2 Samuel 7:22 - Bible in Tzeltal de Oxchuc y Tenejapa

²² Ja' yu'un, Cajwal cu'un, mero muc'at, ma'yuc mach'a yan jich. Ma'yuc yan Dios ay, ja'at nax Diosat atuquel, jich nix te bit'il caiyojtique.

Bible in Tzeltal Bachajón

²² ¡Ha yu'un c'ax muc' Diosat, Jehová! Mayuc yan mach'a hich ay te bin ut'il te ha'ate, mayuc yan Dios ay, hich te bin ut'il la jca'iycotic ta jchiquincotic.

2 Samuel 7:22 ပူးပေါင်းရင်းမြစ်များ

Salmos 86:10

Melel ja'at nax atuquel Diosat; ja'at muc'at, soc ya apas jchajp at'eliletic.

Salmos 86:8

Cajwal, ma'yuc yan dios jich te bit'il ja'ate; ma'yuc bi yan ya spaj te awat'ele.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

1 Crónicas 16:25

Melel te Cajwaltic muc' stuquel, soc mero ya sc'an albeyel yutsil sc'oplal, mero xiweltic nax me sba stuquel yu'un a te yantic diosetique.

Isaías 45:5

Jo'on nax Ajwalilon jtuquel, ma'yuc yan; ma'yuc yan Dios jich te bit'ilone. Jo'on jchajbanejatix soc awip, manchuc me ma x'ana'bon jba,

Deuteronomio 3:24

“Cajwal, jajch' awac'bonix quil te smuc'ul awu'el te jo'on te awabatone. Ma'yuc yan Dios ta ch'ulchan ni ta balumilal te ya xju' yu'un spasel te bitic jelawen yutsil te yacat ta spasele.

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

Salmos 89:8

Cajwal, Dios cu'un te Spisil ya xju' awu'une, ja'at nax ay awu'el soc ac'u'inej te bila smelelil; ma'yuc mach'a yan jich te bit'il ja'ate.

Salmos 89:6

Cajwal, ma'yuc mach'a ay ta ch'ulchan te pajalat soque. Te mach'a ay yu'elique ma spajat te ja'ate.

Salmos 96:4

Melel te Cajwaltic muc' ta jyalel, soc mero jich ya sc'an albeyel yutsil sc'oplal stuquel; xiweltic me sba yu'un spisil a te yantic cuybilic ta Diose.

Deuteronomio 4:35

La yich' aq'uel awilic spisil, swenta yu'un jich me ya ana'ic a te ja' mero Dios stuquel te Cajwaltic, soc te ma'yuc yan te pajal soque.

Isaías 40:18

Te ja'exe, ¿mach'a ya apajic soc a te Diose? ¿Bi loc'ombail te pajal soc ta ac'opic?

Salmos 48:1

Muc' te Cajwaltique; snujp' te ya yich' albeyel yutsil sc'oplal ta lum yu'un soc ta ch'ul wits yu'un.

Salmos 145:3

Mero muc' te Cajwaltic, ya sc'an ya calbeytic yutsil sc'oplal; ma xju' cu'untic sna'el te smuc'ule.

Salmos 135:5

Jo'on mero jna'oj ta lec te ja' muc' yu'un spisil bitic cuybil ta Dios te Cajwaltic Diose.

Salmos 44:1

Dios cu'untic, caiyojtic te bila yaloj te jme'il-tatiletique, te bila la apasbey ta stojolic te c'alal cuxajtic ta q'uinal ae, ja' te bila la apas ta nameye.

Ezequiel 36:22

“Ja' yu'un, albeya te lum Israel: “Jich ya yal te Cajwaltique: ‘Te bila ya x'ochon ta spasele, ma ja'uquex ta awentaic, israeletic; ja' nax ta swenta te jch'ul-biile, te la aboltesbeyic sc'oplal ta yolil te nacionetic te banti c'oexe.

Isaías 45:22

“La'ic ta jtojol, ya me jcoltayex, ja'ex te lumetic ta bayuc ayuquex c'alal sti'il te balumilale, melel jo'on nax Dioson, ma'yuc yan.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Isaías 40:25

Te Ch'ul Dios ya sjojc'o: —¿Mach'a ya apajon soc a? ¿Mach'a pajalon soc awaiy a te jo'one? —xi'.

2 Crónicas 2:5

Te templo ya jpase muc' me ta jyalel, melel te Dios cu'untic c'axem to xan ay yu'el stuquel a te bit'il yantic diosetique.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Ezequiel 36:32

Jo'on Ajwalilon te jich caloje. Ya me sc'an ya ana'ic, israeletic, te ma ja'uc ta swenta yutsil awat'elic te jich ya jpase. Ya me sc'an te ya xtal q'uexlal ta awo'tanic; ya me sc'an ya xc'opoj awo'tanic yu'un te bi yilel te awat'elique.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Éxodo 8:10

—Pajel nax me —xi' te faraón. Te Moisés la sjac': —Lec ay, ya xc'ot ta pasel, swenta yu'un tey me ya ana' a te bit'il ma'yuc yan a te bit'il te Cajwaltic te Dios cu'untique.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

1 Reyes 8:23

jich la yal: —Cajwal Dios yu'un Israel, ni ta ch'ulchan ni ta balumilal ay yan Dios jich te bit'il ja'at, te ya awac' c'otuc ta pasel te trato apasoje, soc te ya awac' ta ilel yutsil awo'tan ta stojol te mach'a jun yo'tan ya yac' sba ta abatinel ta atojole.

Daniel 2:45

Ja' me ya yac' ta na'el te ton la awil jajch' tel ta witse, te stuquel nax tale, te ma'yuc mach'a tselot bael yu'une. Ja' te ton te la sts'ubiltay te hierro, bronce, ajch'al, plata, soc te oro. Ja' me stuquel te mero muc' Dios te la yac'bat awil te bi ya xc'ot ta pasel bael ta patile. Te bi la awaichine mero melel, soc te sc'oplal la calbate mero melel me —xi'.

Éxodo 8:6

Jich yu'un te Aarón la stoy bael te sbastone ta stojol te ja'etique. Jich loq'uic tel te xch'uch'etique. Noj yu'unic ta spamal Egipto.

Deuteronomio 4:39

“Ja' yu'un ac'a ta awo'tanic soc ta ajolic, te bit'il ja' Dios stuquel te Cajwaltic cu'untique. Ja' Dios ta ch'ulchan soc ja' nix Dios ta balumilal, ma'yuc yan te Diose.

2 Samuel 22:32

¿Ay bal yan dios a te bit'il Cajwaltique? ¿Ay bal yan dios te ya xju' ya scanantayotique?