Apocalipsis 1:7 - Bible in Tzeltal de Oxchuc y Tenejapa

⁷ ¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

Nuevo Testamento Tzeltal de Amatenango

⁷ ¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Bible in Tzeltal Bachajón

⁷ ¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

Apocalipsis 1:7 ပူးပေါင်းရင်းမြစ်များ

Job 33:26

Jich me ya yal wocol ta stojol Dios, jich me ya stsacbot sc'op yu'un; bayal me yutsil q'uinal ya yaiy a ya yilbey sit te Diose, ya me sc'ajintabey yaiy ants-winiquetic te yutsil yo'tan te Diose.

Salmos 22:16

Jich bit'il ts'i'etic te jtsojp yac'oj sbaic, jc'axel sjoytayejonic ta jyalel te mach'atic amen yo'tanique; la yejch'entesbonic jc'ab soc cacan.

Salmos 68:1

Te c'alal ya xjajch' ta at'el te Diose, te scontrotac ya xpujq'uic bael; te mach'atic ay slab yo'tanic yu'une, ya xloq'uic ta anel ta stojol.

Salmos 97:2

Joytaybil yu'un ijc'al pimil tocaletic te muc' ajwalile; te toj-o'tanil soc te bitic toj ya xchajbane, ja' ipajem c'oem yu'un a te smuc'ul nactijibe;

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Nahúm 1:3

Te Cajwaltic sts'icojbey to te smule; ja'uc me to, muc' te yu'ele. Ma xch'aybey castigo ta stojol te mach'a ay smule. Te Cajwaltic ya scajtijibin ta beel te tulan iq'ue; te tocaletic jich c'oem te bit'il tan te ya xwil te c'alal ya xbeene.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Zacarías 12:11

Mero bayal me ya smel yo'tanic te mach'atic ayic ta Jerusalén, jich te bit'il ya smel yo'tanic yu'un te dios Hadad-rimón ta muc'ul spamlej ta Meguido.

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Marcos 13:26

Jich me ya xchicnaj tel ta tocal ta sjamalul ch'ulchan te Nich'anile. Ay me bayal yu'el soc xojobil te yutsilale.

San Marcos 14:62

La yal te Jesuse: —Jo'on abi. Ya me awilic te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchane —xi' te Jesuse.

San Lucas 21:27

Jich me ya yilic te Nich'anile te yac ta talel ta tocal soc yu'el soc bayal xojobil te yutsilale.

San Juan 19:34

Ja'uc me to, ay jtul soldado la slowbey ta lanza te smoche. Ora nax a loc' tel ch'ich' soc ja'.

San Juan 19:37

Soc ja' nanix jich ts'ibubil ta Sjun te Diose: “Ya me yilic ta sitic te mach'a la slowique”, te xie.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

1 Tesalonicenses 4:17

Ta patil te jo'otic te cuxulotic to jilele, maj nax ya x'ic'ototic moel soc ta tocal. Jich ya xc'o jta jbatic soc ta sjamalul ch'ulchan te Cajwaltique. Jich ya xc'o join jbatic soc sbajt'el q'uinal te Cajwaltique.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Hebreos 6:6

teme yoloj ya yijq'uitayic ta ch'uunel te Snich'an Diose, jich ma xju'ix te ya x'ac'bot sujt'es xan yo'tanique. Yu'un ja'ic ya yaq'uic xan ta jijp'anel ta cruz c'oem te Snich'an Diose, soc ya yaq'uic xan ta labanel ta comonsitil.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

Apocalipsis 22:20

Te mach'a ya yal ta testigo spisil in to, jich ya yal: “Melel xcal, nopol ya xtalon”, xi'. Jichuc, Cajwal Jesús, la' me ta ora.

Apocalipsis 22:4

Ya me yilbeyic sit Dios ta sitic, soc ta stibaic ts'ibubil te sbiile.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.