Apocalipsis 1:5 - Bible in Tzeltal de Oxchuc y Tenejapa

⁵ soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Nuevo Testamento Tzeltal de Amatenango

⁵ y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Bible in Tzeltal Bachajón

⁵ soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 1:5 ပူးပေါင်းရင်းမြစ်များ

Salmos 51:2

Pocbon loq'uel te bila amen jpasoje; pasbon ta sac te co'tane.

Salmos 72:11

Ac'a tal squejan sbaic ta stojol spisil te muc' ajwaliletic. Ac'a yac' sbaic ta abatinel yu'un spisil te nacionetic.

Salmos 89:27

Jo'on me ya cac'bey yich' te bitic ay ta swenta yich'el te ba-nich'anile; ja' me toyol ya cac' c'otuc ta stojol yantic muc' ajwaliletic ta balumilal.

Proverbios 14:5

Te mach'a testigo ta melel, ma spas lot stuquel; yan te lotil testigoe, jpas-lot stuquel.

Isaías 55:4

Ja' la cac' ta testigo ta stojol te nacionetique, la cac' ta jtsobwanej soc ta jp'ijubteswanej ta stojol te lumetique.

Daniel 2:2

Jich la sticun ta iq'uel te mach'atic ay sp'ijilic, soc te mach'atic ya sna'ic syoljoltayel, soc j'ac'-chameletic, soc te mach'atic bayal bitic ya sna'ique, swenta yu'un ya me x'albot yu'un te bila swentail te swaiche. Te mach'atic c'otic ta iq'uel tele, c'o stejc'an sbaic ta stojol te muc' ajwalile.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Levítico 13:58

Te c'u'il-pac'al, jalbil pac', o biluc a te pasbil ta nujc'ule, teme ch'ay te seña yich'oj te c'alal la yich' saq'uele, ya me yich' xan saq'uel junuc xan buelta, jich to me lecubenix sc'oplal ya xjil —xi' te Cajwaltique.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 13:34

Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

San Juan 15:9

Te bit'il c'uxon ta yo'tan te Jtate, ja' nanix jich c'uxex ta co'tan uuc te ja'exe. Jich yu'un jc'axel ainanic tey a ta bay te xc'uxul co'tane.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 3:11

Jamal ya calbat, ja' ya caltic te bila jna'ojtique, soc te bila quilojtique; ja'uc me to, ma xc'ot ta awo'tan te bila ya caltique.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

San Juan 3:32

Te bila la yile soc te bila yaiyoj stojole, ja' ya xcholbey sc'oplal. Ja'uc me to, ma'yuc mach'a ya xch'uun te bi ya yale.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Hechos 26:23

te ya xc'ax swocol te Cristoe soc te ja' sbabial te ya xcha'cux tel ta bay te animaetique, swenta yu'un ya yalbey judioetic soc jyanlumetic te bit'il ay sc'oplal te saquil q'uinale —xi' te Pabloe.

Romanos 3:25

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe.

Romanos 8:37

Manchuc teme spisil ya jtatic ta q'uinal in to, jc'axel me ya caiytic tsalaw ta swenta te Mach'a bayal c'uxotic ta yo'tane.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Deuteronomio 18:2

Ma me ayuc q'uinal ya x'ac'bot yu'unin stuquelic, jich te bit'il slumalique. Melel te bila yu'unique, ja' te Cajwaltique, jich te bit'il yaloj stuquele.

Deuteronomio 23:5

Yan te Cajwaltic te Dios cu'untique ma ba la yich'bey ta wenta te sc'op Balaam. Te bila swenta castigo la sc'atp'un ta bendición, melel c'uxex ta yo'tan stuquel te Cajwaltique.

Deuteronomio 7:8

Te Cajwaltic la sloq'uesex tel ta sq'uinal Egipto te banti ayex ta mozoile. Ta swenta smuc'ul yip yu'el la scoltayex loq'uel tel ta sc'ab faraón ta swenta nax te c'uxex ta yo'tan, soc jich la yac' c'otuc ta pasel a te bila chapal yu'un soc te antiguo jme'-jtatique.

Colosenses 1:18

Te Cristoe ja' jolol yu'un te jch'uunjeletique te ja' sbaq'uetal c'oeme. Ja' xjajch'ibal ay stuquel. Ja' sbabial te cha'cux tel ta bay te animaetique, swenta yu'un jich me c'ax jich ich'bil ta muc' ya xc'ot yu'un spisil te bitic aye.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

1 Timoteo 6:15

Ya me xc'ot ta pasel te c'alal ya sta yorail yu'un te Diose. Melel ja' stuquel Dios te bayal yutsile, te ja' Muc' Ajwalil yu'un te muc' ajwaliletique, soc te ja' Ajwalil yu'un te ajwaliletique.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Juan 4:10

Tey ya jna'tic stojol a te bit'il ay te xc'uxul yo'tan te Diose. Ma jo'ocotic te c'ux la caiytic ta co'tantic te Diose. Ja' c'ux la yaiyotic ta yo'tan stuquel. Jich la sticun tel te Snich'ane, la jelolintic ta stojel te jmultique.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.