2 Samuel 8:1 - Bible in Tzeltal de Oxchuc y Tenejapa

¹ Patil te David la stsal te filisteoetic, jc'axel la spejc'anbey yip, soc la spojbey yat'el ta jwentainwanej ta stojol te slumalique.

Bible in Tzeltal Bachajón

¹ Ta patil te David la stsal te filisteohetic, la slajimbe yip, soc la spojbe loq'uel te Meteg-ama ta sc'ab te filisteohetique.

2 Samuel 8:1 ပူးပေါင်းရင်းမြစ်များ

2 Samuel 19:9

Ta spisil ta chajp sts'umbal Israel yacal wulajanel, jich yacalic ta yalel: —Te muc' ajwalil David la scoltayotic ta sc'ab te jcontrotic, ja' te filisteoetique, pero ta scaj te Absalón, loc' bael ta anel ta sq'uinal.

2 Samuel 2:24

Pero te Joab soc te Abisai ba snutsic te Abner. Yac ta malel c'aal a c'otic ta ch'in wits Ama sbiil te snujp'usitayej sba soc Gía ta sbelal taquin q'uinal yu'un Gabaón.

2 Samuel 22:44

La acoltayon loq'uel ta c'opetic yu'un te toyba lume; la awac'on ta jwentainwanej yu'un bayal ta chajp nación; ya yac' sbaic ta abatinel ta jtojol te mach'atic te ma jna'bey sbae.

2 Samuel 5:17

Te c'alal la yaiyic te filisteoetic te ochix ta muc' ajwalil ta Israel te David, ba sleic ta spisilic. Pero la yaiy te David, jich co bael ta anjibal.

2 Samuel 5:25

Te David jich la spas te bit'il albot yu'un te Cajwaltique. La stsal te filisteoetic, jajch' ta Gabaón c'alal ta Gezer.

2 Samuel 7:9

Joinejat ta bayuc baat, la jlajinix te acontro loc' tel ta atojole. Bayal yutsil ac'oplal c'oat cu'un ta stojol spisil ants-winiquetic, jich te bit'il ay yu'un te winiquetic te bayal sc'oplalic ta balumilale.

Salmos 18:43

La acoltayon loq'uel ta c'opetic yu'un te toyba lume, la awac'on ta jwentainwanej yu'un bayal ta jchajp nación; ya yac' sbaic ta abatinel ta jtojol te mach'atic te ma jna'bey sbae.

Salmos 60:2

La awac' nijc'uc te lumq'uinal soc la awac' te ya sjam sbae. Ac'beyaix smac sba yo'tic te banti la sjam sba, yu'un ya me xjajch'ix ta wuyel coel.

Salmos 60:8

te Moab ja' vasija swenta spojquil c'abal cu'un; ta stojol Edom ya me jch'oj bael te jxanab; ya me x'awunon swenta bit'il la caiy tsalaw ta stojol te filisteoetique”, xi' te Diose.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

Hebreos 11:34

soc ju' yu'unic stup'el yip te c'ajq'ue, soc ju' yu'unic te ma la yich'ic milel ta puñal te bit'il chapal sc'oplalique, soc ac'bot stulanilic te mach'atic ma'yuc yipique, soc ju' yu'unic guerra, soc ju' yu'unic snutsel bael te soldadoetic yu'un te yajcontroique,

1 Samuel 7:13

Te filisteoetic mero tsalbilic jilel, jich ma ba la yochintaybeyic xan te sq'uinal israeletique. Te jayeb c'aal cuxul te Samuel, spisil ora controinbil yu'un Cajwaltic te filisteoetique.