2 Samuel 7:8 - Bible in Tzeltal de Oxchuc y Tenejapa

⁸ Soc albeya xan te cabat David, te jo'on Ajwalilon te Spisil ya xju' cu'une ya calbey: “Jo'on la jloq'uesat tel ta corral yu'un chijetic, jo'on la jloq'uesat ta smaquel chijetic, swenta yu'un ya x'ochat ta jwentainwanej yu'un te lum Israel cu'une.

Bible in Tzeltal Bachajón

⁸ Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

2 Samuel 7:8 ပူးပေါင်းရင်းမြစ်များ

2 Samuel 12:7

Te Natán jich la yalbey: —Ja'at te jc'ulejate. Jich yalojix ta jamal te Cajwaltic te Dios yu'un Israel: “Jo'on la jtsaat yu'un ya x'ochat ta muc' ajwalil yu'un Israel, la jcoltayat ta sc'ab Saúl.

2 Samuel 14:13

Jich la yal te antse: —¿Bi yu'un jiche te ya ac'an jich ya apasbey ta swenta scontroinel te lum yu'un te Diose? Jich te bit'il ja'at nix jich awaloje, ja'at nix amul te bit'il ma xawac' sujt'uc tel te anich'an jc'axel ch'aybil.

2 Samuel 23:1

Ja' slajibal buelta sc'op David: “David snich'an Isaí, ja' te winic te toytesbot sc'oplal yu'un Dios, ja' te muc' ajwalil tsabil yu'un te Dios yu'un Jacob, ja' te jc'ayoj-winic t'ujbil c'ajin ta Israel, jich la yal:

2 Samuel 24:17

C'alal la yil David te ch'ul abat te yac smilel ta chamel te yajwal lume, jich la yalbey te Cajwaltic: —Jo'on te jtaoj jmule. Jo'on te ay bi amen jpasoje. ¿Pero bi spasojic te jlumale? Melel ma'yuc smul stuquelic. Ya calbat wocol te jo'ucon ya xc'ot ta jwenta soc mach'atic ay cu'un te castigo awu'une —xi'.

2 Samuel 5:2

Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

2 Samuel 6:21

Jac'bot yu'un te David: —Melel nix a, la caiy ajc'ot, pero ta stojol Cajwaltic, te ja' la stsaon swenta yu'un jo'on ya jelolin te anima atat soc spisil te sts'umbale, te bit'il jo'on ochon ta jwentainwanej ta stojol te lum Israel yu'une. Ja' yu'un ajc'otajon ta stojol te Cajwaltique.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.

1 Reyes 8:16

“Ja' to nix te c'alal la jloq'ues tel ta Egipto te lum Israel cu'un, c'alal ora ma'yuc banti jtsaoj junuc lum ta spisil ta jchajp te sts'umbal Israel, te banti ya xju' ya yich' pasel templo te banti ya xnainone. Pero la jtsa David swenta yu'un och ta ajwalil ta stojol te lum Israel cu'une”, te xie.

1 Crónicas 17:7

Jich yu'un albeya te cabat David: “Te jo'on Ajwalilon te Spisil ya xju' cu'une jich ya cal: Jo'on la jloq'uesat tel ta corral, soc la jloq'uesat ta smaquel ta beel te chijetique, swenta ja' jtsobwanej c'oat yu'un te lum Israel cu'une.

1 Crónicas 21:17

Te David jich la yalbey te Diose: —Jo'on te la cal mandal ta pasel te censo ta spamal te lume. Jo'on jtaoj jmul, te amen te bila la jpase. Ja'uc me to, ¿bi spasojic stuquelic te mach'atic ma sna'ic q'uinale? Cajwal Dios cu'un, jo'on ya calbat wocol, te ja'uc ya xjul castigo ta jtojol soc te mach'atic ay cu'une. Ya calbat wocol te yacuc awijq'uitay smilel te lume —xi'.

Amós 7:15

Ja'uc me to, te Cajwaltic la scomon ta beel ta scanantayel te chijetic, soc jich la yalbon: “Baan albon jc'oplal ta stojol Israel te lum cu'une”, la yuton.

Hechos 7:46

Te bit'il lec yo'tan Dios yu'un te muc' ajwalil Davide, jich la sc'anbey Dios te yacuc x'ac'bot spasbey sna te Dios yu'un te Jacobe.

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Samuel 2:8

Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.