Apocalipsis 11:4 - Bible in Tzeltal de Oxchuc y Tenejapa

⁴ Te cheb testigoetique, ja' te cheb oliva-te' soc te cha'ch'ix yawil c'ajc' te tec'ajtic ta stojol te Cajwaltic te ja' Dios yu'un te balumilale.

Nuevo Testamento Tzeltal de Amatenango

⁴ Te cheb testigoetik to jaꞌ te chaꞌwol oliba teꞌe y sok te chaꞌchꞌix yawil kꞌajkꞌ te ay ta stojol Kajwaltik ta balmilale.

Bible in Tzeltal Bachajón

⁴ Te cheb testigohetic ha te cheb olivo-te' soc te cheb yawil c'ahc' te tec'ajtic ta stojol te Ajwalil yu'un te bahlumilale.

Apocalipsis 11:4 ပူးပေါင်းရင်းမြစ်များ

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Salmos 52:8

Pero te jo'one, jichon te bit'il yaxal olivo ta templo yu'un Dios, ja' me smuc'ul co'tan sbajt'el q'uinal te xc'uxul yo'tan te Diose.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Isaías 54:5

melel te Jpaswanej awu'un, ya me yic' yinaminat. Te sbiile, ja' Ajwalil te Spisil ya xju' yu'une; te J'ac'wanej ta libre awu'un, ja' te Ch'ul Dios yu'un Israel, te Dios te swentainej spamal te balumilale.

Jeremías 11:16

Ta neelal jo'on Ajwalilon la cac'bey sbiilin: “Spimil yabenal olivo te t'ujbil scuchojic ta jyalel te sit te'”. Yan ta ora yo'tic, ya jchic'bey te yabenal ta swenta stulanil yip te chawuquetique, soc ya jecbey te sc'abc'abe.

Miqueas 4:13

Jajch'an, lum Sión, maja te trigoe. Melel te Cajwaltic ya yal: —Jo'on ya cac'bat awip jichuc tat wacax te taq'uin c'oem te xulub soc te bronce c'oem te slots' yacane, swenta yu'un ya ajin bayal lumetic a. Ya me apojbey te sc'ulejalic te ma lecuc la staique, soc ya me awac'bonic cu'unin, te Ajwalilon yu'un spamal te balumilale —xi'.

San Lucas 11:33

“Ma'yuc mach'a ya stsum c'ajc' te ya snac' [soc te ya smac ta cajon.] Ya stujch'an ta yawil swenta yu'un ya yilic q'uinal a te mach'atic ya x'ochic ta nae.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Romanos 11:17

Te judioetic ay jich c'oemic bit'il sc'ab te olivo-te' te la yich' bojel loq'uel sc'abe. Te banti la yich' loq'uesele, la yich' ts'aquel ta sc'ab ja'mal olivo-te'. Ja'ex te la awich'ic ts'aquele. Jich jun c'oexix soc te yisim olivo-te'e. Jich la awich'beyic xcuxlejal te ts'unbil olivo-te'e.

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.