Amós 7:2 - Bible in Tzeltal de Oxchuc y Tenejapa

² Patil la quil te c'ulubetic yacaliquix ta slajinel ta jyalel te aquiltic ta lumq'uinale, jich la cal: —Cajwal, pasbon perdón. ¿Bit'il c'an cujch'uc yu'un te Jacob te lum awu'une? Melel c'ax ch'in ta jyalel —xoon yu'un.

Bible in Tzeltal Bachajón

² C'alal lajix swe'bel a te ya'malel q'uinal te c'ulubetic, hich la jcal: ¡Cajwal Jehová, pasa perdón! ¿Bin ut'il c'an cuhchuc yu'un te Jacob, te melel ha tut? xchihon yu'un.

Amós 7:2 ပူးပေါင်းရင်းမြစ်များ

Ezequiel 11:13

Te c'alal yacon ta yalel ta stojolic a te bila la yalbon te Cajwaltique, t'uxaj bael te Pelatías te snich'an Benaías, toj lajel. La jtinan jba coel c'alal ta lum, awunon ta tulan, jich la cal: —¡Ay, Cajwal! ¿Ya bal alajin jiche te jteb xan israeletic jileme? —xoon ta aw.

Isaías 37:4

Te Cajwaltic te Dios awu'une la yaiybey stojol sc'op te mach'a yich'oj yat'el te ticunot tel yu'un te muc' ajwalil yu'un Asiria, te tal yixtac'optay te cuxul Diose. Ayuc bit'il ya yac'bey castigo yu'un te bitic la yale. La nix yaiy stojol stuquel a te Dios awu'une. C'oponbotic Dios a te jich xan yipal jilemotic ta c'abale”, uta me —xi' bael sc'op te muc' ajwalil Ezequías.

Ezequiel 9:8

Te c'alal jich yacalic ta spasel, jilon jtuquel. La jtinan jba coel c'alal ta lum, soc xc'uxul mel-o'tan ta co'tan awunon, jich la cal: —Cajwal, ¿ya bal at'omes bael ta stojol Jerusalén te awilimbae? ¿Ya bal alajin ta jc'axel te jteb xan israeletic jileme? —xoon.

Jeremías 42:2

ta stojol te j'alwanej Jeremías, jich la yalbeyic: —Ay bila ya jc'antic ta atojol, pasbotic a: Albotic wocol a te Cajwaltic Dios, jo'otic te ch'in jteb xanix te jilemotique. Ta neelal mero bayalotic, ta ora yo'tic jteb xanix jilemotic, jich bit'il ya awil in to.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Éxodo 10:15

La slim sbaic ta lumq'uinal, mero ma chicanuquix a c'ot te lume. La swe'elinic te awalts'unubile, soc spisil te sit te'etic te jilemic xan yu'un te bate. Ma'yuquix bila jil ta spamal Egipto, ni ta aquiltic soc te te'eltique.

Apocalipsis 9:4

Albotic mandal te ma ba ya yuts'inic te aquiltic te ay ta balumilale soc spisil te bitic ya xch'iic ta balumilale soc spisil te te'etique. Ja' nax me ya yuts'inic te jich yipal ants-winiquetic te ma ba yich'oj selloic ta stibaic yu'un te Diose.

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

Amós 7:5

Jich la calbey: —Coma aba, Cajwal, wocoluc a. ¿Bit'il c'an cujch'uc yu'un te Jacob te lum awu'une? Melel ch'in ta jyalel —la cut.

Daniel 9:19

¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Isaías 51:19

Ja' tal ta atojol cheb woclajel: ja' te la yich' jinel te alumal soc la yich' pojel loq'uel te sbiluquile, soc ja' te lajic yu'un wi'nal soc ta guerra te ajo'taque. ¿Mach'a a te ya sna'bat yo'bolil aba? ¿Mach'a a te ya smuc'tesbat q'uinal awaiye?

Salmos 12:1

Coltayawon, Cajwal, melel ma'yuquix mach'a jun yo'tan ta atojol; ma'yuquix te mach'a lec yo'tanique.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Joel 2:17

Ac'a oq'uicuc te sacerdoteetic, ja' te abatetic yu'un te Cajwaltique. Jich ac'a yalic ta yolil te yochibal Ch'ul Awilal soc te scajtijib ta chiq'uel majt'anile: “Cajwal, pasbeya perdón te lum awu'une; ma xawac' te ay mach'a ya xlabanot yu'un te mach'atic awu'une; ma xawac' te ya x'u'uninot yu'un yantic nación, soc te jich ya yalic te mach'atic ma ba xch'uunejate: ‘¿Banti ay te Dios yu'unique?’ xiic me”, xiuc me sc'op te sacerdoteetique.

Amós 4:9

—La jmajat c'oem ta buen c'ajc'al ic' soc ta buen tulan chamel; la cac' te ya sayub awawal-ats'unubic soc te ats'usubilique. Te c'ulubetic la slajinbat te higueraetic soc te olivoetic awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.