2 Samuel 9:9 - Bible in Tzeltal de Oxchuc y Tenejapa

⁹ Pero te muc' ajwalil la yic' tel te Siba, te abat yu'un Saúl ta neelal, jich la yalbey: —La cac'beyix te smam te anima awajwal ta spisil te bitic yu'un c'ax ta q'uinal, soc te bitic yu'un a te mach'atic ay yu'une.

Bible in Tzeltal Bachajón

⁹ Ha yu'un te ajwalil la yic' tal te Siba te a'bat yu'un Saúl, hich la yalbe: La jca'beyix te smam te awajwal chawinic Saúl spisil te bintic ay yu'un soc nix te mach'atic ay yu'une.

2 Samuel 9:9 ပူးပေါင်းရင်းမြစ်များ

2 Samuel 16:3

Jojc'obot yu'un te muc' ajwalil: —¿Banti ay te Mefi-boset, te smam te anima awajwale? —xi' sc'oplal. —Jil ta Jerusalén, melel yac ta sna'el teme ay ya sujt'esbot ta swenta yu'un te israeletic te yat'el ta muc' ajwalil te smame —xi' te Siba.

2 Samuel 16:4

La yal te muc' ajwalil: —Lec ay jiche. Yo'tic ja'at awu'unix spisil te bitic yu'un ta namey te Mefi-boset —xi'. —Bayal yutsil teme ya ana'bon yo'bolil jbae, muc' ajwalil cu'un —xi' ta sjaq'uel te Siba, soc la stinan sba ta stojol te muc' ajwalile.

2 Samuel 19:29

Jac'bot yu'un te muc' ajwalile: —Ma'yuquix bi yan ya caltic. Ya calix mandal te ja'at soc te Siba ya axat abaic a te q'uinale —xi'.

2 Samuel 19:30

Pero te Mefi-boset la sjac'bey: —Ac'a yich' jilel spisil. Te bi bayal sc'oplal ta co'tane, ja' te bit'il buen lec ayat a sujt'at tel ta ana —xi'.

Isaías 32:8

Yan stuquel te mach'a lec sc'oplale ay nix muc' snopjibal yu'un a, te snopjibal te bila chapal yu'une ma xyanaj yu'un.

1 Samuel 9:1

Ta sts'umbal Benjamín ay jtul winic Cis sbiil, Abiel te state, Zeror te xcha'lamal smame; te stat te yoxlamal smame Becorat sbiil, snich'an Afía. Te Cis mero ich'bil ta muc'.