Apocalipsis 11:7 - Bible in Tzeltal de Oxchuc y Tenejapa

⁷ Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

Nuevo Testamento Tzeltal de Amatenango

⁷ Pero te kꞌalal lajix yoꞌtanik ta yalel a te skꞌoplale, te chanbalam te xiꞌbentik sba ta ilel ya xlokꞌ tal ta chꞌen yuꞌun ya xtal smak. Ya me stsalotik yuꞌun sok ya me xmilotik yuꞌun.

Bible in Tzeltal Bachajón

⁷ Te c'alal ya xlaj yo'tanic ta yalel te testigo-c'op yu'unic, te chambahlam te xiweltic sba te ya xmo tal ta xahab ya me ya'be guerra, ya stsal soc ya smilticlan.

Apocalipsis 11:7 ပူးပေါင်းရင်းမြစ်များ

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

San Juan 17:4

“La caq'uix ta ilel awutsilal ta balumilal. Ju'ix ta pasel cu'un te bila la awac'bon jpase.

San Lucas 13:32

La yal te Jesuse: —¡Pajal soc wax me to! Baan albeya yaiy: “Ta ora to soc pajel ya to jloq'ues pucujetic soc ya to me jlamantes jchameletic. Ja' to cha'wej te ya xlaj co'tane”, uta me.

Apocalipsis 13:11

Patil la quil yan muc'ul chambalam te xi'bantic sbae, te loc' tel ta lumq'uinale. Ay cha'ch'ix xulub jich bit'il xulub te alal chije, ja'uc me to, jich sc'op te bit'il muc'ul chan te xi'bantic sbae.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

2 Timoteo 4:7

Te jo'one la caiyix tsalaw, ju'ix cu'un te animal beele, ma ba ch'ay te xch'uunjel co'tane.

San Juan 19:30

Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

San Lucas 8:31

Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.