2 Samuel 8:4 - Bible in Tzeltal de Oxchuc y Tenejapa

⁴ Te David la stsac jmil soc jo'lajunwinic xcha'bajc' (1,700) soldadoetic te cajajtic ta caballo, soc jtab ta jmil (20,000) soldadoetic yacalic ta beel yacanic. Soc xan la set'beyic xchial yacan spisil te caballoetic te ya snitic carretaetic yu'un guerra, ja' xanix la yijq'uitay te jaycojt' ya xtuun yu'unic, yu'un ya yac'beyic snit jo'winic carretaetic.

Bible in Tzeltal Bachajón

⁴ Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

2 Samuel 8:4 ပူးပေါင်းရင်းမြစ်များ

Génesis 49:6

Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.

1 Reyes 10:26

Te Salomón la stsob carretaetic soc te mach'atic ya xmoic ta caballo. Ay jmil soc jbajc' (1,400) carretaetic yu'un, soc ay lajchayeb ta jmil (12,000) soldadoetic te ya xmoic ta caballoetic. Spisil la yac' ta stsobojibal carretaetic yu'un guerra soc ta yawil te jcananetic yu'un muc' ajwalil ta Jerusalén.

1 Crónicas 18:4

Te David la spojbey jmil (1,000) carretaetic yu'un guerra, soc la xchuc bael jucmil (7,000) soldadoetic te cajajtic ta caballo, soc jtab ta jmil (20,000) soldadoetic te yacalic ta beel ta yacanic. La sbojbey xchial yacanic spisil te caballoetic te ya snitic te carretaetic yu'un guerra, ja' xanix col te caballoetic te ya xtuunic xan ta snitel te jo'winic (100) carretaetique.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Deuteronomio 17:16

Pero te muc' ajwalile ma me xju' ya sman bayal caballoetic, soc ma xju' teme ay mach'atic ya sticun ta Egipto swenta yu'un ya x'esmaj a te caballoetic yu'une. Melel jich yaloj te Cajwaltique: “Jc'axel ma me ayuc bi ora ya xcha'sujt'ex xan tel yan buelta li' ta be”, te xie.

Josué 11:6

Ja'uc me to, te Cajwaltic la yalbey te Josué: —Ma me x'axi'ic, melel te pajel ta jich ora to, spisilic me ya xju' awu'unic smilel. Tuch'beyaic ta bojel xchial yacanic te scaballoic, soc chic'beyaic te scarretaic yu'un guerra —xi' te Cajwaltique.

Josué 11:9

Te Josué ts'acal la spas te bit'il nix yaloj mandal te Cajwaltique: la stuch'beyic xchial yacan scaballoic te scontroic, soc la xchic'beyic te scarretaic yu'un guerra.