Amós 7:9 - Bible in Tzeltal de Oxchuc y Tenejapa

⁹ Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Bible in Tzeltal Bachajón

⁹ Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Amós 7:9 ပူးပေါင်းရင်းမြစ်များ

Génesis 46:1

Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Amós 8:14

Te mach'atic ya sc'oponic yajcananic ta Samaria, te mach'atic ya yalic: “Ac'a cuxinuc te dios awu'un, ja'at Dan”,te xie, soc: “Ac'a cuxinuc te diosetic yu'un Beerseba”, teme xiic xane, ya me xyalic, soc mero ma xjajch'iquix —xi' te Cajwaltique.

Amós 5:5

Ma me xbaex ta Betel, ma xbaex ta Gilgal, ma me xc'axex bael ta Beerseba. Melel te Gilgal ya me x'ic'ot bael ta mosoil, te Betel ya xc'atp'uj ta jinem ts'ajq'uetic —xi'.

Amós 3:14

Melel te bi c'aalil ya cac'bey castigo yu'un smul te Israele, ya jin te scajtijib majt'anil ta Betel; te xulubiletic yu'un scajtijib majt'anil ya me yich' c'oquel loq'uel soc ya me xch'ay coel ta lum.

Oseas 10:8

Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Isaías 63:18

Te ch'ul lum awu'une ma ba jal c'aal la yu'unin te slumale. Te jcontrotic la spech'bat ta teq'uel te templo awu'une.

Jeremías 51:51

Ja'ex ya awalic: —Ay q'uexlal ya caiytic c'alal ya caiytic stojol te bit'il ya yixtac'optayotique. Ya xq'uexawotic, ya jmuc quelawtic yu'un; melel jyanlumetic ochemic bael c'alal ta awilal ch'ulajem ta templo —xaex.

Amós 7:11

Melel jich yac ta yalel: ‘Jeroboam ya me xlaj ta puñal, soc ya me x'ic'ot bael ta yan lum ta spisil te israeletique’, xi' me”, xi'.

Amós 7:13

Ma me x'awaiyix j'alwanej ta Betel, melel ja' ch'ul awilal yu'un muc' ajwalil soc ja' muc'ul templo yu'un te lume —xi'.

Miqueas 1:5

Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.

2 Reyes 14:24

Pero te yat'ele ma lecuc ta sit te Cajwaltic, melel ma'yuc la yijq'uitay ni junuc te muliletic la spas Jeroboam snich'an Nabat, te la yac'bey sta smulic te israeletique.

Ezequiel 6:3

jich xawalbey: “Aiya awaiyic, witsetic yu'un Israel, te bila ya yalbeyex te Cajwaltique, ja'ex witsetic, tseletic, muc'ja'etic soc spamlejetic: Ya me cac' taluc ta atojolic guerra, ya me yich'ic lajinel te toyol ch'uunjibaletic awu'un.

Amós 9:1

La quil te Cajwaltic te ay ta sts'eel te scajtijib majt'anile, soc jich la yalbon: —Yuq'uilaya ta majel te yoyal na ja' to me c'alal ya xnijc' te yiptajibe; ac'a wuyuc coel tel ta sba te ants-winiquetique. Te mach'atic cuxul ya xjilic, ya me jmil ta puñal; manchuc me ya x'anic bael ta sc'opic, ni jtuluc ya xcol.