2 Samuel 7:13 - Bible in Tzeltal de Oxchuc y Tenejapa

¹³ Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

Bible in Tzeltal Bachajón

¹³ Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

2 Samuel 7:13 ပူးပေါင်းရင်းမြစ်များ

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

2 Samuel 22:51

Ya awac'bey yaiy tsalaw te ajwalil tsabil awu'une; spisil ora c'ux ta awo'tan te David soc te sts'umbale”, xi' ta c'ayoj te David.

2 Samuel 7:16

Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

2 Samuel 7:27

Cajwal, te Spisil ya xju' awu'une, la awalbonix te stalel ya awac'bon ta muc' ajwalil te jts'umbale. Ja' yu'un te jo'one, manchuc me abaton awu'un, pero puersa ay me bi ya calbat wocol yu'un.

1 Reyes 2:24

Jc'axel ya cal ta stojol Cajwaltic te yo'tic nix ya xlaj te Adonías. Ja' te Cajwaltic te la yac'on ta ajwalile, soc te la yaq'uix c'otuc ta pasel te moonix ta smuc'ul nactijib te David, ja' te anima jtat, soc te chapalix yu'un te ma xch'ay bael te jts'umbale —xi' te Salomón.

1 Reyes 2:4

Soc swenta yu'un jich me ya yac' c'otuc ta pasel a te Cajwaltic te bila yalojbone, te jich la yalbon: “Teme toj yo'tan ya yac' sbaic ta jtojol, soc teme toj ya x'ainic ta jtojol ta melel ta spisil yo'tanic soc ta spisil xch'ulelic te anich'nabe, ma me ayuc bi ora te ma ja'uc ya xmo ta muc'ul nactijibal yu'un Israel te ats'umbale”, xi' te Cajwaltique.

1 Reyes 2:45

Yan te jo'on te muc' ajwalilone ya me quich' xan bendición ta smuc'ul nactijib David, stalel me chapal ya xjil sbajt'el q'uinal ta stojol Cajwaltic stuquel —xi' te muc' ajwalile.

1 Reyes 5:5

Ja' yu'un jnopojix ta co'tan te ya jpas templo yu'un te Cajwaltic te Dios cu'une, jich te bit'il la yalbey te anima jtat David te ay snich'an te ya yac'bey ochuc ta muc' ajwalil ta swenta sjelol, te ja' to stuquel ya xpasbot jun templo swenta yich'el ta muq'ue.

1 Reyes 6:12

—Te bit'il templo cu'un yacalat ta spasele, teme ja' ya at'unbon spisil ta jchajp te mandaliletic cu'une, soc teme ya awac' c'otuc ta pasel ta spisil, te ja'uc ya awac' ta awo'tan te ma xch'ay awu'un te bitic ya yale, ya me cac' c'otuc ta pasel ta awenta te bi la jchap soc David, ja' te anima atate.

1 Reyes 8:13

Te jo'one la jpasix templo yu'un ya anain, te banti ya xnainat swenta sbajt'el q'uinal —xi'.

1 Reyes 8:15

Jich la yal: —Bin nax yutsil te Cajwaltic, te Dios cu'untic te israelotique, melel c'otix ta pasel te bi la yalbey te David, ja' te jtat, te bit'il jich la yalbeye:

1 Reyes 8:19

pero ma ja'ucat te ya apase. Ja' to me ya spasbon templo stuquel te anich'an te ya to xchicnaje. Ja' me ya spasbon templo stuquel, te xi' sc'oplal yu'un te Cajwaltique.

2 Reyes 21:4

Soc la spas ta templo yu'un Cajwaltic scajtijib ta chiq'uel majt'aniletic yu'un yantic bitic cuybil ta Dios, manchuc me yaloj Cajwaltic te ja' yawil sbiil stuquel te Jerusalén.

2 Reyes 21:7

Soc la yac' ochel sloc'omba Asera ta templo yu'un Cajwaltic, manchuc me jich albotic yu'un Cajwaltic te David, soc nix te snich'ane, ja' te Salomón: “Te templo in to te ay ta Jerusalén, ja' tsabil cu'un ta stojol spisil ta jchajp sts'umbal Israel, sbajt'el me q'uinal ja' yawil te jbiile.

2 Reyes 8:19

Pero te Cajwaltic ma ba la sc'an la slajin te Judá ta scaj xc'uxul ta yo'tan te David te yabate. Jc'axel la yalbey te ay me sts'umbal, yac ta tilel jichuc c'ajc' c'oem spisil ora.

1 Crónicas 28:10

Ma me xach'ay ta awo'tan te ja' stsaojat te Cajwaltic, te ja'at ya apasbey te ch'ul templo yu'une. Binuc nax me awo'tan te ya awac' ac'ab yu'un te at'ele —xi' te David.

2 Crónicas 33:4

Soc la spasbey scajtijib majt'aniletic ta templo yu'un Cajwaltic, ja' te bay yalojbey sc'oplal Cajwaltic te tey ya xnain sbiil sbajt'el q'uinal a ta Jerusalén.

2 Crónicas 6:16

Jich yu'un Cajwal, Dios yu'un Israel, c'otesa me xan ta pasel te bila la awalbey te jtat David: ja' te ma me spas falta jtuluc ta c'uxtayel awu'un te sts'umbale, te ya xmo bael ta muc'ul nactijibal yu'un Israel, teme toj ya yac' sbaic te snich'nabe, soc teme ya xc'ot ta pasel yu'unic ta ch'uunel te mandaliletic awu'une, jich bit'il ju' yu'un xch'uunel stuquele.

Job 36:7

Spisil ora ya scoltay stuquel te me'baetic te toj ya yac' sbaique; ya yac' najc'ajuc soc te muc' ajwaliletic, ya yac' toyuc sc'oplalic.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

Salmos 89:21

Ma'yuc bi ora ya xpasot falta te coltayel cu'un ta stojole; ya me cac'bey yip ta swenta cu'el.

Salmos 89:29

Te patil alnich'anetic yu'un ja' me ya sjelolin ta muc' ajwalil ta spisil ora te jayeb c'aal lec ay te ch'ulchane.

Salmos 89:4

“Spisil me ora ya cac'bat ajelolin ta muc' ajwalil te patil alnich'anetic awu'une”, la awut.

Isaías 49:8

Te Cajwaltic ya yal: —Ja' yorail a te ya caiybat stojol te ac'ope; soc ja' yorail colel a te ya jcoltayate. Jo'on ya jcanantayat. Ja' ya cac'bat ta awenta te trato cu'un soc te lume, ta swenta spasel xan te lumq'uinale, swenta yu'un ya yu'uninic xan te lumq'uinal te jineme.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Jeremías 33:17

Jo'on Ajwalilon ya cal: Ma spas falta te ya xc'ot ta pasel te ay jtul sts'umbal David, te ja' ya xnajc'aj ta muc' nactijibal yu'un Israel,

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

Zacarías 6:13

Ya me xcha'pas xan te templo yu'un Cajwaltic, soc ya me yich' ich'el ta muc', jich te bit'il ya x'ich'ot ta muc' te ajwalile. Ya me snajc'an sba ta smuc'ul nactijib ta mandalteswanej; soc ta xujc' te smuc'ul nactijibe, ya me snajc'an sba te sacerdote. Lamal me q'uinal ya yaiyic ta xchebalic’, uta me.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Hebreos 3:3

Te Jesuse ya sc'an te c'ax jich ya quich'tic ta muc' stuquel te bit'il te Moisese, jich bit'il te mach'a la spas te nae, c'ax jich ya x'ich'ot ta muc' stuquel te bit'il te nae.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.