Apocalipsis 13:2 - Bible in Tzeltal de Oxchuc y Tenejapa

² Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Nuevo Testamento Tzeltal de Amatenango

² Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Bible in Tzeltal Bachajón

² Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Apocalipsis 13:2 ပူးပေါင်းရင်းမြစ်များ

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Salmos 22:21

Coltayawon ta ye te león-chojetique; c'opojan cu'un te ma sluchonic ta xulubic te toroetique.

Proverbios 17:12

Ja' lec ja'uc ya jta jbajtic soc me' oso te jajch'em sc'ajc'al yo'tan yu'un te elc'anbot te yale; te manchuc ja'uc ya jta jbajtic soc te mach'a ma sna' q'uinal te ay bila ya sc'an ya spase.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.

Isaías 5:29

Te yawique, jich bit'il ya x'awun león-choj, ya xc'ux ye yu'un sc'ajc'al, soc ya stsac ta ora te bila ya stae, ya yich' bael, ma'yuc mach'a ya xju' ya spojbey.

Jeremías 13:23

¿Ya bal xju' yu'un ya sacubtes sba te ijc'al winique? ¿Ya bal xju' ya xch'aytes spintoil te leopardo-choje? Ja' nix jich te ja'exe, awat'elinejic spasel te bila amene, ma xju'ix awu'unic spasel te bila leque.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Amós 3:12

Jich ya yal te Cajwaltique: —Jich bit'il jcanan-chij ya spojbey loq'uel ta ye león-choj cheb yacan te xchije, o xejt' xan te xchiquine, jich me ya xcol xan loq'uel te israeletic te nainemic ta Samaria, ja'ic te mach'atic ya xwayic ta t'ujbil wayibaletic te la staic ta Damasco —xi' sc'oplalic.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Habacuc 1:8

Te scaballoic c'axem jich ya x'animajic a te bit'il leopardo-choj, c'axem jich yixtaelic a te bit'il ja'mal ts'i'etic yu'un jochol taquin q'uinal. Te mach'a cajajtic ta spat caballo jchajp ya x'animajic soc a, bayal yajtalul ta jyalel, soc c'ubul to ya xwilic tel ta sjajch'esel guerra. Jich c'oemic te bit'il jxic te ya xwil bael ta stojol te bila ya stsaque.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

Apocalipsis 12:13

Te muc'ul chan te xi'bantic sbae la sna' te ch'ojbilix coel ta balumilale. Jich ba snuts te ants te ayinemix squerem-ale.

Apocalipsis 12:15

Te chane la smal loq'uel ja' ta ye. Jich c'ot te bit'il muc'ja', yu'un ya me xlicot bael yu'un te antse.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 13:12

Te bila ya spase, ja' ya spas ta swenta te bit'il ay yat'el yich'oj te sbabial muc'ul chambalam te xi'bantic sbae. Ja' ya x'at'ej ta stojol soc jich la yac'bey slajin sbaic spisil mach'atic ainemic ta balumilal ta stojol te muc'ul chambalam te xi'bantic sba te colemix yejch'ene.

Apocalipsis 13:4

La slajin sbaic ta stojol te muc'ul chan te xi'bantic sbae te yac'ojbey yich' yat'el te muc'ul chambalam te xi'bantic sbae. Soc la slajin sbaic ta stojol te muc'ul chambalam te xi'bantic sbae. Jich la yalic: “¿Mach'a me pajal soc te muc'ul chambalam te xi'bantic sbae? ¿Ay bal mach'a ya xju' yu'un te ya stsal sba soque?”, xiic la caiy.

Apocalipsis 16:10

Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Apocalipsis 17:12

“Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 20:2

Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.