2 Samuel 7:3 - Bible in Tzeltal de Oxchuc y Tenejapa

³ La sjac' te Natán: —Lec ay, pasa te bitic anopoj ya apase, ya me scoltayat te Cajwaltique —xi'.

Bible in Tzeltal Bachajón

³ Te Natán la yalbe te ajwalil: Bahan, pasa spisil te bintic anopoj ta awo'tan, como sjoquinejat te Jehová, xchi.

2 Samuel 7:3 ပူးပေါင်းရင်းမြစ်များ

2 Samuel 7:4

Ja' nix ta yorail ta ajc'ubal a te Cajwaltic la sc'opon te Natán, jich la yalbey:

1 Reyes 1:8

Pero ma ba jun yac'oj sbaic soc Adonías te sacerdote Sadoc, te Benaía snich'an Joiada, te Natán te j'alwanej yu'un Dios, te Simei, ja' te jun yo'tan sba soc te muc' ajwalile, soc ni ja'uquic te mero lequil soldadoetic yu'un David.

2 Reyes 4:27

Ora c'ot tey ta wits te banti ay te Eliseo, c'o spetbey yacan. Te Giezi noptsaj bael, c'an sjits loq'uel, pero te Eliseo la yal mandal: —Ijq'uitaya, mero bayal swocol. Te Cajwaltic ma ba yalojbon te bi la spase —xi'.

1 Crónicas 22:7

Jich la yalbey: —Jnich'an, jo'on ay ta co'tan ta spasel templo yu'un te Cajwaltic Dios cu'une.

1 Crónicas 28:2

Jich yu'un te David la stejc'an sba, jich jajch' ta c'op: —Aiybon awaiyic stojol jc'op, jlumal: jo'on jnopoj ta co'tan spasel snail scajonil trato yu'un te Cajwaltic, te banti ya x'ain ta jc'axel, soc te ja'uc tey ya yac' smuc'ul nactijib ta mandalteswanej te Dios cu'untique, soc la jchajbanbeyix te bit'il ya xjajch'ix ta pasele.

1 Crónicas 29:29

Te sc'oplal te muc' ajwalil David, c'alal ta xjajch'ibal soc ta slajibal, tey ts'ibubil ta sjun te j'alwanej Samuel, ta sjun te j'alwanej Natán, soc ta sjun te j'alwanej Gad.

2 Crónicas 29:25

Te muc' ajwalil Ezequías la yac' ta templo yu'un Cajwaltic te levitaetic te ya stijic te platilloetic, salterioetic soc cítaraetic, jich nix bit'il chapal yu'un te namey q'uinal muc' ajwalil David, soc Gad te j'alwanej yu'une, soc te j'alwanej Natán, melel jich mandal yu'un Cajwaltic te yac'ojbey ta swentaic te j'alwanejetic yu'une.

Salmos 20:4

Ac'a yac'bat spisil te bila ya sc'an awo'tan, ac'a sc'otes ta pasel te bila chapalix awu'une.

Salmos 37:4

C'uxuc me ta awo'tan te Cajwaltique, ja' me ya yac'bat te bila ya sc'an awo'tane.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Samuel 10:7

Te c'alal jich c'otix ta pasel ta atojol spisil a te bitic la calbatixe, pasa spisil te bila ya sc'an awo'tan ya apase, ja' me ya scoltayat te Diose.

1 Samuel 14:7

La yal te abat yu'une: —Pasa spisil te bi ya yal te awo'tane. Te jo'one chapalon yu'un spasel spisil te bi ya amulan spasele —xi'.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.