Apocalipsis 11:2 - Bible in Tzeltal de Oxchuc y Tenejapa

² Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Nuevo Testamento Tzeltal de Amatenango

² Pero ma me apꞌis stukel te yamakꞌul te temploe, porke jaꞌa aꞌbotix ta skuenta te machꞌatik ma xchꞌuunejuk te Diose. Jaꞌ te machꞌatik ya xba sjuꞌik ta tekꞌel te chꞌul mukꞌul jtejklum te ya xjalaj oxeb jaꞌbil sok olile.

Bible in Tzeltal Bachajón

² Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Apocalipsis 11:2 ပူးပေါင်းရင်းမြစ်များ

Salmos 79:1

Dios cu'un, te mach'atic ma ba xch'uunejat la yochintaybatix te aq'uinale. La sboltesbeyiquix sc'oplal te ch'ul templo awu'un, soc la sjiniquix jilel te Jerusalén.

Isaías 48:2

Ya awalic te tey talemex a ta bay te ch'ul lume, soc te ja' ya x'ipajex a te Dios yu'un Israel, te ja' sbiil te Ajwalil te Spisil ya xju' yu'une.

Isaías 5:5

Lec ay jiche, ya calbeyex awaiyic te bila jnopoj spasel ta stojol te ts'usubiltic cu'une: Ya jloq'uesbey smajq'uil swenta yu'un ya sjinic te mach'atic ya xc'axique; ya jch'oj coel te sts'ajc'ul swenta yu'un ya spech'ic ta teq'uel;

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.

Ezequiel 4:6

Te c'alal ya xts'acaj awu'un te sc'aalelal ya me amejts'an aba ta awa'el. Ya me awac' c'otuc ta atojol te smul Judá cha'winic (40) c'aal, jujun c'aal swenta jujun ja'wil mulil c'oem.

Ezequiel 42:20

Ta xchanxujc'ul la sloq'uesbey sp'isol. Te sq'uinalul templo, ay sts'ajc'ul ta sjoyobal, ay lajuneb yoxlajunwinic (250) metro ta juju-jejch'. Jich parte ay te bila ch'ultesbile, soc parte jilem te bila ma ch'ultesbiluque.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 7:19

“Pero co'tanuc xcaiybey sc'oplal ta lec te xchanebal chambalam, te mero ma pajaluc soc te yantique, melel mero xiweltic sba yilel: taq'uin te ye, soc bronce te yejq'ueche. Spisil ya sbic' soc ya slajin, soc ya spech' ta teq'uel te sobraile.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 8:10

Mero bayal muc'ub, c'ot c'alal ta banti ay eq'uetic ta ch'ulchane. Ay la scojt'es tel te eq'uetique, la spech' ta teq'uel,

Daniel 8:13

Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Daniel 8:14

La sujt'es, jich la yal: —Ja' to ta cha'mil soc jo'lajunwinic (2300) smalel c'aal soc sloq'uel tel c'aal. C'alal ya xc'ax in to, ya me yich' xan lecubtesel te ch'ul awilale —xi' la caiy.

Números 14:34

Ja'ex cha'winic (40) c'aal jalajex ta stsajtayel te q'uinale, jich nix me ya awich'ic castigo cha'winic (40) ja'wil, jujun ja'wil me ya xc'ot te jujun c'aale. Jich me ay ta na'el a te ma lecuc te mach'a ya scontroinone”, uta me.

San Mateo 27:53

Loq'uic tel ta lum te c'alal cha'cuxix a te Jesuse, ochic bael ta ch'ul lum Jerusalén. Bayal mach'atic ilotic yu'un.

San Mateo 4:5

Te Jesús ic'ot bael yu'un te pucuj ta bay ch'ul lum Jerusalén. C'o tejc'anotuc ta jol templo la yaiy.

San Mateo 5:13

“Te ja'exe, yats'amilex te balumilale. Teme ch'ay xchi'il te ats'ame, ¿ya bal xchi'ub xan? Te bit'il ma xtuunixe ya yich' ch'ojel bael, soc ya xlaj ta pech'anel ta teq'uel yu'un te ants-winiquetique.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Apocalipsis 11:11

Ja'uc me to, te c'alal c'axix a te olil xchaneb c'aale, te Diose la xcha'cuxes te testigoetique. Jich tejc'aj jajch'el. Spisil te mach'atic la yilique, och bayal xiwel ta yo'tanic yu'un.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Apocalipsis 21:10

Te Espíritu la yic'on bael ta bay te muc'ul toyol witse. Tey la yac'bon quil a te muc'ul ch'ul lum Jerusalén te yac ta coel tel ta ch'ulchan te loc' tel ta stojol te Diose.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Apocalipsis 22:19

Soc teme ay mach'a ya yac' ch'ayuc jtebuc te bila ts'ibubil li' ta bay in jun to, Dios me ya xtup'bot sbiil yu'un ta bay lista yu'un te cuxinele, soc ma x'ac'ot ainuc tey a ta bay te ch'ul muc'ul lume te ts'ibubilix sc'oplal ta bay in jun to.