Apocalipsis 11:3 - Bible in Tzeltal de Oxchuc y Tenejapa

³ Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Nuevo Testamento Tzeltal de Amatenango

³ Y joꞌon ya jtikon bael cheb testigoetik sok skꞌuꞌ-spakꞌik te ay xchꞌixale te ya xkꞌopojik mil dosientos sesenta kꞌaal ta joꞌon jkuenta.

Bible in Tzeltal Bachajón

³ Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Apocalipsis 11:3 ပူးပေါင်းရင်းမြစ်များ

Génesis 37:34

Jich yu'un te Jacob la xch'i' sc'u' yu'un, la slap xch'ixal pac' yu'un mel-o'tan. Bayal c'aal la yoq'uetay te snich'ane.

2 Samuel 3:31

Patil te David la yalbey mandal te Joab soc te jayeb mach'atic sjoineje: —Jatsa ac'u'ic, lapaic ch'ixal pac'. Oq'uetayaic me te Abner —xi'. Te muc' ajwalil David ay bael ta spat te xchajch'anteal.

1 Reyes 21:27

C'alal te Acab la yaiy spisil, la xch'i' sc'u', la slap ch'ixal pac' soc la scom swe'el. La slap ta wayel te ch'ixal paq'uetic, soc bayal la smel yo'tan spisil ora yu'un.

2 Reyes 19:1

C'alal la yaiy te muc' ajwalil Ezequías te jich aye, la sjats sc'u' yu'un. La slap c'u'il pasbil ta ch'ixal pac', bajt' ta templo yu'un Cajwaltic.

1 Crónicas 21:16

C'alal la stoy sit te David, la yil ay ta yolil ch'ulchan te ch'ul abat yu'un te Cajwaltic, sloq'uesej ta sna te spuñal stsacoj ta sc'ab, ja' stojlinej bael te Jerusalén. Jich yu'un te David soc te mamaletic slapojic ch'ixal pac', la stinan sba coel c'alal ta lum.

Nehemías 9:1

Ta chaneb xcha'winic c'aal sjajch'el a te ue, te israeletic la stsob sbaic, yu'un ya scom swe'elic. La slapic ch'ixal pac' soc la yac' ts'ubil lum ta sjolic.

Job 16:15

“Bayal jmel-o'tan la caiy, jich la jlap ch'ixal paq'uetic, la jmuc ta ts'ubil lum te jole.

Salmos 69:11

teme ya jlap jc'u' swenta seña mel-o'tan, spisilic ya stse'luyonic yu'un.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Jeremías 1:10

—Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Lamentaciones 2:10

Te jtsobwanej-mamaletic ta Sión, ch'abalic nax, nacalic ta ts'ubil lum, ya yac' tan ta sjolic soc ya slapic ch'ixal paq'uetic. Te ach'ixetic ta Jerusalén ya snijan sbaic coel c'alal ta lum ta mel-o'tan.

Ezequiel 4:6

Te c'alal ya xts'acaj awu'un te sc'aalelal ya me amejts'an aba ta awa'el. Ya me awac' c'otuc ta atojol te smul Judá cha'winic (40) c'aal, jujun c'aal swenta jujun ja'wil mulil c'oem.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 8:14

La sujt'es, jich la yal: —Ja' to ta cha'mil soc jo'lajunwinic (2300) smalel c'aal soc sloq'uel tel c'aal. C'alal ya xc'ax in to, ya me yich' xan lecubtesel te ch'ul awilale —xi' la caiy.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Jonás 3:5

Ta spisil te yajwal te lume, muc'-biq'uitetic, la xch'uunic te Diose, soc la yalic mandal te ya scom swe'elic soc te ya slapic ch'ixal pac'.

Jonás 3:8

Ja' lec ac'a me slapic te ch'ixal paq'ue, soc ac'a me sc'oponic Dios ta mero spisil yo'tanic. Ac'a me yijq'uitayic ta juju-jtul te sbolilic soc yeleq'uic, spisil soc bitic amen yacalic ta spasel.

