2 Samuel 8:6 - Bible in Tzeltal de Oxchuc y Tenejapa

⁶ Ora la yac' soldadoetic ta scanantayel te jich yipal sq'uinal Siria te wentainbil yu'un Damasco. Te siriaetic u'uninot yu'un David, jil ta swentaic stojel spatanic ta stojol. Ta bayuc ya xbajt' te David, puersa ya x'ac'ot ta tsalaw yu'un te Cajwaltique.

Bible in Tzeltal Bachajón

⁶ Te David la yac' soldadohetic te la scanantayic te arameohetic cuentahimbilic yu'un Damasco. Te arameohetic ha a'batetic c'ohtic yu'un David, soc la stoj spatanic ta stojol. Te Jehová la yac' ta tsalaw te David bayuc banti baht.

2 Samuel 8:6 ပူးပေါင်းရင်းမြစ်များ

2 Samuel 10:19

C'alal la yilic ta spisilic te muc' ajwaliletic te syomoj sbaic soc te Hadad-ezer te tsalotic yu'un te israeletic, la slamantes yo'tanic ta stojol te israeletic, ja' la yac' sbaic ta swenta. Jich och xiwelic te siriaetic, ma ba la scoltayiquix te amonetique.

2 Samuel 23:14

Te David ay ta anjibal ch'en, ja' yorail a te ay jchajp soldado-filisteoetic ta Belén.

2 Samuel 3:18

Yo'tic c'otix yorail te ya x'och ta yat'ele, melel te Cajwaltic yaloj te ja' ta swenta David ya scoltay te lum Israel ta sc'ab filisteoetic soc ta sc'ab spisil scontro —xi'.

2 Samuel 5:10

Te David yan yan yac ta yich'bel yip. Te Cajwaltic te Dios te Spisil ya xju' yu'une, joinbil yu'un.

2 Samuel 7:9

Joinejat ta bayuc baat, la jlajinix te acontro loc' tel ta atojole. Bayal yutsil ac'oplal c'oat cu'un ta stojol spisil ants-winiquetic, jich te bit'il ay yu'un te winiquetic te bayal sc'oplalic ta balumilale.

2 Samuel 8:14

Ora la yac' ochel soldadoetic ta scanantayel ta spisil sq'uinal Edom; jich ta spisil te edometic ochic ta sc'ab David. Jich te David ac'bil ta tsalaw yu'un Cajwaltic ta bayuc ya xbajt'.

2 Samuel 8:2

Soc la stsal te moabetique. La yac'bey sliman sbaic ta lum, la sp'is ta lazo. Cha'p'is te mach'atic la yac' ta lajele, jp'is te mach'atic ma ba la yac' ta lajele, asta ja' to loc' ta p'isel spisilic. Jich jilic te moabetic, u'uninotic yu'un David, soc la stoj spatanic ta stojol.

2 Samuel 8:7

Te David la yu'uninbey te smajq'uilic ta guerra te soldadoetic yu'un te Hadad-ezer te pasbil ta oro, la yich' bael ta Jerusalén.

1 Reyes 4:21

Te Salomón ju' yu'un swentainel spisil yantic muc' ajwaliletic c'alal ta muc'ja' Eufrates, c'alal ta sq'uinal filisteoetic soc c'alal ta sti'il sq'uinal Egipto. Ta spisilic la stojbey spatanic soc la xch'uunbeyic smandal te Salomón te jayeb c'aal cuxine.

2 Reyes 1:1

Te c'alal laj te Acab, te Moab la stoy sba ta stojol soc la scontroin te Israel.

2 Reyes 14:28

Te jayeb xan sc'oplal yat'el Jeroboam soc spisil te bitic spasoj, soc te bitic bayal sc'oplale, soc te guerraetic la spase, soc te bi la yut la yich' xan te Damasco soc te Hamat, te la yac'bey yu'unin xan te Israel, spisil in to ts'ibubil ta libro yu'un yat'el muc' ajwaliletic ta Israel.

2 Reyes 18:7

Ja' yu'un na'bot yo'bolil sba yu'un te Cajwaltic. Spisil te bitic la spase spisil lec c'ot ta pasel, ta swenta bit'il ja' coltayot yu'un te Cajwaltique. Te Ezequías la stoy sba ta stojol te muc' ajwalil yu'un Asiria, ma ba la sc'an la xch'uunbeyix smandal.

2 Reyes 3:4

Te Mesa, te muc' ajwalil yu'un Moab, yat'elinej xch'ijtesel chijetic. Ay ta swenta yaq'uel yu'un spatan jo'winic ta jmil (100,000) alal chijetic te muc' ajwalil yu'un Israel, soc jo'winic ta jmil (100,000) muc'ul tat chijetic soc stsotsilic.

1 Crónicas 18:13

Te David la yac' soldadoetic ta scanantayel te Edom. Ta spisil te edometic, jilic ta xch'uunel mandal ta swenta David. Ta bayuc nax bajt' te David, la yich' coltayel ta guerra yu'un te Cajwaltique.

2 Crónicas 17:2

La yac' bayal ta jtul soldadoetic ta chajbalchajp lumetic te joytaybilic ta ts'ajc' ta sq'uinal Judá, soc la yac' ta canantayel yu'un tsojboltsojp soldadoetic ta spisil te sq'uinal Judá, soc te lumetic ta sq'uinal Efraín te la yu'unin te Asa, ja' te anima state.

Salmos 140:7

Cajwal, Cajwal, jcoltaywanejat cu'un te bayal awu'el, ja'at me ya acanantaybon jol te c'alal yacon ta guerra”, xoon.

Salmos 60:10

Melel ja'at Dios cu'untic la ach'ayotiquix; ma ba ya xloc'atix ta guerra soc te soldadoetic cu'untique.

Proverbios 21:31

Te winic ya xchajban scaballo yu'un ya x'och ta guerra; pero ja' te Cajwaltic te ya yac' ta tsalaw.

1 Samuel 13:3

Te Jonatán la slajin te jchajp soldado-filisteoetic ayic ta lum Gabaa; la yaiyic te filisteoetique. Te Saúl la sticun ta oq'uesinel oq'ues ta spamal nación swenta yu'un ya me yaiyic te hebreoetique.

1 Samuel 14:1

Te Jonatán snich'an Saúl jich la yalbey te yabat te cuchbil yat'ejib ta guerra yu'une: —La', c'axucotic bael ta jejch' wits. Ya xba quiltic te jchajp soldado-filisteoetic tey ayic a —xi'. Pero ma ba la yalbey yaiy te stat te bi ya x'och spase.

1 Samuel 14:15

Jajch'ic ta buen xiwel spisil te mach'atic jayeb ayic ta campamento yu'un te filisteoetic, soc te ma ba ayic ta campamentoe. Xiwic uuc te soldadoetic xchajbanej sbaic yu'un guerra soc te soldadoetic te loq'uemic ta spojel sbiluc te israeletic. Jajch' tulan nijq'uel, nijc' te lumq'uinale, jich och xan buen tulan xiwel ta yo'tanic.

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.