Apocalipsis 12:2 - Bible in Tzeltal de Oxchuc y Tenejapa

² Te antse ay yic'oj alal ta xch'ujt'. Yac ta aw yu'un xc'uxul te alajele. Ay bayal swocol yu'un te ya x'ayine.

Nuevo Testamento Tzeltal de Amatenango

² Te antse ay tut staoj, y xꞌawet yuꞌun xkꞌuxul te swokole, yuꞌun ay swokol te ya xpajt yoꞌtane.

Bible in Tzeltal Bachajón

² Swoloj yal te antse, xquelet ta aw yu'un sc'uxul yu'un ya x'ayinix yal.

Apocalipsis 12:2 ပူးပေါင်းရင်းမြစ်များ

Isaías 26:17

Tey ayotic ta atojol, Cajwal, jichotic te bit'il ants te yic'oj yal te nopolix ya x'ayine, ya xcaj ta najc'awetel te ya x'awun yu'un te xc'uxule.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Isaías 54:1

Awunan yu'un yutsil awo'tan, ja'at te ma x'alajat, te ma'yuc awalataque; c'ajinan yu'un smuc'ul awo'tan, ja'at te jc'axel ma ba awac'oj awale. Melel te Cajwaltic ya yal: —Te ants te pijt'emix jilel, c'ax jich ya sta bayal yalatac a te bit'il te ants te ay smamlale —xi'.

Isaías 66:6

Xch'inlajanic ta aw ta lum, xch'inlajanic ta templo, ja' te woclajel ya yac' te Cajwaltic; ja' te ya yac'bey stoj te scontrotac te bit'il ya sc'ane.

Miqueas 4:9

Ta ora yo'tic, ¿bi yu'un jich ya x'awunat, jich bit'il ya x'awun ants yu'un xc'uxul te alajele? ¿Yu'un bal ma'yuc muc' ajwalil awu'un te ja'ate? ¿Yu'un bal chameniquix te jconsejeroetic awu'une?

Miqueas 5:3

Te Cajwaltic ya yijq'uitay yo'tic te mach'atic ay yu'une, ja' to me te c'alal ya x'ayin yal te ants yac ta smaliyel te yale. Ja' yu'un jich me ya stsob sbaic soc slumalic te israeletic te pujq'uemic ta yan lum.

San Mateo 24:8

Ta spisil in to xjajch'ibal to nax xc'uxul te woclajel ya xtale.

San Juan 16:21

Jich bit'il jtul ants te yorailix ya x'alaje. Bayal ya smel yo'tan yu'un te jajch'ix xc'uxul te swocole, melel la staix yorail. Ja'uc me to, c'alal ayinemix a te yale, ma ba ya sna'ix xan xc'uxul te swocole, yu'un bujts'najix yo'tan yu'un te ayinemix squerem-ale.

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Gálatas 4:27

Melel jich ts'ibubil jilel ta Sjun te Diose: “Ac'a bujts'najuc awo'tan ja'at te ma x'alajat, te jtul ma'yuc awale. Awunan me yu'un te sbujts' awo'tane, ja'at te ma ba awaiyojbey xc'uxul te alajele. Yu'un te ants te ijq'uitaybile c'axem to xan ay yalatac ya xc'ot, c'ax jich te bit'il te yan ants te ay smamlale”, te xie.

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.