Abdías 1:3 - Bible in Tzeltal de Oxchuc y Tenejapa

³ Ja' la slo'layat te atoybaile. Te ja'at tey nainemat ta japal tontiquil soc nainemat ta toyol witstiquil, jich c'oem ta awo'tan te ma'yuc mach'a ya sjinat ta ac'ope.

Bible in Tzeltal Bachajón

³ Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.

Abdías 1:3 ပူးပေါင်းရင်းမြစ်များ

Génesis 36:8

Jich c'o nainuc ta witstiquil Seir te Esaú te Edom yan sbiile.

2 Reyes 14:7

Te Amasías la smil lajunmil (10,000) edom-winiquetic ta Spamlej Xatal Q'uinal yu'un Ats'am. Soc la yu'unin te lum Sela, Jocteel sbiil la yac'bey, jich nix sbiilinej c'alal ora.

2 Crónicas 25:11

Te Amasías la xchajban sba soc yip yo'tan, la yic' bael te soldadoetic yu'un ta Stenlej Xatal Q'uinal yu'un Ats'am. Tey la smilic lajunmil (10,000) winiquetic yu'un Seir.

2 Crónicas 25:12

Te judaetic, cuxul la stsaquic bael yantic lajunmil (10,000), la yiq'uic bael ta toyol muc'ul ton ta wits ta bay mero chujc'ul tontiquil, tey la xch'ojic coel a, jich ch'ujch'ultic a bajt' sbaq'uetalic ta spisilic.

Job 20:6

Manchuc me jich to stoyolil te bit'il stoyolil te ch'ulchane, manchuc me ya staix sjol te tocale,

Proverbios 16:18

Te bila ya xtal ta spat te toyba-o'tanil, ja' te jinele; te bila ya xtal ta spat te toybail, ja' te pejc'anele.

Proverbios 18:12

Te bila ya xtal ta spat te toybaile, ja' te jinele; te bila ya xtal ta spat te mach'a peq'uele, ja' te ya x'esmaj yutsilal.

Proverbios 29:23

Te mach'a toyol ya yac' sba, ya me xpejc'anot; yan te mach'a peq'uel yac'oj sbae, ya me x'ich'ot ta muc'.

Isaías 16:6

Ya jna'tic te mero c'ax muc' yac'oj sbaic te Moab, yich'oj sba ta muc', cajal yac'oj sba, bayal stoyoj sba, soc tojol te bitic ya yale.

Jeremías 21:13

“Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Jeremías 37:9

Jo'on Ajwalilon, ya me cac'beyex ana'ic, te ma me xawac' abaic ta lo'layel yu'un. Ma me yu'unuc jc'axel la sq'uej sbaic bael te caldeoetique, ya me xtalic xan.

Jeremías 48:28

Ijq'uitayaic te lumetic awu'unic, yajwal Moab; baanic ta nainel ta ch'entiquil jichuc stsumutetic te ya spas xpechechic ta sti'il lom ch'entiquil.

Jeremías 49:16

Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Jeremías 49:4

¿Bi yu'un cajal ya awac' aba yu'un te awipe? Te ja'at toyba lum, ya xlajix te awipe. Ja' smuc'ulinej awo'tan te ac'ulejal atsoboje, te jich ya awal: “¿Mach'a c'an yac'bon guerra?” te xaate.

Ezequiel 28:16

Ta scaj te mero esmaj te bila ya achone, jteb atael ta c'op, ora ya x'ilinat, soc noj ta awo'tan mulil. Jich la jloq'uesat ta jtojol, la jloq'uesat ta wits cu'un jo'on te Diosone. Te querubín scanantayejat ae, la sloq'uesat ta yolil te eq'uetique.

Malaquías 1:4

Te mach'a edometic te sts'umbal Esaú, teme jich ya yalic: —La quich'tic jinel; ja'uc me to, ya jcha'pastic xan te jlumaltic —teme xiique. Te Cajwaltic te Spisil ya xju' yu'un, jich me ya sjac': —Ya niwan xcha'pasic xan; ja'uc me to, ya jcha'jinbey xan. Te slumal jich me ay te sbiil: “Slumal mulil” soc “Nación te sbajt'el q'uinal ilinem Cajwaltic yu'un”, xi' me sc'oplal.