2 Samuel 7:11 - Bible in Tzeltal de Oxchuc y Tenejapa

¹¹ te c'alal la jtsa juecetic, yu'un ya swentainbon te lum Israel cu'une. Jo'on me ya cac'at ta libre ta sc'ab ta spisil te acontrotaque. Soc ya calbat te ya cac'bat patil alnich'anetic awu'une.

Bible in Tzeltal Bachajón

¹¹ te c'alal la jcotses juecetic ta stojol te jpueblo Israel. Soc te ha'ate ya ca'bat acux awo'tan yu'un spisil acontratac. Soc te Jehová ya ya'bat ana' te ha ya spasbat ana stuquel.

2 Samuel 7:11 ပူးပေါင်းရင်းမြစ်များ

2 Samuel 7:1

Te muc' ajwalil David chapal ayix ta sna, soc ac'botix lamajuc q'uinal yu'un te Cajwaltic ta stojol soc spisil te scontrotac ta sjoyobale.

2 Samuel 7:19

Cajwal, mero bayal sc'oplal c'oem awu'un ya caiy, melel la atabonix ta alel te bila ya xc'ot ta pasel ta patil ta stojol cajalcaj te jts'umbal te awabatone. Ma'yuc mach'a jich ya spas te bit'il ja'ate, Cajwal.

2 Samuel 7:27

Cajwal, te Spisil ya xju' awu'une, la awalbonix te stalel ya awac'bon ta muc' ajwalil te jts'umbale. Ja' yu'un te jo'one, manchuc me abaton awu'un, pero puersa ay me bi ya calbat wocol yu'un.

1 Reyes 11:38

Teme ya ach'uunbon spisil te bila mandalil ya calbate, soc teme toj ta jsit te bitic ya apase, soc teme ya awac' c'otuc ta pasel te bila chapal cu'un soc te mandaliletic cu'une, jich te bit'il la spas te cabat David, ya me joinat. Soc ya me cac' te stalel ya xjil ta ajwalil te ats'umbale, jich te bit'il la jpasbey te sts'umbal David, soc ya me cac'bat te Israele.

1 Reyes 2:24

Jc'axel ya cal ta stojol Cajwaltic te yo'tic nix ya xlaj te Adonías. Ja' te Cajwaltic te la yac'on ta ajwalile, soc te la yaq'uix c'otuc ta pasel te moonix ta smuc'ul nactijib te David, ja' te anima jtat, soc te chapalix yu'un te ma xch'ay bael te jts'umbale —xi' te Salomón.

1 Crónicas 17:10

c'alal la cac' jtsobwanejetic te mandalajic ta stojol te lum Israel cu'une. Jo'on ya jpejc'an spisil te acontroique. Soc ya cac'bat ana' stojol te ya cac'bat ats'umbal.

1 Crónicas 22:10

Ja' me ya spasbon jun templo. Jich me ya xc'ot te bit'il jtul jnich'an, soc jichon te bit'il stat. Soc ya me cal te sbajt'el q'uinal ay ta ajwalil ta stojol Israel te patil alnich'an yu'une”, xi' te Diose.

Job 34:29

Pero teme ma xc'opoj yu'un te Diose, ¿mach'a ya xju' yu'un ya yalbey smul te j'uts'inwaneje? Teme ya snac' yelaw te Diose, ¿mach'a ya yilbey te smule? Ja' stuquel ya yil lumetic soc juju-jtul ants-winiquetic,

Salmos 106:42

tenotic ta lec yu'un, pejc'ajic yu'un ta sc'abic.

Salmos 127:1

Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Salmos 46:9

jc'axel la slajinbey sc'oplal te guerra c'alal ta slajibal balumilal; la sc'asix te t'imalte'etique, la swuyix te lanzaetique, la xchiq'uix te carretaetic yu'un guerra.

Proverbios 14:1

Te ants te ay sp'ijile, t'ujbil ya xchajban sna; yan te ants ma sna' q'uinale, ya sjin sna stuquel.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

1 Samuel 2:35

Ya me jtsa yan sacerdote te jun yo'tan ta jtojol te ja' ya spas te bila ya jmulan soc te bila ya sc'an te co'tane. Ya me cac'bey sts'umbal ta cajalcaj bael, ya me cac' at'ejuc ta stojol spisil ora te muc' ajwalil te jo'on ya jtsae.

1 Samuel 25:28

Abaton awu'un, pasbon perdón. Te Cajwaltic ya me sc'asesat ta muc' ajwalil soc ats'umbal ta cajalcaj, melel yacat ta guerra ta swenta te Cajwaltique. Te jayeb c'aal cuxulat ma me ayuc bi amen ya xc'ax awocol yu'un.