2 Samuel 7:2 - Bible in Tzeltal de Oxchuc y Tenejapa

² Ja' yu'un te David jich la yalbey te Natán, te j'alwanej yu'un Dios: —Ila awil, te jo'on nainemon ta na te pasbil ta cedro. Yan te cajón yu'un Dios ay to nax ta na pasbil ta pac' —xi'.

Bible in Tzeltal Bachajón

² te ajwalil hich la yalbe te jalwanej Natán: Ilawil, ho'on nahinemon ta na te pasbil ta cedro, yan te scaxahul te chapbil-c'op yu'un Dios ay ta nahilpac', xchi.

2 Samuel 7:2 ပူးပေါင်းရင်းမြစ်များ

2 Samuel 11:11

La sjac' te Urías: —Te ch'ul cajón yu'un Dios, soc te soldadoetic yu'un Israel soc te soldadoetic yu'un Judá snainejic ja'mal na, soc ya xwayic ta aquiltic ta yol q'uinal te Joab te ja' general cu'une, soc te abatetic awu'une. Yan te jo'one ¿ya bal xju' teme ya x'ochon bael ta jna te ya xboon ta we'el ta uch'el soc ta wayel soc quinam? Jamal ya calbat ta atojol te ma ba ya jpas te bi ya awale —xi' te Urías.

2 Samuel 12:1

Te Cajwaltic la sticun Natán te j'alwanej yu'une, ba yil te David. C'alal c'ot te Natán ta stojol, jich la yalbey: —Ta jpam lum ay cheb winiquetic. Te jtule buen jc'ulej. Te yane me'ba stuquel.

2 Samuel 5:11

Ja' yu'un te Hiram te muc' ajwalil yu'un lum Tiro la sticun abatetic te muc' yat'el yu'un ta stojol te David, soc la sticun carpinteroetic soc albañiletic. La yich'ic bael cedro, och spasbeyic te smuc'ul na te David.

2 Samuel 6:17

Te cajón yu'un Cajwaltic c'o yaq'uic ta yawil ta yutil nailpac' te chajbanbil yu'un te David. Te David ora la yac'bey chic'bil smajt'an soc milbil smajt'an swenta seña lamal-o'tanil ta stojol Cajwaltic.

2 Samuel 7:17

Te Natán la yalbey yaiy spisil te David, mero jich te bit'il la yil soc te la yaiye.

1 Reyes 1:22

Te c'alal yac ta c'op soc a te muc' ajwalil, c'ot te j'alwanej yu'un Dios, Natán sbiil.

1 Reyes 1:8

Pero ma ba jun yac'oj sbaic soc Adonías te sacerdote Sadoc, te Benaía snich'an Joiada, te Natán te j'alwanej yu'un Dios, te Simei, ja' te jun yo'tan sba soc te muc' ajwalile, soc ni ja'uquic te mero lequil soldadoetic yu'un David.

1 Reyes 4:5

Azarías snich'an Natán, jwentainwanej yu'un gobernadoretic; Zabud, snich'an sacerdote Natán, ja' jtojteswanej yu'un te muc' ajwalile;

1 Reyes 8:17

Te David te ja' jtate, la smulan te c'an spas jun templo swenta yich'jibal ta muc' te Cajwaltic, te Dios cu'untic te israelotique.

1 Crónicas 14:1

Te Hiram te muc' ajwalil yu'un te lum Tiro, la sticun abatetic yu'un ta stojol David, soc albañiletic soc carpinteroetic. La yich'ic bael cedro ta swenta spasel te palacio yu'une.

1 Crónicas 16:1

Te cajón yu'un te Diose la yich'ic bael ta nailpac' te bay tejc'anbil yu'un David te ja' swentail te la spase. Ora jajch' yac'beyic chic'bil smajt'an soc milbil smajt'an te Diose ta swenta seña lamal-o'tanil.

1 Crónicas 22:7

Jich la yalbey: —Jnich'an, jo'on ay ta co'tan ta spasel templo yu'un te Cajwaltic Dios cu'une.

1 Crónicas 29:29

Te sc'oplal te muc' ajwalil David, c'alal ta xjajch'ibal soc ta slajibal, tey ts'ibubil ta sjun te j'alwanej Samuel, ta sjun te j'alwanej Natán, soc ta sjun te j'alwanej Gad.

2 Crónicas 1:4

Ja'uc me to, te David talemix yu'un ta Jerusalén te cajón yu'un Dios c'alal ta lum Quiriat-jearim, ja' to ta bay chajbanbil yawil yu'une, melel pasbilix nailpac' yu'un ta Jerusalén.

2 Crónicas 29:25

Te muc' ajwalil Ezequías la yac' ta templo yu'un Cajwaltic te levitaetic te ya stijic te platilloetic, salterioetic soc cítaraetic, jich nix bit'il chapal yu'un te namey q'uinal muc' ajwalil David, soc Gad te j'alwanej yu'une, soc te j'alwanej Natán, melel jich mandal yu'un Cajwaltic te yac'ojbey ta swentaic te j'alwanejetic yu'une.

2 Crónicas 9:29

Te jayeb xan sc'oplal yat'el te Salomón ta xjajch'ibal c'alal ta slajibal, tey ts'ibubil jilel ta sjun te j'alwanej Natán, soc ta sjun Ahías te talem ta lum Silo, soc ta sjunal te bitic la yac' ta na'el te j'alwanej Iddo sc'oplal te Jeroboam te snich'an Nabat.

Salmos 132:5

ja' to teme la jtabat ta leel ana te Cajwalat, te Yipat yo'tan Jacob”, te xie.

Hageo 1:4

¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?

San Juan 2:17

Te jnopojeletique jul ta yo'tanic te bit'il jich ts'ibubil jilele: “Mero ya xlajon ya caiy yu'un te bayal sc'oplal ta co'tan te anae”, te xie.

Hechos 7:46

Te bit'il lec yo'tan Dios yu'un te muc' ajwalil Davide, jich la sc'anbey Dios te yacuc x'ac'bot spasbey sna te Dios yu'un te Jacobe.