2 Samuel 8:2 - Bible in Tzeltal de Oxchuc y Tenejapa

² Soc la stsal te moabetique. La yac'bey sliman sbaic ta lum, la sp'is ta lazo. Cha'p'is te mach'atic la yac' ta lajele, jp'is te mach'atic ma ba la yac' ta lajele, asta ja' to loc' ta p'isel spisilic. Jich jilic te moabetic, u'uninotic yu'un David, soc la stoj spatanic ta stojol.

Bible in Tzeltal Bachajón

² Soc la stsal te moabetic. La ya'be slim sbahic ta lum, la sp'is ta lazo. La sp'is cha'p'is yu'un ya yac' ta milel, soc jp'is yu'un cuxul ya xhilic. Hich a'batetic c'oht yu'un David te moabetic, soc la stoj spatanic ta stojol.

2 Samuel 8:2 ပူးပေါင်းရင်းမြစ်များ

2 Samuel 12:31

Te jayeb xan te mach'atic jilemic to, la yich'ic loq'uel. La yac' ta at'el ta sierra, la yac'bey snit at'ejibal yu'un swuyel trigo, la yac' ta at'el ta echej, soc la yac' ta at'el ta hornoetic yu'un ladrillo. Ja' nix jich la spasbey spisil ta jpam lumetic yu'un te amonetique. Patil sujt' xan bael ta Jerusalén soc spisil te soldadoetic yu'une.

2 Samuel 8:6

Ora la yac' soldadoetic ta scanantayel te jich yipal sq'uinal Siria te wentainbil yu'un Damasco. Te siriaetic u'uninot yu'un David, jil ta swentaic stojel spatanic ta stojol. Ta bayuc ya xbajt' te David, puersa ya x'ac'ot ta tsalaw yu'un te Cajwaltique.

1 Reyes 4:21

Te Salomón ju' yu'un swentainel spisil yantic muc' ajwaliletic c'alal ta muc'ja' Eufrates, c'alal ta sq'uinal filisteoetic soc c'alal ta sti'il sq'uinal Egipto. Ta spisilic la stojbey spatanic soc la xch'uunbeyic smandal te Salomón te jayeb c'aal cuxine.

2 Reyes 1:1

Te c'alal laj te Acab, te Moab la stoy sba ta stojol soc la scontroin te Israel.

2 Reyes 17:3

Te Salmanasar, muc' ajwalil yu'un Asiria, ba yac'bey guerra te Oseas. Te Oseas och ta abatinel soc bayal buelta c'anbot spatan yu'un te muc' ajwalil yu'un Asiria.

1 Crónicas 18:2

Soc la stsal te moabetic, ja' nix jich la spejc'an ta xch'uunel mandal ta stojol te David, soc la yac' spatanic ta stojol.

2 Crónicas 26:8

Te amonetic la stoj spatanic ta stojol Uzías. Pujc' bael sc'oplal te Uzías c'alal ta smojón Judá soc Egipto, melel te yip yat'el muc'uben ta jyalel.

Salmos 108:9

Te Moab ja vasija swenta spojquil c'abal cu'un; ta stojol Edom ya me jch'oj bael jxanab; ya me x'awunon swenta bit'il la caiy tsalaw ta stojol te filisteoetique”, xi' te Diose.

Salmos 18:45

Xiw yo'tanic te jyanlumetic, yacalic ta nijq'uel loq'uel tel ta anjibal.

Salmos 60:10

Melel ja'at Dios cu'untic la ach'ayotiquix; ma ba ya xloc'atix ta guerra soc te soldadoetic cu'untique.

Salmos 60:8

te Moab ja' vasija swenta spojquil c'abal cu'un; ta stojol Edom ya me jch'oj bael te jxanab; ya me x'awunon swenta bit'il la caiy tsalaw ta stojol te filisteoetique”, xi' te Diose.

Salmos 83:6

ta chajbalchajp te Edom soc Ismael, te patil alnich'anetic yu'un Agar soc Moab,

Isaías 36:16

ma me xach'uunic. Te muc' ajwalil yu'un Asiria la yalbon tel mandal te ya calbeyex te yacuc bic'tajanic ta stojole, soc te jun awo'tanic ya awac' abaic ta stojole, jich me ta juju-jtul jun awo'tanic ya awe'elinic te sit ats'usubic soc te higuera awu'unic, soc te ya awuch'ic te ja' te ay ta apozoique.

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

1 Samuel 10:27

Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

1 Samuel 14:47

Jich te Saúl ay ta ajwalil c'ot ta spamal te sq'uinal israeletique. La yac'bey guerra ta spisil ta bayuc te scontro, ja'ic te Moab, Amón, Edom soc te muc' ajwalil ta Soba, soc nix te filisteoetique. Ta bayuc bajt' te Saúl la yaiy tsalaw.

1 Samuel 22:3

Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.

1 Samuel 22:4

Jich la stejc'an ta stojol muc' ajwalil yu'un Moab te sme'-stat. Tey ainic soc a te jayeb c'aal te jalaj ta anjibal te David.