2 Samuel 7:6 - Bible in Tzeltal de Oxchuc y Tenejapa

⁶ Ja' to nix te c'alal la jloq'ues tel ta Egipto te israeletic, c'alal ora, ma'yuc bi ora nainemon ta templo, melel ta bayuc nax nailpaq'uil beenemon a.

Bible in Tzeltal Bachajón

⁶ Mayuc bin ora nahinon ta na c'alal la jloq'ues tal ta Egipto te snich'nab Israel c'alal ora, bayuc nax nahinon ta nahilpac' te tuhun yu'un ch'ul awilal.

2 Samuel 7:6 ပူးပေါင်းရင်းမြစ်များ

2 Samuel 11:11

La sjac' te Urías: —Te ch'ul cajón yu'un Dios, soc te soldadoetic yu'un Israel soc te soldadoetic yu'un Judá snainejic ja'mal na, soc ya xwayic ta aquiltic ta yol q'uinal te Joab te ja' general cu'une, soc te abatetic awu'une. Yan te jo'one ¿ya bal xju' teme ya x'ochon bael ta jna te ya xboon ta we'el ta uch'el soc ta wayel soc quinam? Jamal ya calbat ta atojol te ma ba ya jpas te bi ya awale —xi' te Urías.

1 Reyes 8:16

“Ja' to nix te c'alal la jloq'ues tel ta Egipto te lum Israel cu'un, c'alal ora ma'yuc banti jtsaoj junuc lum ta spisil ta jchajp te sts'umbal Israel, te banti ya xju' ya yich' pasel templo te banti ya xnainone. Pero la jtsa David swenta yu'un och ta ajwalil ta stojol te lum Israel cu'une”, te xie.

Hechos 7:44

“Te c'alal ay ta muc'ul jochol taquin q'uinal te antiguo tatiletic cu'untique, yich'ojic te nailpac' yu'un te tratoe. Jich la yich' pasel te bit'il la yal Dios ta stojol te Moisés te ac'bot yil seña te bi yilel ya spase.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Deuteronomio 23:14

Melel te Cajwaltic te Dios cu'untic ya xbeen ta awolilic ta banti campamento awu'unic, ya me sc'an te ch'ultesbil awu'unic te yawil, swenta yu'un ma me ayuc bila amen ya yil tey a te Diose. Teme ma ba ya ach'uunic spasele, ya me xch'ayex jilel te Diose.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Jueces 20:27

Ja' yorail ay ta Betel a te scajonil trato yu'un Dios, soc te sacerdote yu'un, ja' te Finees, te snich'an Eleazar soc ja' smam te Aarón. Te israeletic la sjojc'obeyic te Cajwaltic: —¿Ya to bal xju' ya cac'beytic guerra te quermanotactic sts'umbal Benjamín, o ja' bal lec jichuc jiluc te bit'il la stsalotique? —xiic. Te Cajwaltic la yal: —Baan ac'beyaic guerra, pajel ya cac'beyex ta ac'abic —xi'.