2 Samuel 9:3 - Bible in Tzeltal de Oxchuc y Tenejapa

³ Te muc' ajwalil la sjojc'obey: —¿Ay to bal jilem te mach'atic ay yu'un te Saúl, te ya xju' ay bi ya cac'bey ta swenta te Diose? —xi'. Te Siba la sjac': —Ay to jilem jtul snich'an Jonatán te boloben xchebal yacane —xi'.

Bible in Tzeltal Bachajón

³ ¿Ma bal ayuc mach'a ay yu'un Saúl te cuxul hilem te ya xhu' ya jc'uxultay ta scuenta Dios? xchi te ajwalil. Te Siba la sjac'be te ajwalil: Ay to hilem jtuhl snich'an Jonatán, chamen schebal yoc, xchi.

2 Samuel 9:3 ပူးပေါင်းရင်းမြစ်များ

2 Samuel 19:26

La sjac': —Ja' la slo'layon te abat cu'une, muc' ajwalil cu'un. Scaj te coxoon, la calbey te ya xchajbanbon jcojt'uc burro yu'un ya xmoon a, ya jt'unat bael sc'oplal.

2 Samuel 19:27

Pero la sleonix ta c'op ta atojol, muc' ajwalil cu'un. Pero te ja'at cajwal, jichat te bit'il ch'ul abat yu'un Dios, ja' ya apas te bi lec ta pasel ya awaiye.

2 Samuel 4:4

Te Jonatán te snich'an Saúl, ay jtul snich'an Mefi-boset sbiil, boloben xchebal yacan. Yu'un te c'alal jo'eb ya'wilal a te Mefi-boset, jul tel ta alel ta Jezreel te lajix te Saúl soc te Jonatán. Te jch'ijteswanej yu'un Mefi-boset ic'ot ta anel yu'un, pero scaj te mero tulan te anele, yal te Mefi-boset, toj lajel yacan, jich coxo jilel.

2 Samuel 9:13

Pero te Mefi-boset, te bit'il pejel ta scaj te boloben xchebal te yacane, nain spisil ora ta Jerusalén stuquel. Melel ya xwe' spisil ora ta smesa te muc' ajwalil.

2 Samuel 9:7

Te David jich la yal: —Ma me xiwat, melel ya me jc'uxtayat swenta sna'ojibal te atat Jonatán. Ya me cac' sujt'uc ta awenta spisil te sq'uinal te amam Saúl, soc spisil me ora ya xwe'at ta jmesa —xi'.

San Lucas 6:36

Jich yu'un te ja'exe aiyaic me c'uxtaywanej uuc jich bit'il ya yaiy c'uxtaywanej te Atatique.

Deuteronomio 10:15

Te Cajwaltic la stsa te antiguo ats'umbalique, c'ux la yaiy ta yo'tan. La stsa uuc te patil alnich'anetic yu'unique, ja'ex abi, te la awich'ic tsael loq'uel ta yolil te yantic lumetique, jich te bit'il yacotic ta yilele.

Deuteronomio 4:37

C'ux la yaiy ta yo'tan te antiguo ame'-atatique, soc la stsabey te patil alnich'anetic yu'unic, te la scoltay loq'uel tel ta Egipto ta swenta te smuc'ul yu'ele.