Apocalipsis 10:3 - Bible in Tzeltal de Oxchuc y Tenejapa

³ Tulan awun ta c'op jich bit'il ya x'awun te león-choje. Te c'alal awune, ay juqueb chawuc te awunic ta sjac'bel te sc'ope.

Nuevo Testamento Tzeltal de Amatenango

³ Tulan a kꞌopoj, jachik tutꞌil ya xꞌawun jkojt choj, y te kꞌalal xꞌawete, jukeb xpumlajan bael ta sjoylejal a kaꞌiy te skꞌope.

Bible in Tzeltal Bachajón

³ tulan awon hich te bin ut'il choj. C'alal tulan awon, t'ohm talel huqueb chahwuc.

Apocalipsis 10:3 ပူးပေါင်းရင်းမြစ်များ

Salmos 29:3

Te sc'op Cajwaltic ya xchicnaj ta aiyel ta sba mar; te Dios jelawen yutsil ya st'omes chawuc; te Cajwaltic ay ta sba sjamalul te mare.

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Isaías 31:4

Te Cajwaltic la yalbon: —Jich me c'oem te bit'il león-choj te smilojix jcojt' chij, te xujt' ma xiw yu'un te jcananetic yu'une, manchuc me ya stsob sbaic tel spisilic te yo'tanuc ya xiwtesic bael ta awe. Jich me ya xtal te Cajwaltic te Spisil ya xju' yu'une, ya xtal scoltay te lum yu'un ta wits Sión.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Isaías 5:29

Te yawique, jich bit'il ya x'awun león-choj, ya xc'ux ye yu'un sc'ajc'al, soc ya stsac ta ora te bila ya stae, ya yich' bael, ma'yuc mach'a ya xju' ya spojbey.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Ezequiel 10:5

Te sc'op te xic' te querubínetic chican to ta aiyel ta amac'. Jich yaiyel te bit'il yac ta c'op te Dios te Spisil ya xju' yu'une.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?

Apocalipsis 14:2

Soc la caiy stojol ay bila c'opoj ta bay ch'ulchan te pajal sc'op soc te snojel ja'etique soc sc'op te tulan chawuque. Jich sc'op la caiy te bit'il ay tsobol mach'atic yac ta stijel te yarpaique.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 4:5

Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.