Números 11:26

Ay cheb winiquetic, te jtule Eldad, te yane Medad, yich'ojic tsael soc te lajuneb xchanwinique (70). Ja'uc me to, ma ba bajt'ic ta Nailpac', jilic ta scampamentoic ta yolil te israeletique. Ja'uc me to, ain ta yo'tanic uuc te espíritue, jajch'ic ta c'op ta bay scampamentoic jich bit'il te j'alwanejetique.

San Mateo 11:21

—¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

San Mateo 18:16

Ja'uc me to, teme ma la yaiybat te ac'ope, ic'a bael jtul chebuc testigo, swenta yu'un ay me cha'oxtul testigoetic yu'un spisil te bila ya awalic tey ae.

San Lucas 10:13

“¡Lum Corazín ya me awil awocol! ¡Lum Betsaida ya me awil awocol uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la sujt'es yo'tanic te jichuque. La me slapic ch'ixal pac', soc la me snajc'an sbaic ta stanul c'ajc' ta smelel yo'tanic te jichuque.

San Lucas 24:48

Te ja'exe ja' me testigoex yu'un spisil te bila c'otix ta pasele.

San Juan 15:27

Te ja'exe ya me awalbonic ta jamal jc'oplal ta testigo uuc, melel la ajoinonic ta xjajch'ibal to tel —xi' te Jesuse.

San Juan 3:27

Te Juan jich la yal: —Ma'yuc jtuluc winic te ay bila ya xc'ot ta swenta spasel teme ma ja'uc ya x'ac'bot spas yu'un te Diose.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

Hechos 13:31

Te Jesús bayal c'aal la yac'ulay sba ta ilel ta stojol te mach'atic la sjoinic loq'uel tel ta sq'uinal Galilea te c'alal bajt'ic ta Jerusalene. Ta ora to, ja'ic testigoetic yu'un te ya yalbeyic sc'oplal ta stojol te lume.

Hechos 2:32

Ja' bi ja' te Jesuse, te cha'cuxesot tel yu'un te Diose. In te jo'otique, jpisiltic testigootic yu'un te jich c'ot ta pasele.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

1 Corintios 12:28

Ta juju-jtsojp te jch'uunjeletic Dios la yaq'uix te ja' sbabial ay jpuc-c'opetique, te xchebale, ja' te j'alwanejetique, te yoxebale, ja' te p'ijubteswanejetique, soc la yac' te ay mach'atic ya spasic jchajp at'eliletique, soc te ay mach'atic ya xju' ya slamantesic jchameletic, soc te ay mach'atic ya xju' ya xcoltaywanique, soc te ay mach'atic ya xju' ya xwolwanic, soc te ay mach'atic ay smajt'anic te ya xc'opojic ta yantic c'opiletique.

2 Corintios 13:1

Teme tal quilexe, ja' yoxebal buelta abi. Teme ay c'op ya xchajbaje, ja' to me tulan sc'oplal ya xc'ot a teme ay cha'oxtul testigo yu'une.

Efesios 4:11

Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

Deuteronomio 17:6

“Te mach'a ya x'ac'ot ta lajel ta milel, ja' to me teme ay cheb oxeb testigoetic te ya xc'opojic ta yalel ta jamal te smule. Teme jtul nax te testigo ya xc'opoj ta yalel, ma me ayuc mach'a ya xju' ya yich' milel.

Deuteronomio 19:15

“Teme jtul nax te mach'a ya yalbey smul te mach'a spasoj te bila mero mulile, o te bila falta, ma me tic'uc a. Ja' to me ay ta wenta a teme ay cheb oxeb testigoetic yu'une.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Apocalipsis 11:6

Te testigoetique ay me yu'elic ta smaquel te ch'ulchane, swenta yu'un ma ba ya xtal ja'al te jayeb c'aal ya xc'opojic ta j'alwaneje. Soc ya xju' yu'unic te ya sc'atp'unic ta ch'ich' te ja'e, soc ya xju' yu'unic te ya yac' c'axuc spisil ta jchajp swocol te balumilale, chican jayeb buelta ya sc'an yo'tanic te ya spasique.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Apocalipsis 13:5

Te muc'ul chambalam te xi'bantic sbae, ac'bot permiso te ya yal te bila muc' ya xju' yu'un spasel, soc te ya stoybac'optay te Diose, soc ac'bot yich' yat'el te ya xjalaj ta at'el cheb yoxwinic (42) ue.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.