2 Samuel 7:16 - Bible in Tzeltal de Oxchuc y Tenejapa

¹⁶ Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

Bible in Tzeltal Bachajón

¹⁶ Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

2 Samuel 7:16 ပူးပေါင်းရင်းမြစ်များ

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

2 Samuel 22:51

Ya awac'bey yaiy tsalaw te ajwalil tsabil awu'une; spisil ora c'ux ta awo'tan te David soc te sts'umbale”, xi' ta c'ayoj te David.

2 Samuel 7:13

Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

2 Samuel 7:17

Te Natán la yalbey yaiy spisil te David, mero jich te bit'il la yil soc te la yaiye.

1 Reyes 2:4

Soc swenta yu'un jich me ya yac' c'otuc ta pasel a te Cajwaltic te bila yalojbone, te jich la yalbon: “Teme toj yo'tan ya yac' sbaic ta jtojol, soc teme toj ya x'ainic ta jtojol ta melel ta spisil yo'tanic soc ta spisil xch'ulelic te anich'nabe, ma me ayuc bi ora te ma ja'uc ya xmo ta muc'ul nactijibal yu'un Israel te ats'umbale”, xi' te Cajwaltique.

1 Reyes 9:5

ya me cal mandal te stalel ay awat'el soc ats'umbal ta muc' ajwalil ta stojol Israel, jich te bit'il la calbey te atat David. Ja' te la calbey te ma'yuc bi ora ya spas falta jtul patil alnich'an yu'un ta muc'ul nactijibal yu'un Israel.

2 Reyes 19:34

Jo'on ya jcoltay te lume, ya me xcol cu'un, ta swenta xc'uxul ta co'tan te cabat David, soc ta swenta xc'uxul jba ta co'tan uuc”, xi' me te Cajwaltique —xi' te Isaías.

2 Reyes 8:19

Pero te Cajwaltic ma ba la sc'an la slajin te Judá ta scaj xc'uxul ta yo'tan te David te yabate. Jc'axel la yalbey te ay me sts'umbal, yac ta tilel jichuc c'ajc' c'oem spisil ora.

2 Crónicas 6:16

Jich yu'un Cajwal, Dios yu'un Israel, c'otesa me xan ta pasel te bila la awalbey te jtat David: ja' te ma me spas falta jtuluc ta c'uxtayel awu'un te sts'umbale, te ya xmo bael ta muc'ul nactijibal yu'un Israel, teme toj ya yac' sbaic te snich'nabe, soc teme ya xc'ot ta pasel yu'unic ta ch'uunel te mandaliletic awu'une, jich bit'il ju' yu'un xch'uunel stuquele.

Job 36:7

Spisil ora ya scoltay stuquel te me'baetic te toj ya yac' sbaique; ya yac' najc'ajuc soc te muc' ajwaliletic, ya yac' toyuc sc'oplalic.

Salmos 45:6

Sbajt'el q'uinal awich'oj awat'el ta muc' ajwalil, stojil ya spasawanat ta mandal.

Salmos 72:5

Ac'a taluc xiwel ta yo'tan ta atojol spisil ora te muc' ajwalile te jayeb xan c'aal ya xjalaj te c'aale soc te ue.

Salmos 89:4

“Spisil me ora ya cac'bat ajelolin ta muc' ajwalil te patil alnich'anetic awu'une”, la awut.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Jeremías 17:25

Teme jich ya apasique, jich me ay muc' ajwaliletic ya xnajc'ajic ta muc'ul nactijibal yu'un David, soc ya me x'ochic bael ta ochibaletic yu'un sts'ajc'ul te lum ta carreta soc cajal ta caballo, joinbilic yu'un te jtsobwanejetic soc te ants-winiquetic yu'un Judá soc yu'un Jerusalén. Jich yu'un te Jerusalén ay nix me yajwal stuquel a.

Jeremías 33:17

Jo'on Ajwalilon ya cal: Ma spas falta te ya xc'ot ta pasel te ay jtul sts'umbal David, te ja' ya xnajc'aj ta muc' nactijibal yu'un Israel,

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

1 Samuel 25:28

Abaton awu'un, pasbon perdón. Te Cajwaltic ya me sc'asesat ta muc' ajwalil soc ats'umbal ta cajalcaj, melel yacat ta guerra ta swenta te Cajwaltique. Te jayeb c'aal cuxulat ma me ayuc bi amen ya xc'ax awocol yu'un.