2 Samuel 7:12 - Bible in Tzeltal de Oxchuc y Tenejapa

¹² Te c'alal ya sta c'oel slajibal te acuxlejal, te c'alal ya xlajate, jo'on me ya jnajc'an jtul ats'umbal te chapal ya xc'ot cu'un ta muc' ajwalile.

Bible in Tzeltal Bachajón

¹² Te c'alal ya xc'oht aworahil te ya xchamat, ho'on ya jachbat jtuhl ta ats'umbal ta patil, ha te ya xloc' tal ta mero ats'umbal, ya ca'be yich' yip te ya'tel ta ajwalil.

2 Samuel 7:12 ပူးပေါင်းရင်းမြစ်များ

Génesis 15:4

Ja'uc me to, albot yaiy yu'un te Cajwaltique: —Ma ja'uc ya yich'bat jilel abiluc. Ja' ya yich'bat jilel abiluc te mach'a mero anich'ane —xi' sc'oplal.

2 Samuel 22:51

Ya awac'bey yaiy tsalaw te ajwalil tsabil awu'une; spisil ora c'ux ta awo'tan te David soc te sts'umbale”, xi' ta c'ayoj te David.

1 Reyes 1:21

Teme tey ma ba ya xchicnaj a, te c'alal ya xlajat, te cal Salomón soc te jo'on ya me quich'tic milel —xi'.

1 Reyes 1:48

jich la yal: “Jelawen awutsilal, Cajwal, te Diosat yu'un Israel, te nax to nax la awac' c'otuc ta pasel te jtul jnich'an la awac' mouc ta naclej ta muc'ul nactijibal, soc te la to quile”, xi' te David —xi' c'oel te Jonatán.

1 Reyes 2:1

Te c'alal la staix yorail ya xlaj a te David, la spas jilel ta mandal te snich'ane, ja' te Salomón:

1 Reyes 2:10

Laj David, c'ot ta muquel ta Lum-yu'un-David, ta banti mucul te mach'atic ay yu'un te c'axiquix ta q'uinale.

1 Reyes 2:4

Soc swenta yu'un jich me ya yac' c'otuc ta pasel a te Cajwaltic te bila yalojbone, te jich la yalbon: “Teme toj yo'tan ya yac' sbaic ta jtojol, soc teme toj ya x'ainic ta jtojol ta melel ta spisil yo'tanic soc ta spisil xch'ulelic te anich'nabe, ma me ayuc bi ora te ma ja'uc ya xmo ta muc'ul nactijibal yu'un Israel te ats'umbale”, xi' te Cajwaltique.

1 Reyes 5:5

Ja' yu'un jnopojix ta co'tan te ya jpas templo yu'un te Cajwaltic te Dios cu'une, jich te bit'il la yalbey te anima jtat David te ay snich'an te ya yac'bey ochuc ta muc' ajwalil ta swenta sjelol, te ja' to stuquel ya xpasbot jun templo swenta yich'el ta muq'ue.

1 Reyes 8:15

Jich la yal: —Bin nax yutsil te Cajwaltic, te Dios cu'untic te israelotique, melel c'otix ta pasel te bi la yalbey te David, ja' te jtat, te bit'il jich la yalbeye:

1 Reyes 8:19

pero ma ja'ucat te ya apase. Ja' to me ya spasbon templo stuquel te anich'an te ya to xchicnaje. Ja' me ya spasbon templo stuquel, te xi' sc'oplal yu'un te Cajwaltique.

1 Reyes 8:20

“Te Cajwaltic la yaq'uix c'otuc ta pasel te bila xchapoj soc te anima jtate. Jich nix te bit'il la yale, jo'on ochon jilel ta swenta David, ja' te jtate. Jo'on najc'ajon ta muc'ul nactijibal yu'un Israel soc la jpasix templo yu'un Cajwaltic te Dios cu'untic te israelotique.

1 Reyes 9:5

ya me cal mandal te stalel ay awat'el soc ats'umbal ta muc' ajwalil ta stojol Israel, jich te bit'il la calbey te atat David. Ja' te la calbey te ma'yuc bi ora ya spas falta jtul patil alnich'an yu'un ta muc'ul nactijibal yu'un Israel.

