2 Samuel 7:20 - Bible in Tzeltal de Oxchuc y Tenejapa

²⁰ ¿Bi yan ya xju' ya calbat, Cajwal? Melel ya ana'bon jba ta lec te awabatone.

Bible in Tzeltal Bachajón

²⁰ ¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

2 Samuel 7:20 ပူးပေါင်းရင်းမြစ်များ

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Salmos 139:1

Cajwal, awilojbon co'tan ta lec, soc ana'ojbon jba;

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

1 Crónicas 17:18

¿Bi xan yan ya calbat yu'un te ich'el ta muc' te la awac'bon te awabatone? Melel ya ana'bon jba jo'on te abaton awu'une.