Apocalipsis 1:1 - Bible in Tzeltal de Oxchuc y Tenejapa

¹ Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Nuevo Testamento Tzeltal de Amatenango

¹ Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Bible in Tzeltal Bachajón

¹ Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 1:1 ပူးပေါင်းရင်းမြစ်များ

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Daniel 8:16

Ay la caiy c'op yac ta talel ta stojol muc'ja' Ulai, jich yac yalel: —Gabriel, albeya yaiy sc'oplal te bila chicnaj ta ilel ta aiyel te winic in to —xi'.

Daniel 9:21

Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,

Daniel 9:23

Te c'alal jajch'at ta sc'oponel te Diose, la sjac'bat te ac'ope. Jo'on talon ta atojol, yu'un tal calbat awaiy sujt'ib te ac'ope, melel te Diose mero bin nax yo'tan ta atojol. Ja' yu'un yo'tic, aiya me awaiy ta lec te bila ya calbate, swenta yu'un ya me ana'bey swentail a te bila la awile.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

San Juan 12:49

Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

San Juan 3:32

Te bila la yile soc te bila yaiyoj stojole, ja' ya xcholbey sc'oplal. Ja'uc me to, ma'yuc mach'a ya xch'uun te bi ya yale.

San Juan 8:26

Soc ay to bayal ac'oplalic te ya calbeyexe soc sc'oplal uuc te awat'elique. Te mach'a la sticunon tele melel te bi ya yale. Te bi ya cal li'to ta balumilale, ja' nix te bila caiyoj stojol yu'une —xi'.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

Gálatas 1:12

Melel ma teyuc la jta ta swenta te ants-winiquetique, soc ma'yuc mach'a la yac'bon jnop. Ja' la yac'bon jna' stojol te Jesucristoe.

Efesios 3:3

Dios la yac'bonix jna' te bila muquen ay ta yo'tane. Jich bit'il la jts'ibubeyexix cha'oxp'aluc.

Tito 1:1

Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

Apocalipsis 1:19

Jich yu'un ts'ibuya spisil te bila la awilixe, soc te bila ay ta ora to, soc te bila ya xc'ot ta pasel ta patile.

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Apocalipsis 21:9

Tal jtul ta sjuctulul te ch'ul abatetic te yich'oj te juqueb copaetic te nojel tey a te juccum slajibal castigoetique. Jich la yalbon: —La' me, ya cac'bat awil te ach'ix te ya xnujbin soc te Alalchije —la yuton.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Apocalipsis 22:6

Soc la yalbon te ch'ul abate: —Ja' in smelelil c'op to, ac'a xch'uun awo'tan. Te Cajwaltic Dios te swentainejbey yo'tanic te j'alwanejetic yu'une, ja' sticunej tel te ch'ul abat yu'une, tal yac'bey yil te abatetic yu'un te bila nopol ya xc'ot bael ta pasele —la yuton.

Apocalipsis 22:8

Jo'on Juanon te la caiy stojol soc te la quil ta jsit spisil in to. Te c'alal la caiy stojol soc te la quile, la jpajc'an jba ta yacan te ch'ul abate, yu'un c'an jlajin jba ta stojol.

Apocalipsis 22:9

Ja'uc me to, la yalbon: —Ma me xapas jich. Melel te jo'one, yabaton uuc te Diose jich te bit'ilat soc spisil te awermanotac te j'alwanejetique soc spisil te mach'a ya yac' ta yo'tanic te bila ts'ibubil li' ta bay in jun to. Ja' me xalajin aba ta stojol te Diose —la yuton.

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.

Apocalipsis 5:7

Te Alalchije ba stsac te balbil jun te ay ta swa'el sc'ab te mach'a nacal ta muc'ul nactijibale.