2 Reyes 8:19

Pero te Cajwaltic ma ba la sc'an la slajin te Judá ta scaj xc'uxul ta yo'tan te David te yabate. Jc'axel la yalbey te ay me sts'umbal, yac ta tilel jichuc c'ajc' c'oem spisil ora.

1 Crónicas 17:11

Soc te c'alal ya xc'ot aworail te ya xlajate, ja' me ya cac' tejc'ajuc ta at'el jtuluc te ats'umbale, soc jc'axel ma xch'ay te yat'el ta ajwalil.

2 Crónicas 1:9

Jich yu'un yo'tic, Cajwal Dios, c'otesa ta pasel te bila la awalbey te jtat David, melel la awac'on ta muc' ajwalil ta stojol te lum te mero ma xju'ix ta ajtayel jichuc ts'ubil lume.

2 Crónicas 13:5

¿Yu'un bal ma ba ya ana'ic stojol, ja' te Cajwaltic Dios yu'un Israel te la yac'bey yat'el ta muc' ajwalil te David soc te sts'umbal bael ta swenta sbajt'el q'uinal, jich bit'il te trato xchapoj te ma xju' ya xch'aye?

2 Crónicas 21:7

Ja'uc me to, te Cajwaltic ma ba la sc'an la sjinbey yat'el ta ajwalil te David te bebe jilel yu'un te sts'umbale, ta scaj te spasoj trato soc David. Yu'un yalojbey ta jamal te jich nix ya xc'ax ta swenta snich'nab, te stalel ay ta tilel sc'ajc' c'oem sbajt'el q'uinal.

2 Crónicas 23:3

Spisilic te mach'atic la stsob sbaic tey a, la spasic trato soc te snich'an muc' ajwalil ta templo yu'un te Diose. Te Joiada la yalbey: —Tey ay ta atojolic te snich'an muc' ajwalile. Ja' me ya sc'an te ja'uc ay ta muc' ajwalil stuquel, jich bit'il yaloj Cajwaltic ta swenta sts'umbal David.

2 Crónicas 6:15

La ac'otes ta pasel te bila awalojbey te jtat David, jich la anup'bey sc'oplal te bila awaloje.

2 Crónicas 6:9

ja'uc me to, ma ja'ucat te ya apasbone, ja' me ya spasbon templo te anich'ane”, xi'.

Salmos 89:29

Te patil alnich'anetic yu'un ja' me ya sjelolin ta muc' ajwalil ta spisil ora te jayeb c'aal lec ay te ch'ulchane.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Jeremías 33:17

Jo'on Ajwalilon ya cal: Ma spas falta te ya xc'ot ta pasel te ay jtul sts'umbal David, te ja' ya xnajc'aj ta muc' nactijibal yu'un Israel,

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

San Mateo 1:1

Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.

San Lucas 1:32

Muc' me ya xc'ot, soc “Snich'an te Ch'ul Dios te mero toyol aye” xi' me sbiil ya xc'ot. Te Cajwaltic Diose ya me yac'bey sjelolin ta ajwalil ta smuc'ul nac'tijib te Davide, ja' nix te namey q'uinal state.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

Hechos 13:36

Melel te David la yac' sba ta abatinel ta stojol te mach'atic pajal c'ax ta q'uinal soque, jich nix te bit'il ay sc'anjel yo'tan ta neelal to te Diose. Patil way sbaq'uetal. Bajt' ta muquenal ta bay mucul te sme'-state. Tey c'a' sbaq'uetal a.

Hechos 2:30

Te Davide, j'alwanej yu'un te Diose. Jich sna'oj te bila yaloj Dios ta stojol te ja' ta swenta sts'umbal ya yich' chicnantesel yu'un Dios te Cristoe, te ja' sjelol ta smuc'ul nactijib ya xc'ote.

1 Corintios 15:51

Ja'uc me to, ya calbeyex te muquen c'ope: Ma jpisilticuc te ya xway jbaq'uetaltique; ja'uc me to, ya me xc'atp'ujotic ta jpisiltic.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

1 Tesalonicenses 4:14

Melel teme jch'uunejtic te laj Jesús soc te cha'cux tele, jich jch'uunejtic te bit'il Dios ya yic' tel soc Jesús spisil te mach'atic xch'uunejic Jesús te way sbaq'uetalique.