'alal ta namey q'uinal chajbanbil ta nopel cu'un, ta ora yo'tic c'otix ta pasel cu'un. Jich yu'un, ja' la ajin te lumetic te tulanic sts'ajc'ule, la ac'atp'un ta busulbus ts'ajq'uetic.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Daniel 7:21

Te jich la quil yac ta yaq'uel guerra te lum yu'un Dios asta la stsalbey te lum yu'une,

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

San Lucas 4:6

Te pucuje la yal: —Ya cac'bat tulan awat'el ta swentainel spisil ta jchajp in lumetic to soc te yutsilale. Melel ochem ta jwenta spisilic, chican co'tan jtuquel te mach'a ya cac'beye.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Apocalipsis 10:11

Jich la yalbon xan: —Puersa me ya awaiy xan j'alwanej yan buelta te bit'il ay sc'oplal yu'un Dios bayal ta pam lumetic soc bayal ta jchajp nacionetic, te yanyantic sc'opique soc te yanyantic muc' ajwaliletic yu'unique —la yuton.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.