Amós 8:3 - Bible in Tzeltal de Oxchuc y Tenejapa

³ Te bi c'aalil ya cale, te c'ayojetic ta muc'ul palacio ya me xc'atp'ujic ta oq'uel. Bayal mach'a ya xlajic, soc ya me yich'ic ch'ojel loq'uel te sbaq'uetalic, ma'yuc mach'a ya xc'opoj. Ja' tulan ya cal jo'on te Ajwalilone —xi'.

Bible in Tzeltal Bachajón

³ Ta hich ora te c'ayojetic ta templo ya sutp'ijic ta ahcan, xchi te Jehová te Ajwalil. Bayel chamen baq'uet ya xc'oht, ya yich'ic ch'ojel loq'uel ta bayuc, mayuc mach'a ya xc'opoj.

Amós 8:3 ပူးပေါင်းရင်းမြစ်များ

Amós 5:23

¡Q'ueja abaic ta ch'inch'onel soc te ac'ayojique! Ma jc'an caiybey stojol sc'op te awarpaique.

Amós 5:16

Jich ya yal te Cajwaltic Dios te Spisil ya xju' yu'une: —Ay me oq'uel ta yolil lum, ta spisil calleetic ay me awetic.Jich me ya yalic: “¡Ay! ¡Ay!”, xiic me ta oq'uel. Ya me x'ic'otic tel ta oq'uel te mach'atic ayic ta c'alc'altic, soc te mach'atic yat'elinejic oq'uel yu'un te mel-o'tane.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Nahúm 3:3

Pajal nax ya xbeen ta tulan te caballoetique. Ya xtil puñaletic, ya xojobaj lanzaetic. Bayal ta jmil j'ejch'enetic, bayal ta jbus te mach'a ya xlajique. Ma xju' ta ajtayel te mach'a lajemique. Te ants-winiquetic tey ya sc'ojch'in sbaic a.

Amós 8:10

Te q'uinetic ya jc'atp'un ta oq'uel yu'un te animaetique; soc te c'ayoj ya jc'atp'un ta oq'uel ta swenta sna'el te animae. Ya me cac' te ya alapic ch'ixal pac'; soc ya me at'axan ta joxel ajolic ta seña xc'uxul mel-o'tan. Jich me oq'uel ya spasic yu'un te bit'il mach'a ch'ayem te jip jtul snich'ane; spisilic me ya xwoclajic yu'un xch'aal mel-o'tan —xi'.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:11

Ja'ex te ya x'at'ejex ta yawil trigo soc ta yawil ts'usubile, oc'anic me yu'un mel-o'tan. Melel ma'yuc swentail c'ot te ts'unubiletic, ma'yuc swentail c'ot te sit trigo, soc ma'yuc swentail c'ot te sit cebada.

Joel 1:5

¡Cuxa awo'tanic, ja'ex jyacubeletic! Ochanic ta oq'uel, j'uch'-vinoetic, melel ya me awich'ic pojbeyel te ya'lel ts'usub awu'unique.

Jeremías 22:18

Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Salmos 39:9

“La jcom jba, ma ba la jam que jichuc uma', melel ja'at jich la apasbon.

Lamentaciones 2:10

Te jtsobwanej-mamaletic ta Sión, ch'abalic nax, nacalic ta ts'ubil lum, ya yac' tan ta sjolic soc ya slapic ch'ixal paq'uetic. Te ach'ixetic ta Jerusalén ya snijan sbaic coel c'alal ta lum ta mel-o'tan.

Amós 6:4

Ya ats'ean abaic ta t'ujbil nactijibal te ch'albil ta marfil, tey ya amejts'an abaic ta we'el yu'un q'uin; ya awe'elinic alal chijetic soc jujp'en alal wacaxetic.

Amós 6:5

Ya atijic arpa te ya smulan awo'tanic; ya ac'ainbeyic yat'el David,ya anopic te bit'il ya sc'an pasel yantic músicaetic.

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.

Sofonías 1:7

Ch'abanic ta stojol te Cajwaltique; melel te sc'aalelal Cajwaltic nopol ayix tel. Te Cajwaltic xchajbanej milbil majt'anil soc xchajbanejbey te mach'atic yic'oje. Jich ya yal te Cajwaltique: