2 Samuel 7:23 - Bible in Tzeltal de Oxchuc y Tenejapa

²³ Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

Bible in Tzeltal Bachajón

²³ ¿Soc mach'a pajal soc te pueblo Israel awu'un, te jun nación te muc' sc'oblal ta bahlumilal? Como te Dios c'oht sloq'ues ta mosohil scuenta pueblo yu'un ya xc'oht, te hich ya stohytesbe sbihil a, yu'un ya spas muc'ul a'teliletic ta scuentahic soc ya spas bintic xiweltic sba ta aq'uinal, ta scuenta sc'uxul awo'tan ta stojol te pueblo awu'un te la aloq'ues ta Egipto ta stojol yantic nacionetic soc te diosetic yu'unique.

2 Samuel 7:23 ပူးပေါင်းရင်းမြစ်များ

2 Samuel 7:24

Melel jc'axel awalojix te ja' lum awu'un sbajt'el q'uinal te jlumal Israel, soc te ja'at Cajwal te Diosat cu'untique.

1 Crónicas 17:21

Jich bit'il te nación Israel awu'une, ma'yuc yan nación te pajal soc ta q'uinale. Dios cu'un, ja'at la awac' loq'uel ta libre, swenta yu'un lum ya xc'ot awu'un. La awac' pujc'uc ac'oplal te bit'il mero muc' te bitic la apas te jchajp at'eliletic ta stojolique. Ja'at la atenbey loq'uel yajwal te lumetic ta stojol te nación awu'un te la awac' loq'uel ta libre ta Egipto,

Nehemías 1:10

“Te jo'otique awabatotic, soc lumotic awu'un. Ta swenta smuc'ul yip awu'el soc ta swenta yu'el ac'ab, te la acoltayotic loq'uel ta lajele.

Salmos 106:22

Ja' te la spas jchajp at'eliletic ta sq'uinal Cam, soc te jchajp at'eliletic ta Mar Rojo.

Salmos 111:9

La yac' ta libre te lum yu'un; soc la stulantesbey sc'oplal sbajt'el q'uinal te trato yu'une. Ch'ul Dios stuquel soc xiweltic sba.

Salmos 145:6

Ya me yich' alel te ay yip awu'el ta at'el te xiweltic sba; te jo'on ya me calbat te amuc'ule.

Salmos 147:20

Ma'yuc la spasbey jich ta stojol te yantic nacionetic; ma'yuc la sna'ic xujt'uc te bitic xchapoj ta yo'tane. ¡Bin nax yutsil te Cajwaltique!

Salmos 40:5

Cajwal, Dios cu'un, mero bayal bitic jelawen yutsil apasoj, ya ana'bon yo'bolil jba soc ayon ta awo'tan. Ma'yuc mach'a pajalat soc. Co'tanuc ya calbey sc'oplal ta alel te bitic apasoje, co'tanuc ya xc'opojon ta yalel, pero ma xju' cu'un sna'el spisil, c'axem jich a te bit'il ya xju' cu'un yalel.

Salmos 44:3

Melel ma ja'uc ta sc'abique, ni ja'uc soc te spuñalique, te ju' yu'unic tsalawe; melel ma ja'uc te ju' yu'unic te la yu'uninic te q'uinale. Ja' ta swenta awu'el soc ta swenta awip atuquel; ja' ta swenta te xojobil asit-awelaw te ju' yu'unic tsalaw ta scaj te xc'uxul ta awo'tane.

Salmos 65:5

Dios cu'untic soc jcoltaywanej cu'untic, ja'at ya ajac' jc'optic ta buen t'ujbil at'eliletic te mero stojil aye. Ta spamal lumq'uinal ja'at smuc'ulinejat yo'tan, ja' nix jich te mar c'ubul ay;

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Éxodo 33:16

Melel teme ma la ajoinotic baele, ¿bit'il ya xna'ot te lec c'oemon ta asit te jo'one soc te lum awu'une? Melel ja' nax jich ya xchicnaj ta ilel jo'on soc te lum awu'un, te ma pajalucon soc te jyanlumetique —xi' te Moisese.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 9:15

Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Jeremías 32:20

Ja'at la apas jchajp at'eliletic soc señailetic ta Egipto, soc ja' nix jich yacat ta spasel yo'tic ta stojol Israel soc ta yolilal spisil te ants-winiquetique. Ja' me swentail te c'ax pujq'uemix ta jyalel te ac'oplale.

Jeremías 32:21

Ta smuc'ul awu'el la aloq'ues tel ta Egipto te lum Israel awu'une; la apas jchajp at'eliletic soc señailetic, soc la anojesbey xiwel ta yo'tanic ta spisilic.

Ezequiel 20:9

Pero ma jichuc la jpas, swenta yu'un jich ma xbolob yutsil jc'oplal ta stojol te nacionetic te banti nainemic ta yolilique. Melel ta yolilic te nacionetique, la cac' jba ta na'el ta swenta cat'el ta stojolic. La calbey te ya jloq'ues tel ta Egipto.

Números 6:27

“Jich me ya awalbonic jbiil ta stojol israeletic, swenta yu'un jich me ya cac'bey bendición ta stojolic —xi' te Cajwaltique.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Deuteronomio 10:21

Ja' nax stuquel ya xju' ya awalbeyic yutsilal sc'oplal. Ja' Dios awu'unic te ja'exe, te spasojbeyex ta atojolic te jchajp señailetic te awilojiquixe.

Deuteronomio 15:15

Ma me xch'ay ta awo'tan te ochat ta mozoil ta Egipto, te ja' la scoltayat loq'uel te Cajwaltic te Dios cu'untique. Ja' yu'un la calbat mandal.

Deuteronomio 33:29

Bayal me awutsil, ja'at Israel, ¿mach'a pajalat soc? Melel ja' nix te Cajwaltic te scoltayejate, ya scanantayat, ja' ya scoltayat stuquel. Ja' puñal awu'un c'oem soc ja' tsalaw awu'un stuquel. Te acontrotac ya me yac' sbaic ta ac'ab, te ja'ate ya me alajinbey te stoybailique —xi' te Moisese.

Deuteronomio 9:26

Jich la calbey bayal wocol: “Cajwal, ma xalajin te lume, melel ja'at awu'un atuquel. Ja'at la acoltay loq'uel ta Egipto, la aloq'ues tel ta swenta smuc'ul yip awu'el.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Josué 7:9

Teme ya yaiy stojol te cananeoetic soc spisil te mach'atic nainemic ta spamal q'uinale, ya me xtal smilotic ta jc'axel, ni ma'yuc jna'jibaltic ya xjil. ¿Bi ya apas te bit'il muc' te abiile? —xi' te Josué.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.