Apocalipsis 13:3 - Bible in Tzeltal de Oxchuc y Tenejapa

³ Te muc'ul chambalam te xi'bantic sbae ay jun sjol te ay yejch'en te ya xlaj yu'un yilele, ja'uc me to, la yich' poxtayel te yejch'ene. Spisil te mach'atic nainemic ta balumilale bayal ayan yo'tanic yu'un. Jich la yich'ic ta muc' te muc'ul chambalam te xi'bantic sbae.

Nuevo Testamento Tzeltal de Amatenango

³ Jun ta sjol te chanbalame yichꞌoj jun ejchen te ya xcham yuꞌun yilele. Pero te ejchene lekubenix. Spisil te machꞌatik ayik ta balmilale kꞌax lom yan a yilik, y la stsꞌakliyik bael te chanbalam te lom xiꞌbentik sbae.

Bible in Tzeltal Bachajón

³ Te jun sjol hich yilel te yich'oj ehchen scuenta lajel, pero c'ax te yehchene. Spisil mach'atic ayic ta bahlumilal xcham yo'tanic yu'un soc la st'unic te chambahlam te xiweltic sbahe.

Apocalipsis 13:3 ပူးပေါင်းရင်းမြစ်များ

Ezequiel 30:24

Ya me cac'bey bayal xan yip te sc'ab te muc' ajwalil yu'un Babilonia, soc ya me cac'bey ta sc'ab te puñal cu'une. Ya me jc'asbey xchebal sc'ab stuquel te faraón. “Obol jba”, xi' me, te c'alal ya yaiy te ya x'ejch'entesot yu'un te scontroe.

San Lucas 2:1

Patil la yal tulan mandal te Cesar Augusto te ya x'och ta censo spisil ants-winiquetic te ayic ta bay te smaquen-q'uinale.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

Hechos 8:13

Ja' nix jich uuc te Simone, la xch'uun soc ac'bot yich' ja' uuc. Spisil ora la sjoin te Felipee. Jchajp nax q'uinal la yaiy yu'un te jchajp at'eliletic soc te muc' señailetic la spas te Felipee.

Apocalipsis 13:12

Te bila ya spase, ja' ya spas ta swenta te bit'il ay yat'el yich'oj te sbabial muc'ul chambalam te xi'bantic sbae. Ja' ya x'at'ej ta stojol soc jich la yac'bey slajin sbaic spisil mach'atic ainemic ta balumilal ta stojol te muc'ul chambalam te xi'bantic sba te colemix yejch'ene.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 17:10

soc ja' seña xan te juctul muc' ajwaliletique. Ay jo'tul te muc' ajwaliletic te lajix sc'oplalique. Te jtule ay yat'el ta ora to. Te yane ma to xchicnaj tel, ja'uc me to, teme chicnaje, ma xjalaj bayal c'aal.

Apocalipsis 17:11

Te muc'ul chambalam te xi'bantic sba te ay ta neelal te ma ba chican ta ora to, ja' swaxaquebal muc' ajwalil stuquel, ja'uc me to, ja' nix jtul ta sjuctululic te muc' ajwaliletique. Patil ya me xbajt' ta lajel ta jc'axel.

Apocalipsis 17:13

Te lajuntul muc' ajwaliletique jun nax te bila snopojique. Ja' ya yajwalinic stuquel te muc'ul chambalam te xi'bantic sbae soc ya me xch'uunbeyic te smandale.

Apocalipsis 17:17

Dios yac'ojbey ta yo'tanic te ya spasbeyic te bila ya sc'an yo'tan stuquel te bit'il jun nax te bila snopojique soc te ja' yajwalinejic stuquel te muc'ul chambalam te xi'bantic sbae, ja' to c'alal ya xc'ot ta pasel te sc'op Diose.

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 17:8

Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.